Yak. 3:17 - Ebaibul

¹⁷ Nai aosou ŋina anakuj, ejok iŋes mono jik, nabo eyakar ekisil, iyapara, ekoneono, ileleba akisyon ka eyauni ŋiticisyo ŋulu ajokak ikwaŋina eraunia ekitoe ŋaraito; emamukar atyakatyak ka ŋisoswae.

Yak. 3:17 Iomraidhean Croise

1 Ŋirw. 3:12

akainakini ayoŋ iyoŋ ŋuna iŋita. Akainakini ayoŋ iyoŋ ŋatameta ŋuna ka aosou ŋuna eyenete ŋuna ajokak ka ŋuna aronok; mam ituŋanan ice ŋini ekoni iyoŋ kori mam ice ŋini ikoni iyoŋ ŋini eyakaun ekaku kon.

1 Ŋirw. 3:28

Kiirasi Ŋisirael daadaŋ epite ŋolo kebunio erwosit totubio ŋakiro ŋun; min akereru neni kec aŋuna a erwosit, anerae apotu ikes kiŋolikis aosou ŋina ka Akuj ŋinatubet ŋakiro iyookino eyai neni a erwosit.

1 Ŋirw. 3:9

Aŋun inakinae ayoŋ eketiyan kon ŋatameta ŋuna eyenete ŋakiro ŋuna ka akipuka ŋituŋa kon, ikotere oyenunia ŋuna ajokak ka ŋuna aronok; anerae ŋae epedori akipuka ŋituŋa kon lu ŋulu alalak?”

1 Ŋakiro a ŋirwa 22:12

Ŋuna apolok ikes nu, elipi ikiinak Ekapolon iyoŋ ayenut ka aosou apaki ŋina ikiwuakinia iŋes iyoŋ akipuka Isirael daadaŋ, ikotere iyoŋ iwuapi ŋikisila ke Ekapolon ka Akuj kon.

1 Ŋakiro a ŋirwa 22:9

Kiira, iuruuni iyoŋ ikoku ŋinisapat, eruwor iŋes ekile ŋolo emina ekisil. Ainakini ayoŋ iŋes kisila ka ŋimoe keŋ daadaŋ alowaetin ka akwap keŋ a daadaŋ; enyarao ekiro keŋ Solomon, ainakini ayoŋ iŋes ekisil ka akinapakina alo Isirael ŋirwa ŋulu ipukator iŋes.

Yob 28:12

“Nai, ai mono eryamunere aosou? Ai mono eyai akibois ŋina eyenunere ŋakiro?

Yob 28:23

“Akuj bon eyeni erot ŋolo eteni naosou, eyeni iŋes akibois ŋina ka aosou;

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Awos. 36:2

Abu nai Moses tonyarau Besalel ka Oliab ta ŋituŋa daadaŋ ŋulu apiiryanak ŋulu abu Ekapolon inak apedor, ido tocamunito alotai kec aponare akitiya etic.

Ŋakit. 2:6

Ekapolon iŋes ikiinanakini aosou; Ekapolon elimununui ŋakiro ŋuna ka aosou ka ŋuna ka ayenun.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 32:6

anerae irworosi ŋibaŋaanotin abaŋao, eyeete ŋatameta kec akitiya ŋuna aronok, akitiya ŋuna nyiwuapito ŋuna ka Akuj, akirworo neni a Ekapolon ŋuna nyiyookino, elemanari akimuj aneni a ŋulu enyamit akoro, elemanari ŋakipi aneni a ŋulu enyamit akure.

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Mal. 2:9

Aŋun, ayoŋ daŋ eketuruwori iyes ŋulu ikijamuwaritae ka ŋulu ikisirumito ŋituŋa daadaŋ ŋileec, anerae iŋero iyes ŋuna abala ayoŋ kiwuapa, ido nyitatamete iyes ŋituŋa ŋakiro ŋapei.”

