Yak. 4:2 - Ebaibul

² Iitanito iyes ŋuna nyipedorete aryamun; aŋun, iarete. Irakakina ŋiboro a ŋuluce ŋulu nyipedorete ayaar; aŋun, kiburata ka tojioto. Nyiyakatar iyes, anerae nyiŋitasi aneni ka Akuj.

Yak. 4:2 Iomraidhean Croise

1 Ŋirw. 21:6

Toboŋok Aab iŋes tema, “Erae aŋuna abunio ayoŋ eŋisya Nabos ŋolo erae Eyesirelait ebe, ‘Togyelakinae ayoŋ emanikor kon ŋolo ke epiini, kori ani kejokak nu aneni kon kimyekinae ayoŋ ekelunyok iyoŋ emanikor ece.’ Nai tema Nabos neni kaŋ, ‘Mam nyakainakini ayoŋ iyoŋ emanikor kaŋ.’”

Ŋakit. 1:19

Erae ŋol epite ŋolo esaluniata daadaŋ ŋulu eyakatar ekibure ŋolo ka akidem ŋuluce ŋiboro kec; elemari ekibure ŋol akiyar a ŋulu eryamunete ekibure ŋolo ikoni nen.

Ekal. 4:8

Eyakasi ŋituŋa ŋulu iboiyete bon, emam ikes ŋidwe ŋulusapa, kori ŋikaitotoi; nyieŋuneneete ikes akitiya, nyetemanarete ikes ikitemokin ebari ŋolo eyakatar ikes. Etamete iŋitasi ebe, “Aŋuna mono a ŋae aŋirikinitor ayoŋ akitiya nyacamitor akileile ebari kaŋ?” Erae ŋun daŋ ŋakoŋinae ka etic ŋolo emam alakara iryamuni.

Isa. 7:12

Nai abu Aas tema, “Nyeŋisi ayoŋ akitoodikinet adio, nyekatakini ayoŋ Ekapolon.”

Abak. 2:5

Emodiyana ebari. Ŋiyeŋunenete ŋituŋa ŋulu eturok, eŋaamete ikes nooi ikwa akibois a ŋikatwak, ŋakiro ŋun iŋes ikamanaryata ikes ŋakwapin ka ŋakwapin kituruwosi ŋuna kec.

Yoa. 16:24

Akitodol tokona nyiŋita iyes idiobore alokiro kaŋ; kiŋita iryamunete, ikotere alelyan kus ilelebikin.

Yoa. 4:10

Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.

Yak. 5:6

Itubokis iyes ka iar ŋituŋa ŋulu pa asecito, ŋulu pa apedorete akitepeg iyes.

1 Yoa. 3:15

Ituŋanan daadaŋ ŋini itidiŋit lokaato keŋ, erae iŋes ekaaran ka iyenete iyes atemar emam ekaaran ŋolo erubakini eyakar akiyar ŋina nyedaun tooma keŋ.