Yak. 2:8 - Ebaibul

⁸ Ipedorete iyes akitiya ŋuna iyookino erae kiwuap ekisil ŋolo ka Apukan ka Akuj, ikwaŋinapei igiritere Nakigireta ebe, “Tomina ekonikidunyet ikwaŋina iminar iyoŋ akonikuwan.”

Yak. 2:8 Iomraidhean Croise

1 Ŋirw. 8:18

Nai abu Ekapolon tema neni a papa kaŋ a Daudi, ‘Aŋuna eyakatar ŋakiro nu lotau kon, ŋakiro ŋuna ka adukokin Akai a ŋuna a ekiro kaŋ, ibu iyoŋ kitiya ejok anakiwuakin ŋakiro ŋun lotau kon.

2 Ŋirw. 7:9

Kirworikinos nai ikes make temasi, “Nyejokak ŋakiro ŋuna ikitiyae iwon. Erae akoloŋit na ŋina ka arereŋu a ŋina ajokan; ani kimunoni iwon ŋakiro nu tari ŋina iwalarya akwap, ikiseci iwon; oloto olimokisi ekal ŋolo ke erwosit.”

Ŋilep. 19:18

Nyiwara akinyaŋ ŋakiro, kori akimanit ŋituŋa kus, nai tomina ikonikidunyet ikwa ŋina iminar iyoŋ akonikuwan. Arae ayoŋ Ekapolon.

Ŋilep. 19:34

Emaikina iyes totiŋito ituŋanan ŋin esibit erae ŋini a ekabila kus pei. Tominas iŋes ikwa imininia iyes make, anerae iraakasi paaran iyes daŋ ŋigelaanotin alo Ijipit. Arae ayoŋ Ekapolon Akuj kus.

Yona 4:4

Kiŋit Ekapolon Yona tema, “Iyookino kire iyoŋ iŋoit a?”

Yona 4:9

Nai abu Akuj kiŋit Yona tema, “Iyookino kire iyoŋ aŋoit aŋuna a elogilog a?” Toboŋok Yona tema, “Ee, aŋoit ayoŋ jik, acamit otwan.”

Mat. 22:39

Ŋina a ŋaarei daŋ, ikwaan ka ŋina ke ekiŋaren, ‘Tomina ekonikidunyet ikwaŋina iminar iyoŋ akonikuwan.’

Mat. 25:21

Tolimok ekapolon iŋes tema, ‘Ikoŋina! Irae iyoŋ eketiyan ŋolo ajokan ka ŋolo ikinyoma. Ikwaŋina ibunio iyoŋ tojokyaror anakicuruta a ŋina edit, ekewuakini iyoŋ nakicuruta ŋina apolon. Bua olakaros kaapei ka ayoŋ.’

Mat. 25:23

Tolimok ekapolon iŋes tema, ‘Ikoŋina! Irae iyoŋ eketiyan ŋolo ajokan ka ŋolo ikinyoma. Ikwaŋina ibunio iyoŋ tojokyar anakicuruta a ŋina edit, ekewuakini iyoŋ nakicuruta ŋina apolon. Bua olakaros kaapei ka ayoŋ.’

Mat. 7:12

Kitiyata neni a ŋuluce ŋuna icamito iyes ikes kitiyata neni kus; ŋun ikes erae apolou a Ŋikisila a Moses ka ŋakitatameta ŋuna a ŋikadwarak.

Ŋirom. 13:10

Ituŋanan ŋini emina ekidunyet keŋ, nyitiyakini jik aronis neni keŋ. Amina nai, iŋes akiwuap Ŋikisila daadaŋ.

Ŋigal. 5:14

Anerae eyakasi Ŋikisila daadaŋ tooma akiciket ŋina ebala, “Tomina ekonikidunyet ikwaŋina iminar iyoŋ akonikuwan”.

Ŋigal. 6:2

Kiŋaranakinos make anatyokisyo kus, ido alopite a ŋol, iwuapete iyes ekisil ŋolo a Kristo.

Ŋipil. 4:14

Nai ipotu iyes kitiyata ejok ikiŋarakis ayoŋ anatyokisyo kaŋ.

1 Ŋites. 4:9

Nyitemokino ayoŋ ekegirak iyes ŋakiro ŋuna ikamunito amina alokidiŋ kus ŋikanupak, anerae adau Akuj akitatam iyes ŋilopeyek epite ŋolo ipedoryata aminanar make.

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

Yak. 2:12

Aŋun, kirworo ka kitiyata ikwa ŋituŋa ŋulu elosyo atubokin alokisil a ŋolo ikilacakini.

Yak. 2:19

Inupit iyoŋ atemar erae Akuj apei bon a? Ejok! Enupito tari atasatan daŋ--nabo emaranete tobulite.

Yak. 4:11

Ŋikaitotoi kaŋ! Nyirworotor ŋuluce aŋuna aronok. Ŋini irworo ŋuna aronok kori etubonokini lokaato keŋ, irworo iŋes ŋuna aronok itoroniyarit Ŋikisila ka etubonokini Ŋikisila. Ani kitubonok iyoŋ Ŋikisila, iŋes atemar nyeriŋa iyoŋ iwuapit Ŋikisila; nai iruwor iyoŋ ekatubonokinan.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.