Yak. 5:15 - Ebaibul

¹⁵ Akilip ŋin ŋina ka anupit, itaŋaleuni ituŋanan ŋini edyak; itojokuni Ekapolon iŋes ka isyoniyo ŋasecisya ŋuna itiyat iŋes.

Yak. 5:15 Iomraidhean Croise

Isa. 33:24

Mam ituŋanan ŋini iboi a nen ŋini etemari, “Adyaka ayoŋ,” isyoniyo ŋasecisya a ŋituŋa a ŋulu iboiyete a nen.

Mat. 17:20

Toboŋok Yesu ikes tema, “Anerae edit anupit kus. Akalimokini ayoŋ iyes kire atemar, ani iyakatar iyes anupit ŋina edit ikwa icokit ŋini ikoni ŋini ke ebobore, ilimokinete tari emoru lo atemar, ‘Kiyoto a ne, tolot ama,’ iyotori; ka emam ibore ŋini ikipiyori iyes akitiyakin. [

Yoa. 5:14

Ekaku, abu Yesu toryamu ekile ŋol alo Kai ka Akuj, tolimok iŋes tema, “Kiira, iŋaleu iyoŋ tokona; tojoŋo asecesec, ikotere nyitiyakin ibore ice ŋini aronon nooi neni kon.”

Yoa. 6:39

Acamit a ŋolo ekeyakuunit ayoŋ, iŋes na: nyitemokino ayoŋ etooliyo idiotuŋanan ŋini akainaki iŋes ayoŋ; nai akilo, eteyaru ikes Akoloŋit ŋina esidyon.

1 Ŋikor. 1:21

Ŋinapei koloŋ, abu Akuj anaosou keŋ nyecamak ŋituŋa ayenun iŋes anaosou kec, nai abu Akuj tolakar tocamu aiun ŋulu enupete anakiro a ŋuna ikilimonokin iwon, a ŋuna erae abaŋao aneni a ŋituŋa.

2 Ŋikor. 4:14

Ikiyeni isua atemar, ŋolopei abu kiteyaru Ekapolon Yesu, iŋes pei ebuni akiteyarun isua daŋ kaapei ka Yesu, ido ikiya isua ka iyes kiŋaren keŋ.

Yak. 1:6

Nai itemokino iŋes kiŋit ka anupit, tomam aŋayaŋayat adio daŋ. Anerae ituŋanan ŋini eŋayaŋayat, ikoni ŋikaguragurae ŋulu a ŋakipi ananam, ŋulu ibele ekuwuam neni daadaŋ ekutari.

Yak. 5:13

Eyai alokidiŋ kus ŋini eyakar ŋatyokisyo a? Itemokino iŋes kilip Akuj. Eyai ŋini elakara a? Itemokino iŋes toeik, kipur Akuj.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

Yak. 5:20

toyenutu nu: ituŋanan ŋini inyakuni ekasecan alopitesyo keŋ a ŋulu aronok, eiuni iŋes etau ŋolo ke ekasecan a ŋol anatwanare ka erapuwar ŋasecisya ŋuna alalak.