Yak. 5:16 - Ebaibul

¹⁶ Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

Yak. 5:16 Iomraidhean Croise

Akisy. 19:29

Nai ŋina enyasunia Akuj ŋitaunio ŋulu aya nadipo anakwap a ŋin, abu iŋes tominak Aburaam, ido tolema Lot alotaunio a ŋul apaki ŋina enyasunia ŋitaunio ŋul, ŋulu sek eboiyo Lot ekiŋaren.

Akisy. 20:17

Kilip nai Aburaam neni ka Akuj aŋuna ka Abimelek, tolema Akuj ŋilam aneni ka Abimelek ka aneni ka aberu keŋ ta aneni a ŋaberu keŋ a ŋuna pa eitit, togeut akidore,

Akisy. 20:7

Kinyaka tokona aberu a ituŋanan, anerae erae ekile aberu a na ekadwaran, ikilipakini iŋes iyoŋ, ido toyar. Nai ani pa kinyaka iyoŋ iŋes, kire jik, itwani iyoŋ; iyoŋ ka ibore kon daadaŋ ŋini eyari.”

Akisy. 32:28

Tema iŋes neni a Yakob, “Nyenyarao nabo ekiro kon Yakob, nai enyarao Isirael, anerae idayu iyoŋ akisilek Akuj ka ŋituŋa, ido ibu iyoŋ kidaŋidaŋ.”

2 Sam. 19:19

Tema simei neni a erwosit, “Ekemaimai ayoŋ iyoŋ ekapolon kaŋ, nyikitoroniya ayoŋ, kori nyimar ŋakiro ŋuna abu ayoŋ eketiyan kon etiya eroko neni kon a ekapolon kaŋ; akoloŋit ŋina irotokinio iyoŋ alo Yerusalem. Emaimai ayoŋ erwosit kimyek ŋun, nyiwuak natameta keŋ.

1 Ŋirw. 13:6

Tema erwosit neni a ekile a ŋol a ŋolo arae ituŋanan ŋini ka Akuj, “Kilip tokona neni ke Ekapolon Akuj kon, kilipakinae ayoŋ, ikotere tojokyar akan kaŋ.” Aŋun, abu ekile ŋolo arae ituŋanan ŋini ka Akuj kilip neni ke Ekapolon, ido abu akan a erwosit tojokyar, kikok nenipei sek.

2 Ŋakiro a ŋirwa 30:20

Abu nai Ekapolon kiira ŋakiro ke Esekia, kisyoni ŋituŋa.

Yob 42:8

Aŋun, tolemutu tokona ŋimoŋin ŋikanikaarei ka ŋimeesekin ŋikanikaarei, ido toloto neni a Yob a eketiyan kaŋ, iinakis erae amuronot ŋina epeyo aŋuna kus. Ikilipakini iyes Yob eketiyan kaŋ, acamuni ayoŋ akilip keŋ ŋina akadyekitor iŋes ayoŋ nyetiya neni kus ikwa emaikina aŋuna ka abaŋao kus; anerae ipotu iyes nyirworo ŋuna iyookino aŋuna kaŋ lopite ŋolo erworitor Yob eketiyan kaŋ.”

Ŋikiru. 34:15

Ite Ekapolon ŋulu iyookino; ka epupi Ekapolon akigworo kec aŋuna ka akiŋarakino.

Awos. 17:11

Apaki daadaŋ ŋina ekyaaritor Moses akan keŋ, elounito Ŋisirael Ŋiamaleki; ido apaki daadaŋ ŋina etikiunio Moses akan keŋ, kilout Ŋiamaleki Ŋisirael.

Awos. 9:33

Aŋun, abu Moses torotok aneni ayai Parao, toloma kiŋa etaun, ido kikyaa ŋakan keŋ neni ke Ekapolon; kikwaa a kiru tojoŋoto ŋakako adoiunun, tojoŋo akiru abukuno nakwap ŋin.

Ŋakit. 15:29

Nyecamuni Ekapolon akiirar akilip a ŋituŋa a ŋulu aronok, nai iiranari Ekapolon akilip a ŋituŋa a ŋulu iyookino.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 28:9

Ani keŋer ituŋanan akiwuap ŋuna ebasi ŋikisila, eruwor tari ŋakisilipasinei keŋ asiilyo aneni ka Akuj.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yer. 33:3

“Tonyarae ayoŋ, akaboŋokini ayoŋ iyoŋ, akalimokini ayoŋ iyoŋ ŋakiro ŋuna apolok, ŋuna imunonitae, ŋakiro ŋuna nyeyenuna iyoŋ.

Yer. 42:2

neni a ekadwaran Yeremia, tolimokis iŋes temasi, “Kitiya ejok, topupok adyekitoi kosi, kilip neni a Ekapolon Akuj kon aŋuna kosi aŋuna a ŋipiya a lu a daadaŋ, anerae ikidoŋ isua ikirae ŋidikudyo bon, alotooma ŋikalalak, lopite ŋolo iteo iyoŋ.

