Yak. 3:2 - Ebaibul

² Ikidyakanari iwon daadaŋ. Nai ani keyai ŋini nyedyakanari anakiro a ŋuna irworo iŋes, erae ituŋanan ŋin ŋini ajokan akilo, ŋini epedori akiyokiun akuwan keŋ daadaŋ.

Yak. 3:2 Iomraidhean Croise

1 Ŋirw. 8:46

“Ani keseca ikes neni kon, anerae mam ŋini nyesecenene, ido toŋoik iyoŋ ikes, kipotok lomoe kec ikotere erikorete ŋimoe ikes nakwap a ŋimoe a ŋul erae ŋikikamara alojie, yaarae ikes neni elwana, kori neni eapi;

2 Ŋakiro a ŋirwa 6:36

“Ani keseca ikes neni kon, anerae mam ŋini nyesecenene, ido toŋoik iyoŋ ikes, kipotok lomoe kec, ikotere erikorete ŋimoe ikes nakwap kec erae ŋikikamara alojie, yaarae ikes neni elwana, kori neni eapi;

Yob 15:13

ido iremokin iyoŋ alotau kon Akuj ka imyekinit ŋakiro ŋuna itoroniaritor Akuj itorunito nakituk kon?

Ŋikiru. 34:13

itemokino iŋes toesik akirworo ŋakiro ŋuna aronok ka toesik akisud ŋakiro,

Ŋikiru. 39:1

Abu ayoŋ olimu ebe, “Acoikini ayoŋ alotooma ŋuna etiyae, ikotere nyasec alotooma ŋuna erworo; nyalimuni ayoŋ ŋakiro ŋadi eapiyete ŋituŋa ŋulu aronok.”

Ŋakit. 10:19

Ani kirwor iyoŋ ŋakiro ŋuna alalak, epatana iyoŋ akisec, nai ani erae kios iyoŋ, emaikina kililiŋ cek.

Ŋakit. 13:3

Ituŋanan ŋini ecoikinit ŋuna irworo iŋes eiunit akiyar keŋ, ituŋanan ŋini nyecoikinit ŋuna irworo iŋes, emunaari akiyar keŋ.

Ŋakit. 20:9

Ŋae epedori alimun ebe, “Adau ayoŋ alemar aronis alotau kaŋ; emam asecit eyai neni kaŋ?”

Ŋakit. 21:23

Akiyokiunit akituk ka aŋajep kon erwor car, erae akimyekinit alomar locan.

Ekal. 7:20

Kire jik emam ituŋanan anakwap ipei daŋ ŋini iyookino, ŋini itiyae ŋuna iyookino, ido nyesecenene.

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Ŋilep. 13:39

emaikina esacaradoti kisyeme ituŋanan ŋin, ido ani keryamu ŋakemera ŋun pa ekwaŋak nooi, iŋes atemar erae akisorit elomunit anakuwan; erae ituŋanan ŋin ŋini nyitoroniyaritae.

Mat. 12:34

Iyes ŋulu iroko ŋulu ikote ŋapomia, ikokinete iyes irworosi ŋakiro ŋuna ajokak toraakas ŋulu aronok ai? Anerae elimuni akituk ŋuna eya lotau.

Mat. 12:37

Anerae ŋakiro kon ikes ikitubokinere iyoŋ, ikes itoodiunete atemar isecit iyoŋ kori nyisecit.”

Ŋirom. 3:10

ikwaŋinapei igiritere Nakigireta ebe: “Emam ituŋanan iyookino, emam ipei daŋ;

Ŋirom. 7:21

Aŋun, aanyu ayoŋ atemar alotooma kaŋ, itiyae ekisil lo: ani acamit ayoŋ akitiya ŋuna ajokak, ŋuna aronok bon apedori ayoŋ aseun akitiya.

1 Ŋikor. 9:27

Etogogoŋi ayoŋ akuwan kaŋ a ŋanaŋan, ikotere kiwuap ŋuna acamit ayoŋ, ikotere nyakalemar ayoŋ ŋolo abu onyarau ŋuluce nakerit.

Ŋigal. 3:22

Nai ebasi Ŋakigireta ebe eyai akwap daadaŋ tooma napedor ŋina ka asecit; ikotere nai einakinio akiikinet ŋina ka Akuj neni a ŋituŋa a ŋulu enupito Yesu Kristo.

Ŋigal. 5:17

Anerae ediŋasi aseconu a ituŋanan ka Etau ŋolo ka Akuj; erae ŋinice emoit a ŋinice. Aŋun nai, nyipedorete iyes akitiya ŋuna icamito akitiya.

Ŋikol. 1:28

Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

Yak. 1:26

Ani ketami idiotuŋanan atemar iwuapit iŋes ŋakiro ŋuna ke edin, nai nyetubit akeeŋajep, erae edin keŋ ŋolo a koŋin, nabo emodyanakin iŋes bon.

Yak. 1:4

Kituruwosi atitinyu kus ŋina itiyae, ikotere toruworos ŋulu iyookino ka ŋulu ilelebikina, tomam ibore ŋini icanasi.

Yak. 2:10

Ituŋanan ŋini ebili ekisil tari epei, abil iŋes daadaŋ.

1 Pet. 3:10

Ikwaŋinapei igiritere Nakigireta atemar, “Ituŋanan ŋini ecamit ayakau nakiyar ŋina ajokan, ka kiitanite aanyun ŋarwa ŋuna ka alakara, itemokino iŋes toesik akirworo ŋakiro ŋuna aronok ka akisud ŋakiro.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.