Yak. 5:20 - Ebaibul

²⁰ toyenutu nu: ituŋanan ŋini inyakuni ekasecan alopitesyo keŋ a ŋulu aronok, eiuni iŋes etau ŋolo ke ekasecan a ŋol anatwanare ka erapuwar ŋasecisya ŋuna alalak.

Yak. 5:20 Iomraidhean Croise

Ŋikiru. 32:1

Erereŋ ŋulu adau Akuj akisyon aŋuna ka aronis kec, ŋulu ekisar ŋasecisya kec.

Ŋakit. 10:12

Iasete ŋiman ŋican, nai erapuwarit amina ŋasecisya daadaŋ.

Ŋakit. 10:2

Emam ibore ŋini eryamuni ituŋanan alobari a ŋolo eryamununuyo anakitiya aronis, nai ikiuni iyoŋ anatwanare, akiyookino.

Ŋakit. 11:30

Eauni akiyookino akiyar, nai elemari aryenyeo akiyar.

Ŋakit. 11:4

Emam ajokis itiyakini ebari neni kon akoloŋit ŋina itwania iyoŋ, nai ikilakuni iyoŋ anatwanare akiyookino.

Ŋakit. 17:9

Ituŋanan ŋini isyoni ŋinice anakiro a ŋuna abu todyeka, itopoloe ituŋanan ŋin aminanar, nai ituŋanan ŋini erubakini jik isiburae ŋinice elimununui ŋakiro ŋuna alunyar, eauni ituŋanan ŋin, atyaka iŋes ka ŋirukitos keŋ.

Yoa. 5:24

“Akalimokini ayoŋ iyes kire atemar, ŋini iirari akaakirot, ido tonup iŋes ŋolo ekeyakuunit ayoŋ, eyakar akiyar ŋina nyedaun, nyetubokinio iŋes, nai alunyar iŋes anatwanare nakiyar.

Ŋirom. 11:14

Acepaki apedori ainakin arakao lotuŋa kaŋ, Ŋiyudayan, ikotere aŋuna kaŋ toiunia Akuj ikes ŋice.

1 Ŋikor. 1:21

Ŋinapei koloŋ, abu Akuj anaosou keŋ nyecamak ŋituŋa ayenun iŋes anaosou kec, nai abu Akuj tolakar tocamu aiun ŋulu enupete anakiro a ŋuna ikilimonokin iwon, a ŋuna erae abaŋao aneni a ŋituŋa.

1 Ŋikor. 9:22

Aneni a ŋulu epalag ananupit, apalag ikwa ikes, ikotere onyaraunia ŋulu palag daŋ neni a Kristo. Aruwor ayoŋ ŋinibore daadaŋ alotuŋa a daadaŋ, ikotere oiunia ŋice a epite a daadaŋ a ŋolo apedorya.

1 Tim. 4:16

Toyeni iyoŋ epite ŋolo iboiyo ka ŋakiro ŋuna itatami. Torubak itiyae ŋakiro ŋun, anerae kitiya iyoŋ, iiun iyoŋ elope ka ŋulu iirarete ŋuna itatami.

Pil. 1:19

Egiri ayoŋ nu ka akan kaŋ a elope, ayoŋ Paulo akataci iyoŋ. (Nai nyitemokino ayoŋ eketatamu iyoŋ atemar erae neni kaŋ iryamunitor iyoŋ akiyar kon ŋina kitete alotooma Kristo.)

Yak. 1:15

Esibit ekibure keŋ ŋolo aronon ibore ŋini epoti, ido touru asecit; topolou asecit, touru atwanare.

Yak. 1:21

Aŋun, toesikisi ŋakiro ŋuna aronok ka ŋipitesyo ŋulu aronok daadaŋ. Kijautu ka akiyapara akirot ŋina iwuakinit Akuj lotai kus, ŋina epedori akiteyar ŋitai kus.

Yak. 5:15

Akilip ŋin ŋina ka anupit, itaŋaleuni ituŋanan ŋini edyak; itojokuni Ekapolon iŋes ka isyoniyo ŋasecisya ŋuna itiyat iŋes.

Yak. 5:19

Ŋikaitotoi kaŋ, ani keoliyo ipei kus anakiro a ŋuna a kire, ido kinyaku ŋinice iŋes,

1 Pet. 4:8

Akilo ŋun daadaŋ, tominanaros make nooi, anerae erapuwarit amina ŋasecisya ŋuna alalak.

Akis. 20:6

Elakara ka erereŋ nooi ŋulu imarakinitae nayarun alokatwak ŋina esyaunan! Nyetapi atwanare ŋina a ŋaarei ikes, eruworosi ikes ŋisacaradotin ŋulu ka Akuj ka ŋulu a Kristo, kipukata ka iŋes ŋikaru aliput apei.