Mal. 3:3

Ebuni iŋes atubokin, totyak ŋiletok ikwaŋina eliyere ŋasuwa kori esilipa ipoo, itojoki iŋes ŋisacaradotin, ido toliwae ikes ikwa egolid ka esilipa, akitodol ŋina eryamunia Ekapolon ŋituŋa ŋulu iyookino ŋulu epedorete ayaun ŋainakineta ŋuna ajokak neni keŋ.

Mat. 23:28

Aŋun, iyes daŋ itusubuna ŋulu iyookino alokiŋa, nai tooma kus ileleba ŋisoswae ka aronis.

Mat. 5:8

Erereŋ ŋulu esegak ŋitai; anerae eanyunete ikes Akuj.

Mat. 5:9

Erereŋ ŋulu esisilak; enyarao ikes ŋidwe ka Akuj.

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Luk. 6:36

Toyakatar akisyon, ikwaŋina eyakar Papa kus akisyon.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

Ŋitic. 11:24

Arae Baranaba ekile ŋolo ajokan, ŋolo eleleba Etau ŋolo Asegan ka anupit. Kiyatakin nooi ŋituŋa, potu neni ke Ekapolon.

Ŋitic. 9:36

Ayai Yoppa akanupan ŋina anyaritae Tabisa. (Anyaritae ekiro keŋ a Ŋagirik Dorka, iŋes atemar “Agete.”) Etiyae iŋes ŋuna ajokak akiŋaranakin ŋikulyak.

Ŋirom. 12:18

Kitiyata alowae kus ŋuna ipedorete, ikotere iboiyete ka ŋituŋa daadaŋ isilito.

Ŋirom. 12:9

Kimyekisi amina torae ŋina emamukar ŋisoswae alotooma keŋ. Toŋero ŋuna aronok. Torubakisi iricito ŋuna ajokak.

Ŋirom. 15:14

Ŋikaitotoi kaŋ: ayeni ayoŋ elope atemar ileleba ajokis neni kus ka daŋ ileleba aosou neni kus, ido ipedorete akitatama make.

1 Ŋikor. 12:8

Einakini Etau ŋolo Asegan neni a ipei apedor ŋina kirworet ŋuna ka aosou, neni a ice einakini Etau ŋolopei ŋol apedor ŋina ka ayenut ŋakiro.

2 Ŋikor. 10:1

Ayoŋ Paulo ekemaimai iyes anakiyapara ka anarimaanut a Kristo--ayoŋ ŋolo “Akuryana apaki ŋina ikirukitor iwon” ka “Aryenyaana apaki ŋina alwania aneni kus”.

2 Ŋikor. 6:6

Aŋuna ka asegis alotai kosi, anayenut, anatitinyikinit ka anarimao, ikitoodiun isua ikirae ŋiketiyak ŋulu ka Akuj alotooma Etau ŋolo Asegan, ka anamina kosi a ŋina a kire

2 Ŋikor. 7:11

Toanyuwasi ŋuna abu Akuj kitiya aŋuna ka akiyaloloŋ kus! Abu akiyaloloŋ ŋin ikiinak iyes alelakinit akitiya ka akitoodiun atemar emam ŋuna ikikamunito iyes! Ipotu iyes toŋoa aŋuna apotu totakanut, ipotu tokuryaketa aŋuna epedorete akitiyakin nabo. Apotu ŋakiro ŋun ikiinakis iyes akiitan aanyun ayoŋ, ekimuye ŋolo kigaŋet ayoŋ ka akisican ŋolo aratan.

2 Ŋikor. 9:10

Akuj ŋina ekori ŋikinyom neni ke eketan ka atap ŋina kimuja, ikikorakini daŋ iŋes iyes ŋikinyom ŋulu iitanito iyes, kitopolou ikes toraa nooi ŋaraito ŋuna ka arimao kus.

Ŋiep. 5:9

anerae eyauni akica nu erae arait: ajokis, akiyookino ka akirworo ŋuna a kire.

Ŋipil. 1:11

Ilelebun nai akiyar kus arait ŋina ebunit anakiyookino kus alokiŋaren Akuj, ŋina erae Yesu Kristo bon eyauni, aŋuna ka akitopoloor ka akipur Akuj.

