Yak. 5:19 - Ebaibul

¹⁹ Ŋikaitotoi kaŋ, ani keoliyo ipei kus anakiro a ŋuna a kire, ido kinyaku ŋinice iŋes,

Yak. 5:19 Iomraidhean Croise

Ŋikiru. 119:118

Iŋerenene iyoŋ ŋulu nyiwuapito ŋakiro ŋuna itubunit iyoŋ, anerae erae ŋakiro ŋuna itiyaete ikes ke epali ŋakoŋinae.

Ŋikiru. 119:21

Ikitoŋoyenete iyoŋ ŋiketurok ŋulu ilamam, ŋulu eoliyonorete anakiwuapit ŋakiciketa kon.

Ŋakit. 19:27

Ikaakoku, ani kiŋer iyoŋ akipup ŋakiro ŋuna ajokak ŋuna ikitatamio, edaun iyoŋ epite ŋolo iyenunia ŋakiro ŋuna ka aosou.

Isa. 3:12

Ŋidwe ikes isicanito ŋituŋa kaŋ ka ŋaberu ikes ipukato. Okoe ŋituŋa kaŋ ikitooliyosi iyes ŋikarikok kus, ikitoŋopikis ikes iyes ŋuna emaikina iyes kiwuapa.

Esek. 34:16

Alosi ayoŋ akiŋitanar ŋuna eolito, enyakuni ayoŋ ŋuna eoliyorito, aeni ayoŋ ŋajemei a ŋuna ewanawana, etogogoŋi ayoŋ ŋuna epalag, nai amunyari ayoŋ ŋuna atumak ka ŋuna agogoŋok. Eyoki ayoŋ ŋamesekin anakiyookino.

Esek. 34:4

Nyitogogoŋo iyes ŋamesekin ŋuna epalag, nyitaŋaleuno iyes ŋuna edyakasi, nyeena iyes ŋajemei aŋuna ewanawana, nyinyakuna iyes ŋuna eoliyorito, nyiwarara iyes ŋuna eolito, nai ipolokis iyes ŋamesekin alotooma aryenyeo ka anyunyura.

Mat. 18:15

“Ani kesec lokaato kon neni kon, tolot neni keŋ kiteyenik iŋes adyakaret keŋ aneni kus make. Ani kiira iŋes ŋuna ilimok iyoŋ, iŋes atemar inyaku iyoŋ lokaato kon.

Luk. 22:32

Nai ekelipak ayoŋ iyoŋ Simoni, ikotere nyepuripuryaar anupit kon. Ani iboŋuni iyoŋ nabo neni kaŋ, itemokino iyoŋ kitogogoŋ ŋikonikaitotoi.”

Ŋigal. 6:1

Ŋikaitotoi kaŋ, ani keriko asecit idiotuŋanan, itemokino iyes ŋulu ikipukat Etau ŋolo ka Akuj kiŋarakis iŋes, ikotere inyakun iŋes; nai itemokino iyes kitiyata ŋun alotooma akitiditeuna. Kiuryar ŋinituŋanan kus bon, ikotere nyitemi iŋes daŋ.

1 Tim. 6:10

Anerae amina ŋisiliŋa iŋes erae akisyakinet ŋina a ŋakiro a ŋuna aronok a daadaŋ. Erae ekibure ŋol iŋes etooliyo ŋice ananupit kec ka etalalata ŋican ŋulu ka akiyaloloŋ alotai kec.

1 Tim. 6:21

Anerae ebasi ŋice ikiyakatar ikes aosou ŋin, ŋuna nai atakanut ikes nu, aoliyosi ikes ananupit Kristo. Toyai neni kus ajokis ŋina ka Akuj.

2 Tim. 2:18

Aoliyosi ikes anakiro a ŋuna a kire aŋuna itatamyata atemar adau ayarun alunyar, ido alopite a ŋol, etaŋayaŋayakis anupit a ŋice.

Ŋibur. 5:2

Ikwaŋinapei epalagia iŋes daŋ alotau, epataniar iŋes aneni a ŋulu edyakanarete, anerae emam ŋuna eyenete.

Yak. 1:16

Tocoito nyikimodikin, ŋikaitotoi ŋuluminan!

Yak. 1:19

Ŋikaitotoi kaŋ ŋuluminan, toyenutu ŋakiro nu! Itemokino ŋinituŋanan kikirikira apupokin, nai tosae akirworikin ka nyeŋoyenene atipei.

Yak. 3:14

Nai ani kiyakatar iyes arakao ŋina aronon nooi ka akitojoka lotai kus, nyiturokinotor aosou ŋin, ido torapa ŋuna a kire aŋuna ka alyokonu kus.

Yak. 5:20

toyenutu nu: ituŋanan ŋini inyakuni ekasecan alopitesyo keŋ a ŋulu aronok, eiuni iŋes etau ŋolo ke ekasecan a ŋol anatwanare ka erapuwar ŋasecisya ŋuna alalak.

2 Pet. 3:17

Nai ŋikaakonei, idaut iyes ayenun ŋakiro ŋun. Totenito nai, ikotere nyikirikosi ŋadyakanareta ŋuna a ŋituŋa a ŋulu ebilibiliyete Ŋikisila, ido ikitaŋayaŋayata iyes.

Yud. 1:11

Ekaŋ neni kec! Anerae ewuapakis ikes epite a Kain. Aŋuna a ŋisiliŋa, amaryaarosi ikes nadyakaret ŋina koloŋ a Balaam. Ikwapei Kora, awout ikes eboŋito ka inyasunio ikes.