Yak. 4:4 - Ebaibul

⁴ Iyes ŋulu nyikikinyomitae alokiŋaren Akuj, ikwa ŋikalomak alokiŋaren ŋaberu kec! Nyiyenete iyes atemar akoneo ka akwap erae aruwor emoit ŋolo ka Akuj a? Ituŋanan daadaŋ ŋini ecamit aruwor ekone ŋolo ka akwap, eruwor emoit ŋolo ka Akuj.

Yak. 4:4 Iomraidhean Croise

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Ŋikiru. 21:8

Ikamuni iyoŋ ŋimoe kon daadaŋ; ikamuni iyoŋ a apedor kon ŋulu ikimanito iyoŋ.

Ŋikiru. 50:18

Ikoneununeete iyes ŋikokolak apaki ŋina iŋolikiniata edio, ido iminasi arukit ka ŋikalomak.

Ŋikiru. 73:27

Kire jik, edaunosi ŋulu ikiŋerito iyoŋ, imunyari iyoŋ ŋulu nyiwuapito ŋakiro kon.

Isa. 57:3

Nai ani eruwor iyes, potu ne, iyes ŋidwe a ŋikekukujak, iyes ŋiletok a ikaloman ka imalaanot.

Yer. 2:2

“Ape kisera ŋakiro nu epupete ŋituŋa a Yerusalem, ŋakiro ŋuna irworo Ekapolon ikes nu: Atamunit ayoŋ ainakina kon neni kaŋ alorwa a ŋulu ka asoroko kon; atamunit ayoŋ amina ŋina ikiminar iyoŋ ayoŋ ikwa ateran. Epite ŋolo ikiwuapitor iyoŋ ayoŋ analoŋisat, anakwap a ŋina nyitao.

Yer. 9:2

Okoe kerae ca oyakar ayoŋ naloŋisat akibois ŋina epedorya ekaloton akieŋunia toper, kalot ayoŋ aneni kec emyek ŋituŋa kaŋ, anerae erae ikes daadaŋ ŋimalaanotin, atukot a ŋikalukinok.

Esek. 16:32

Ikwaan iyoŋ ka aberu ŋina aloman, ŋina emina ŋikilyok ŋulugelae akilo amina lokile keŋ.

Osea 3:1

Okolimok nabo Ekapolon ayoŋ tema, “Ape, kitoodik nabo amina kon neni a aberu aŋina aruwor ŋina a ekile a ece ka aruwor akaloman. Emaikina iyoŋ tominak iŋes lopite ŋolo aminar ayoŋ ŋituŋa a Isirael tari keminasi ikes ŋakujo ka tominas aayenen neni a ŋakujo ŋaboboryo ŋuna erukitoe esibit ŋamugati.”

Mat. 12:39

Nai toboŋok Yesu ikes tema, “Okoe nyapeinyamet karonon ka ŋina nyikinyomit Akuj, iitanit iŋes akujuwuanut; nai emam akujuwuanut ŋina einakinio iŋes, mati ŋina a Yona a ŋolo arae ekadwaran.

Mat. 16:4

Eroko nooi ŋituŋa a ŋirwa a lu nyekerito tari ŋina erae Akuj! Iwarito akitoodikinet ŋina ailiilon! Nai emam akitoodikinet ace ŋina ailiilon ŋina itoodikinio ikes mati ŋina ke ekadwaran a Yona.” Torotok nai Yesu toesik ikes.

Mat. 6:24

“Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.

Luk. 19:27

Nai ani ikwa ŋimoi kaŋ lu, ŋulu nyakacamito ayoŋ akipuka ikes, torikutu ikes ne toŋolae ete ayoŋ!’”

Yoa. 15:19

Kerae toraakas iyes ŋituŋa ŋulu ka akwap a na, kikiminak iyes akwap na, anarakau ŋulu keŋ. Nai akaseu ayoŋ iyes anakwap a na, ka nyirae iyes ŋulu keŋ. Iŋes nai ikitidiŋitor iyes akwap na.

Yoa. 17:14

Ainak ayoŋ ikes akirot kon; etidiŋa ŋituŋa ŋulu ka akwap ikes, anerae nyerae ikes ŋulu ka akwap, ikwaŋinapei nyaraakar ayoŋ daŋ ŋolo ka akwap.

Yoa. 7:7

Nyepedori akwap akitidiŋ iyes, nai eketidiŋit ayoŋ, anerae arubakinit alimonokini iŋes atemar eroko nooi ŋikeeticisyo.

Ŋirom. 5:10

Ikipotu iwon oruworos ŋimoi ŋulu ka Akuj, nai abu iŋes ikisisil iwon ka iŋes alotooma atwanare a Lokoku keŋ. Ikwaŋina tokona ikiraakar iwon ŋikonei ŋulu ka Akuj, etya nai ai aiuno ŋina ikiryamuni iwon alotooma akiyar a Yesu Kristo.

Ŋirom. 8:7

Aŋun, ituŋanan ŋini ipukato ŋipitesyo ŋulu ka aseconu, erae iŋes emoit ŋolo ka Akuj; anerae nyiwuapit iŋes ekisil ŋolo ka Akuj, kori daŋ nyepedori jik akiwuap.

1 Ŋikor. 1:20

Ai mono alokiŋaren Akuj eyai ituŋanan ŋini aoson? Ai eyai ituŋanan ŋini eyeni? Ai eyai eketepegan anakwap a na? Nyeanyuwara tokona iyes epite ŋolo etabaŋaaniarya Akuj aosou ŋina ka akwap a na a?

1 Ŋikor. 1:21

Ŋinapei koloŋ, abu Akuj anaosou keŋ nyecamak ŋituŋa ayenun iŋes anaosou kec, nai abu Akuj tolakar tocamu aiun ŋulu enupete anakiro a ŋuna ikilimonokin iwon, a ŋuna erae abaŋao aneni a ŋituŋa.

Ŋigal. 1:10

Alimunit mono ayoŋ ŋun aŋuna ka akitalakar ŋituŋa a? Mam jik! Akitalakar Akuj iŋes acamit ayoŋ! Kire meere akitojoka alotuŋa acamit ayoŋ! Kerae toriŋa ayoŋ ewarit ŋun, pa karae ayoŋ eketiyan a Kristo.

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.