Yak. 4:1 - Ebaibul

¹ Ai itorunito ŋijiyesyo ka ŋiburasinei alokidiŋ kus? Itorunito lokibure ŋolo aronon ŋolo eji alotooma kus.

Yak. 4:1 Iomraidhean Croise

Yer. 17:9

“Emodiyana etau akilo ŋiboro daadaŋ, nyepatana akitojokun, ŋae epedori ayenun iŋes?

Mat. 15:19

anerae lotau elomununiata ŋakiro ŋuna aronok, ikwa: akiar, elomi, amalao, akoko, alyokonu ka akiyany.

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋirom. 7:23

Nai ete ayoŋ ekisil ŋolo egelaana itiyae aloticisyo kaŋ--ekisil ŋolo isiiryae ekisil ŋolo iyookino anatameta kaŋ. Eketuruworit ayoŋ emabus ŋolo a ekisil a ŋolo ka asecit--ekisil ŋolo a ŋiticisyo kaŋ.

Ŋirom. 7:5

Anerae apaki ŋina ikiboiyo iwon ikiwuapit ekibure yok bon, etiyae ekibure ŋolo aronon ŋolo isiguryakinito Ŋikisila anawat yok ka ikipotu iwon oruworos ŋulu ikitiyae ŋuna ikirikorete natwanare.

Ŋirom. 8:7

Aŋun, ituŋanan ŋini ipukato ŋipitesyo ŋulu ka aseconu, erae iŋes emoit ŋolo ka Akuj; anerae nyiwuapit iŋes ekisil ŋolo ka Akuj, kori daŋ nyepedori jik akiwuap.

Ŋigal. 5:17

Anerae ediŋasi aseconu a ituŋanan ka Etau ŋolo ka Akuj; erae ŋinice emoit a ŋinice. Aŋun nai, nyipedorete iyes akitiya ŋuna icamito akitiya.

Ŋikol. 3:5

Itemokino iyes kitoŋopiyasi ekibure ŋolo aronon ŋolo alotooma kus ikwapei amalao, asiilyanut, akitiya ŋuna a ŋileec, ekibure ŋolo aronon, arorokanut (anerae ikwaan arorokanut ka akilip akuj ace.)

2 Tim. 2:23

Toŋer ŋipegeta ŋulu a ŋimasimas ka ŋulu ka abaŋao, anerae iyeni iyoŋ atemar ebura bon eyaunete ikes.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

Tito 3:9

Nai toŋerite ŋipegeta ŋulu ka abaŋao, akirworo ŋakiro ŋuna a ŋirorwa a ŋulu alalak a ŋulu atapapaa yok, ŋiburasinei ka ŋijiyesyo ŋulu ejiyo aŋuna a Ŋikisila. Erae ikes ŋicaryo, ido nyiŋarakinete ŋituŋa.

Yak. 1:14

Nai itemyo ŋinituŋanan apaki ŋina icocoiyaryata ka ikamuniata iŋes ŋakiburanakiniata keŋ ŋuna aronok.

Yak. 4:3

Tari ŋina iŋisyata iyes iŋes, nyiryamunete, anerae iŋitasi erono; iŋitasi iyes ŋiboro ŋulu isitiyaete aŋuna ke ekibure kus.

1 Pet. 1:14

Ikwapei ŋidwe ŋulu ka Akuj, ŋulu ikerito iŋes, nyicamakis akiyar kus ilocokini ekibure ŋolo sek iyakatar iyes apaki ŋina ibaŋaakyata nyiyenete Ŋakiro ŋuna Ajokak.

1 Pet. 2:11

Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.

2 Pet. 2:18

Irworosi ikes ŋakiro ŋuna apolok ŋuna ileleba abaŋao; isitiyaete ikes ekibure ŋolo ka akuwan ŋolo aronon, akisirumia ŋulu ariŋa sek ebucarosi alotuŋa a ŋulu eyarete anadyakarit.

2 Pet. 3:3

Ŋuna eŋarenok, itemokino iyes toyenete atemar, alorwa a ŋulu esidyok a lu, etakanunete ŋituŋa ŋice ŋulu epolokinit ekibure ŋolo aronon ŋolo a ŋawat kec. Ikikienatar ikes iyes.