Yak. 4:5 - Ebaibul

⁵ Nyitamete atemar kori nyiyookino ŋakiro ŋuna igiritae Nakigireta ebe, “Ecamit Akuj ikotere iŋes bon etau ŋolo abu kiwuak tooma yok.”

Yak. 4:5 Iomraidhean Croise

Akisy. 26:14

Ayakasi iŋes ŋisipanin a ŋamesekin, ŋisipanin a ŋaatuk ta ŋiketiyak. Aŋun, apotu Ŋipilistin kirakar ebari keŋ, kimana iŋes.

Akisy. 30:1

Ani eanyuni Rakel atemar emam ŋidwe edoe iŋes aŋuna a Yakob, torakaanik nakaato keŋ; tolimok Yakob tema, “Kiteryamunae ayoŋ ŋidwe, ani kemam atwani ayoŋ!”

Akisy. 37:11

Aŋun, apotu ŋikaitotoi a Yosepu torakaanikis Yosepu, nai abu papa keŋ kiric ŋakiro ŋun alotau keŋ.

Akisy. 38:9

Nai aŋuna ayenia Onan atemar nyepedorete ŋidwe ŋul aruwor ŋulu keŋ, emianakini iŋes ŋaokot keŋ ebukonor kwap apaki daadaŋ ŋina iryamakinotor iŋes ka aberu alokaato keŋ; ikotere nyeuru ŋidwe anaberu alokaato keŋ.

Akisy. 6:5

Kiŋolik Ekapolon aronis a ŋituŋa kelalaar anakwap, ka daadaŋ ŋuna atamete ŋituŋa apaki daadaŋ, arae aronis bon.

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

Ŋikiru. 106:16

Apotu ikes analomar kimana Moses ka Aron ŋolo arae eseuna ŋolo ke Ekapolon.

Ŋikiru. 37:1

Nyikibul aŋuna a ŋulu aronok; tocoito nyikimuwa iyes ŋuna itiyaete ŋulu itiyaete aronis,

Ŋakit. 21:10

Iitanito ŋitai a ŋulu aronok akitiya aronis, emam akisyon eryamunito ŋikidunget kec aneni kec.

Ekal. 4:4

Abu nai ayoŋ oyenu atemar itiyaete ŋituŋa eŋirikinito nooi ŋolotic daadaŋ ka ŋinapiiryanut daadaŋ, anerae erakaana ŋinituŋanan aŋuna a ŋinice. Erae ŋun daŋ ŋakoŋinae, erae akirisit ekuwuam.

Isa. 11:13

Edaun arakao a ŋituŋa a Epuraim aŋuna a ŋituŋa a Yudaya, nyerubakinete ŋituŋa a Yudaya eryanyanikinito ŋituŋa a Epuraim.

Ekim. 11:29

Nai tolimok Moses iŋes tema, “Ililit iyoŋ aŋuna kaŋ a? Okoe kerae ca torae ŋituŋa a Ekapolon daadaŋ ŋikadwarak, ido inakinite Ekapolon ikes etau keŋ!”

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Yoa. 10:35

(Ikiyeni atemar iyookino Ŋakigireta kire;) ido abu Akuj tonyara ŋituŋa ŋulu alimokinio ŋakiro keŋ, ŋakujo.

Yoa. 19:37

Elimunitoe nabo a Nakigireta a ŋace ebe, “Epote ŋituŋa akiŋolikin ŋolo ecumete ikes.”

Yoa. 7:42

Kire igiritae Nakigireta ebe, erae Kristo lopapait a Daudi, ebuni iŋes alo Betelem alore a ŋolo koloŋ ayai Daudi.”

Ŋitic. 7:9

“Torakaakyata atapapaa yok, togyelasi Yosepu Ijipit aruwor epito. Nai arukito Akuj ka Yosepu,

Ŋirom. 1:29

Ileleba neni kec ŋakiro ŋuna nyiyookino--aronis, akiŋobel ka ediŋet; ileleba arakao, akiar, ebura, amodiyo, ŋinyas ka asyoma.

Ŋirom. 9:17

Anerae ebasi Ŋakigireta abala Akuj neni a Parao ebe, “Abu ayoŋ eketuruwo iyoŋ ekepukan aŋuna a ŋakiro a nupei a nu: akisitiya iyoŋ kitoodiu apedor kaŋ ka akiserakin ekiro kaŋ nakwap daadaŋ.”

1 Ŋikor. 6:19

Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj.

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

Ŋigal. 3:8

Apotu Ŋakigireta koloŋ todwara atemar elimori Akuj atemar iyookinosi ŋituŋa ŋulu nyerae Ŋiyudayan aŋuna ka anupit kec. Aŋun apotu Ŋakigireta tolimokis Ŋakiro ŋuna Ajokak neni ka Aburaam temasi, “Iterereŋi Akuj ŋakwapin daadaŋ aŋuna kon”.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.