Yak. 4:10 - Ebaibul

¹⁰ Kitiditeunos alokiŋaren Ekapolon, ido ikitopoloori iŋes iyes.

Yak. 4:10 Iomraidhean Croise

2 Ŋakiro a ŋirwa 7:14

ani kitiditeunosi ŋituŋa kaŋ ŋulu enyaritae a ekiro kaŋ, ido kilipa ka kiwara akiŋolikin ayoŋ, kimyekis ŋipitesyo kec ŋulu aronok, eirari nai ayoŋ anakuj ŋakiro kec, ido esyoni asecit kec ka eterereŋ akwap kec.

Yob 22:29

Elemanari Akuj akituro a ŋulu iturosi, ido eiununui ŋulu itiditeuna bon.

Yob 5:11

itopoloonori iŋes ŋulu itiditeuna bon, einanakini alelyanu neni a ŋulu igworosi.

Ŋikiru. 113:7

Iŋaranakini ŋikulyak tojoŋoto akiboi anapuwa iŋaranakini ŋulu aŋican tojoŋoto akiboi anatukon a ŋikurono;

Ŋikiru. 147:6

Iŋarakinit Ekapolon ŋulu itiditeuna make, nai emunaanari ŋulu aronok kitoloma kwap.

Ŋikiru. 27:6

Aŋun, elouni ayoŋ ŋimoe kaŋ ŋulu ekerikaunito ayoŋ. Anaeo a ŋina ka alelyanu, aai ayoŋ ŋamuronisya Kai ke Ekapolon, aeikini ka epuri ayoŋ Ekapolon.

Ŋikiru. 28:9

Okoe Ekapolon, toiu ŋituŋa kon, kiterereŋ ŋituŋa kon; toruwor ekeyokon kec ka kiric ikes ŋikaru ka ŋikaru.

Ŋikiru. 30:1

Okoe Ekapolon, ekepuri ayoŋ iyoŋ, anerae ikiu iyoŋ ayoŋ, ido ibu iyoŋ nyimyek ŋimoe kaŋ akakyenatar ayoŋ.

Awos. 10:3

Aŋun, apotu Moses ka Aron toloto neni a Parao temasi neni keŋ, “Ŋakiro ŋuna iŋita Ekapolon Akuj a Ŋiburaniyae ikes nu: Tari ori iwounit iyoŋ akitiditeun aneni kaŋ? Kimyek ŋituŋa kaŋ toloto, ikotere ilipete neni kaŋ.

Ŋakit. 29:23

Epedori akituro a ituŋanan aun ŋileec neni keŋ ekaku, nai iŋes ŋini itiditeuna alotau keŋ, eryamuni akitopolooro.

Esek. 21:26

alimu Ekapolon Akuj atemar, tolaca akopiya kon, tolaca ebokot kon, nyerubakinete ŋakiro ikote neni sek ekote. Itopolooryo ŋulucaryo ka itiditeunio ŋuluarwok.

Mat. 23:12

Ituŋanan ŋini itopolooro bon, itiditeunio ka ŋini itiditeuna bon, itopolooryo.

Luk. 1:52

Ekota iŋes ŋikapolok alokicoloŋo kec, ka etopoloo ŋulu itiditeuna alotai kec.

Luk. 14:11

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”

Luk. 18:14

Akalimokini ayoŋ iyes atemar, abu ekeriran ocur tolot lore keŋ iyookino alokiŋaren Akuj, akilo Eparisayot; anerae ŋinituŋanan itopolooryo bon, itiditeunio; nai ŋini itiditeuna bon, itopolooryo.”

1 Pet. 5:6

Aŋun, kitiditeunos iyes anakan a ŋina ka apedor a ŋina ka Akuj, ikotere nai ikitopoloori iŋes iyes apaki ŋina ecamitor iŋes.

1 Sam. 2:7

Ituruwonori Ekapolon ŋituŋa ŋice ŋikabarak ka ŋice ŋikulyak; ituruwonori ŋice ŋicaryo ka ŋice ŋikarwok.

1 Sam. 2:9

Iuryari Ekapolon akiyar a ŋituŋa keŋ a ŋulu anupak, nai itoŋopiyari iŋes ŋikasecak, itolomari nakiryonut; anerae nyiloununui ituŋanan ŋinibore aŋuna ka agogoŋu keŋ a ilope.