Ekim. 11:2

Apotu ŋituŋa kigworokis Moses, tosodi Moses kilip neni ke Ekapolon ka abu akim toduŋe.

Mat. 21:22

Ŋuna daadaŋ iŋitasi iyes anakilip iryamunete, erae kiyakatar iyes anupit.”

Mat. 3:6

ido kibatisa Yoana ikes anaŋolol alo Yorodan kedaut alimonor ŋasecisya kec.

Mar. 1:5

Toloto neni a Yoana ŋituŋa daadaŋ ŋulu a Yudeya ka Yerusalem; ani kedaut ikes akiki ŋakecesecisya, kibatisa iŋes ikes anaŋolol a ŋina anyaritae Yorodan.

Luk. 9:6

Torotokis ikes, kimanimana ŋirerya daadaŋ iseraete Ŋakiro ŋuna Ajokak, nabo kitaŋaleununuyete ŋituŋa daadaŋ.

Yoa. 9:31

Ikiyeni iwon atemar nyepupi Akuj ŋikasecak, epupi ŋulu ekerito iŋes bon ka ŋulu itiyaete ŋuna ecamit iŋes ikes kitiyata.

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋitic. 19:18

Apotu ŋikanupak ŋulu alalak tolimonosi alokiŋaren ŋituŋa ŋakiro ŋuna aronok, ŋuna sek keris ikes kitiyata.

Ŋitic. 8:24

Toboŋok Simoni tema, “Kilipa neni ke Ekapolon aŋuna kaŋ, ikotere nyitiyakin idiobore ŋini ilimu iyoŋ neni kaŋ.”

Ŋirom. 3:10

ikwaŋinapei igiritere Nakigireta ebe: “Emam ituŋanan iyookino, emam ipei daŋ;

Ŋirom. 5:19

Anerae ikwaŋina aponere kituruworere ŋituŋa ŋulu alalak ŋikasecak aŋuna aŋeryo ipeituŋanan akiwuap ŋakiro ŋuna ka Akuj, ikwaŋinapei, ituruworyo ŋikalalak ŋulu iyookino alokiŋaren Akuj, aŋuna ewuapya ipeituŋanan ŋakiro ŋuna ka Akuj.

Ŋikol. 1:9

Aŋun, ameun anakoloŋit a ŋina eirarere isua ŋuna itiyaete iyes, ikilipanakini isua iyes jwi jwi. Ikilipi isua neni ka Akuj ikiinak iyes aosou ka ayenut daadaŋ, ŋina ebunit aneni ke Etau keŋ, ikotere nai toyenut ejok acamit keŋ.

1 Ŋites. 5:17

kilipeneneete jwi jwi,

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.

1 Ŋites. 5:25

Ŋikaitotoi, kilipakinitetei isua daŋ.

Ŋibur. 11:4

Anupit iŋes etelemuni Abel amuronot ŋina ajokan akilo ŋina a Kain. Anupit iŋes abunio Akuj tocamunia iŋes erae ŋolo iyookino, anerae Akuj alope abu kiteyenu ŋun anacamun ŋainakineta ŋuna ka Abel. Aŋuna ka anupit keŋ, eriŋa ŋakiro ŋuna abu iŋes kitiya irworosi neni yok, tari ketwanit iŋes.

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

Ŋibur. 12:13

Kisidiiryata ŋirotin, ikotere nyilenyar ŋakejen kus ŋuna sek eŋwalito, nai toruworos ŋuna itaŋaleunio.

Ŋibur. 13:18

Torubakisi ikilipakinito. Ikiyeni isua kire jik atemar, ecayete ŋatameta kosi, anerae ikicamit akiboi ikirae ŋulu ikikerer alopitesyo a daadaŋ.

Yos. 10:12

Akoloŋit ŋina epotokinio Ekapolon Ŋiamori neni a Ŋisirael amunyar, abu Yosua kirwor neni ke Ekapolon epupete Ŋisirael tema, “Akoloŋ, towo kitiirakin kidiama Gibeon. Elap, towo kitiirakin kidiama akadipaalat Aijalon.”

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Yoa. 3:22

Ikiryamuni iwon ŋinibore daadaŋ ikiŋisi iŋes, anerae ikiricakinit iwon Ŋakiciketa keŋ ka ikitiyae ŋuna italakarito iŋes.

1 Sam. 1:12

Ani eriŋa iŋes erubakinit ilipi alokiŋaren Ekapolon, torubak Eli ite akituk keŋ.

1 Sam. 12:17

Meere apaki ŋina elemere ŋaganoi na, ŋina emamukar akiru a? Anyarae ayoŋ Ekapolon yau agiro ka akiru; ikotere iyes iyenunete ka iŋolikinete atemar eroko nooi ŋuna itiyata iyes alokiŋaren Ekapolon, anerae ipotu iyes kiitana aryamun erwosit ŋolo ikipukae iyes.”

1 Sam. 12:18

Aŋun, abu Samuel tonyara Ekapolon, ido abu Ekapolon yau agiro ka akiru akoloŋit ŋin; kitopoloosi nooi ŋituŋa daadaŋ Ekapolon ka Samuel.