Ŋipil. 4:8

Aŋetakini ŋikaitotoi kaŋ, totamete ŋakiro nu ŋuna ejokak ŋuna emaikina yaut ekipuri: ŋakiro ŋuna erae kire ŋuna ekerer, ŋuna iyookino, ŋuna emam aronis, ŋuna ka amina ka ŋuna itojokitae.

Ŋikol. 1:10

Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.

1 Ŋites. 2:7

Ikwapei ikiraakar isua Ŋikiyakia a Kristo, kepedoritae akisiyaloloŋ iyes aŋuna ka aryamun akiŋarakinet adio aneni kus. Nai ikiyapara isua apaki ŋina ikirukitor iwon; ikikoni isua aberu iricit ŋidwe keŋ.

1 Tim. 5:21

Alokiŋaren Akuj ka Yesu Kristo ta ŋimalaikan ŋulu seuna, ekeciki ayoŋ iyoŋ ka agogoŋu atemar kiwuap ŋakiro nu tomam atubonokin eriŋa nyeripiripa ejok kori tomam atyakatyakat ŋituŋa.

2 Tim. 2:24

Nyitemokino eketiyan ŋolo ke Ekapolon iburae. Itemokino iŋes erae ŋolo iyapara aneni a ŋituŋa a daadaŋ, ŋolo epedori akitatam ejok ka ŋolo edaŋana.

Tito 1:15

Esegak ŋiboro daadaŋ aneni a ŋituŋa a ŋulu esegak ikes ŋilopeyek, nai emam ŋiboro esegak aneni a ŋituŋa a ŋulu nyenupito, anerae erae ŋatameta ka ŋitai kec esiilyaka.

Tito 3:2

Tolimok ikes nyirworotor idiotuŋanan, nai torae ŋulu ke ekisil ka ŋulu edaŋaŋ make, ŋulu itoodiunito arimao neni a ŋituŋa a daadaŋ.

Ŋibur. 12:11

Apaki daadaŋ ŋina ikisicanere iwon, etakani aneni yok erae ibore ŋini ikisiyaloloŋi, meere ŋini ikitalakari. Nai ekaku keŋ, eryamunete ŋulu daadaŋ abu akisicanet ŋin kitatam ekisil ka akiyookino.

Ŋibur. 12:14

Toŋirikisi akisil ka ŋinituŋanan daadaŋ ka toŋirikisi akiboi anakiyar a ŋina Asegan, anerae emam ituŋanan eanyuwari Ekapolon emam ŋun.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

Yak. 2:4

nyeruworo nai iyes ŋulu ityakatyaka alokidiŋ kus ka nyeruworo ŋikatubok alopite a ŋolo aronon a?

Yak. 3:15

Nyebunit aosou ŋin anakuj; erae ŋina ka akwap, nyerae ŋina ke Etau a ŋolo ka Akuj, erae ŋina a ŋolo Aronon.

Yak. 4:8

Toapuutu neni ka Akuj, eapuuni iŋes daŋ neni kus. Kilotasi ŋakan kus iyes ŋikasecak! Kitesega ŋitai kus iyes ŋituŋa ŋulu a ŋitai a ŋiarei!

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 2:1

Toesikisi aronis daadaŋ; tojoŋoto alyokonu, ŋisoswae, ka arakao ta ŋakiro a ŋiyany daadaŋ.

1 Pet. 2:18

Iyes ŋiketiyak, tokerito ŋikapolok kus ka kitoodikisi akerit kus daadaŋ neni kec, meere neni eya ŋulu arimaanak ka apatanak bon, nai tari neni a ŋulu adedeŋak.

1 Yoa. 3:18

Ŋidwe kaŋ! Nyikiminin a ŋakiro a ŋuna ikirworo bon, nai ominin kire a ŋiticisyo.

1 Yoa. 3:3

Ituŋanan daadaŋ ŋini igeno neni keŋ, iteseguna bon ikwapei esegia Kristo.