Yak. 4:11 - Ebaibul

¹¹ Ŋikaitotoi kaŋ! Nyirworotor ŋuluce aŋuna aronok. Ŋini irworo ŋuna aronok kori etubonokini lokaato keŋ, irworo iŋes ŋuna aronok itoroniyarit Ŋikisila ka etubonokini Ŋikisila. Ani kitubonok iyoŋ Ŋikisila, iŋes atemar nyeriŋa iyoŋ iwuapit Ŋikisila; nai iruwor iyoŋ ekatubonokinan.

Yak. 4:11 Iomraidhean Croise

Ŋikiru. 140:11

Nyicamak ŋulu isudete ŋuluce ŋakiro etenete anakwap; kimyek aronis bu atipei tomunya ŋikaryenyaanak.

Luk. 6:37

“Nyitubonokis ŋuluce, ikotere nyikitubok Akuj iyes. Nyitoroniyasi ŋuluce, ikotere nyikitoroniya Akuj iyes. Kisyonioto ŋuluce, ikotere ikisyoni Akuj iyes.

Ŋirom. 2:1

Iyoŋ daŋ ŋini itubokini ŋuluce, aŋuna itiyaata ikes aronis, emam ŋakiro ipedorya aiunor bon aneni ka Akuj tari kirae iyoŋ ŋae. Anerae ŋina itubokinia iyoŋ ŋuluce, ido kitiyae iyoŋ daŋ ekatubon ŋunapei, isitakin iyoŋ bon elope.

Ŋirom. 2:13

Anerae, meere ŋulu ekerito Ŋikisila iyookino alokiŋaren Akuj; nai ŋulu itiyaete ŋuna ebasi Ŋikisila, ikes ituruworyo ŋulu iyookino.

Ŋirom. 7:7

Ikitemari nai tokona iwon Ŋikisila ikes erae asecit a? Mam jik! Nai arae Ŋikisila apotu eketeyenut ayoŋ ibore ŋini erae asecit. Pa kayenunit ayoŋ atemar erae akiŋobel icebore, kerae nyebasi Ŋikisila ebe, “Nyiŋobel.”

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

2 Ŋikor. 12:20

Akabulit ayoŋ atemar ŋina adolunio ayoŋ inaa, akaryamuni iyes igelaaka, pa ikote neni acamit ayoŋ iyes kikote ka ayoŋ daŋ pa ekoni neni icamito iyes ayoŋ ekoni. Akabulit ayoŋ atemar aryamuni aneni kus ebura, arakao, anyunyura, emwane, ŋiyany ka akirworor ŋuluce, akituro ka atyakatyaka.

Ŋiep. 4:31

Tojoŋoto arakao, anyunyura, aŋoit, ecelet ka akiyany Akuj.

1 Tim. 3:11

Ŋaberu kec daŋ, itemokino erae ŋuna emaikina tokeritetei, nyirworotor ŋulucetuŋa, torae ŋuna etyamaarito ka ŋuna ikinyomitae anakiro a daadaŋ.

2 Tim. 3:3

eruworosi ŋulu emamukatar aminanar, ŋulu emam akitim, ŋulu irworotor ŋuluce, ŋulu ededeŋ ka eryenyaaka; eruworosi ŋulu eremokino ŋuna ajokak,

Tito 2:3

Ikwaŋinapei, kitatam ŋakimak kiboiyoto alopite a ŋolo itoodiunit atemar ekerito ikes Akuj, nyirworotor ŋulucetuŋa ka nyeruworosi ŋakamerak. Itemokino ikes toruworos ŋuna itatamete ŋakiro ŋuna ajokak,

Yak. 1:16

Tocoito nyikimodikin, ŋikaitotoi ŋuluminan!

Yak. 1:19

Ŋikaitotoi kaŋ ŋuluminan, toyenutu ŋakiro nu! Itemokino ŋinituŋanan kikirikira apupokin, nai tosae akirworikin ka nyeŋoyenene atipei.

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

Yak. 2:8

Ipedorete iyes akitiya ŋuna iyookino erae kiwuap ekisil ŋolo ka Apukan ka Akuj, ikwaŋinapei igiritere Nakigireta ebe, “Tomina ekonikidunyet ikwaŋina iminar iyoŋ akonikuwan.”

Yak. 5:10

Ŋikaitotoi, totamutu ŋikadwarak ŋulu erworosi alokiro a ŋolo ke Ekapolon; toanyutu atemar erae ikes akitaanyikinet ŋina ka atitinyikinit alotooma ŋican.

Yak. 5:7

Ŋikaitotoi, totitinyikisi akitodol ŋina ebunio Ekapolon. Kiŋolikisi epite ŋolo etitinyikinitor eketan idarit emanikor keŋ tora ejok. Idarit iŋes akiru ŋina ka akicereet ka ŋina ka akiporo anatitinyikinit.

Yak. 5:9

Ŋikaitotoi, tojoŋoto akiŋuruŋura make, ikotere nyikitubok Akuj. Kiirasi! Aapuu Ekatubon, eapi atakanun keŋ.

1 Pet. 2:1

Toesikisi aronis daadaŋ; tojoŋoto alyokonu, ŋisoswae, ka arakao ta ŋakiro a ŋiyany daadaŋ.