Yak. 2:25 - Ebaibul

²⁵ Ekote ŋakiro nenipei nen tari aneni ka amalaat a ŋina anyaritae Raab. Abu Akuj kituruwo iŋes ŋina iyookino alokiŋaren keŋ aŋuna a ŋiticisyo keŋ; anerae abu iŋes kijau ŋirototin ŋulu a Isirael, kiŋarak ikes tosiwa alorot ke ece.

Yak. 2:25 Iomraidhean Croise

Mat. 1:5

touru Salimon Boas (arae toto keŋ Raab). Touru Boas Obed (arae toto keŋ Rus). Touru Obed Yese.

Mat. 21:31

Ali alosapa a ŋuluarei a ŋul abu kitiya ŋuna acamit papa keŋ?” Toboŋokis ŋituŋa temasi, “Ŋolo apolon.” Tolimok Yesu ikes tema, “Akalimokini ayoŋ iyes kire atemar, elomarete ŋikerirak ocur ka ŋamalaae Napukan ka Akuj eriŋa iyes.

Ŋitic. 17:7

ka ejau Yason ikes kai keŋ. Eŋerito ikes daadaŋ ŋikisila ŋulu ke ekepukan a Roma, aŋuna ebaakatar ebe eyai erwosit ece ŋolo enyaritae Yesu.”

Ŋibur. 11:31

Anupit iŋes ejaunia amalaat ŋina anyaritae Raab ŋirototin ŋulu a Ŋisirael; aŋun aponi nyeari iŋes ikwa ŋituŋa ŋuluce ŋulu aŋerito Akuj.

Yak. 2:18

Nai elimuni ituŋanan ice tema, “Iyakar iyoŋ anupit ka ayakar ayoŋ ŋiticisyo.” Aboŋokinet kaŋ iŋes na, “Kitoodikinae ayoŋ anupit kon emam ŋiticisyo; eketoodikini ayoŋ iyoŋ anupit kaŋ ŋina erukito ka ŋiticisyo”.

Yak. 2:22

Nyeanyuna tokona iyes atemar anupit ka ŋiticisyo keŋ etiyaete etic epei a? Abu anupit keŋ toruwor ŋina iyookino aŋuna a ŋiticisyo keŋ.

Yak. 2:24

Ianyut tokona iyes atemar, ituruworyo ituŋanan ŋini iyookino alokiŋaren Akuj aŋuna a ŋiticisyo, meere aŋuna ka anupit bon.

Yos. 2:1

Kiyakiya nai Yosua ŋolo arae lokoku a Nun ŋirototin ŋiarei aneni anyaritae Sitim alosit akireb anakimunono. Kicik ikes tema, “Toloto torebo akwap, torae nooi Yeriko.” Toloto ikes, tolomasi ewari kai ŋina ka amalaat a ŋina anyaritae Raab topero nen.

Yos. 2:15

Kiyooliyo nai iŋes ikes ka auno kisitor lodirisa, anerae ayai akai keŋ narwatata ŋina awuat etaun.

Yos. 2:16

Kicik iŋes ikes tema, “Toloto nakan ŋina a ŋikamukumukui, ikotere nyiryamasi ka ŋikilyok ŋulu ikiwarito iyes. Toŋopa aina ŋirwa ŋiuni akitodol ŋina eboŋunioto ŋikilyok ŋul lotaun kec, totuboros nai iyes, toloto.”

Yos. 2:4

Nai keris Raab kiwua ŋirototin ŋuluarei ŋul. Tosodi iŋes tolimu tema, “Kire, aponito ŋikilyok ŋul kai kaŋ, nai pa ayeni ayoŋ neni keponitotor.

Yos. 2:6

Nai ewuait iŋes ikes alokidiama akai keŋ, anerae anakwap a ŋin, alapat kidiama ŋakais; ido erapirapit Raab ŋikilyok ŋul a ŋakopit a ŋuna sek kinapinapit iŋes kidiama akai.

Yos. 6:17

Emunyaryo iwon etaun lo kaapei ka ibore daadaŋ ŋini eyai tooma keŋ aŋuna ke Ekapolon. Raab bon amalaat kaapei ka ŋituŋa keŋ ikes eesikinio aŋuna abunio iŋes kiwua ŋirototin yok ŋulu eyakitae iwon ne.