Yak. 2:21 - Ebaibul

²¹ Ekokinio koloŋ papaa yok Aburaam ituruworyo ŋolo iyookino alokiŋaren Akuj ai? Eturuworyo iŋes ŋolo iyookino aŋuna a ŋiticisyo keŋ, apaki ŋina ainakinia iŋes lokoku keŋ Isaka neni ka Akuj a Namuroet.

Yak. 2:21 Iomraidhean Croise

Ŋikiru. 143:2

Nyikitubok ayoŋ eketiyan kon, anerae mam alotuŋa a ŋulu eyarete ŋini iyookino alokiŋaren kon.

Isa. 51:2

Totamutu Aburaam papa kus ka Sara ŋina ikidouni iyes. Apaki ŋina anyaraa ayoŋ Aburaam, arae iŋes epei bon, nai abu ayoŋ eterereŋ iŋes eturuwo iŋes ŋituŋa ŋulu alalak.

Mat. 12:37

Anerae ŋakiro kon ikes ikitubokinere iyoŋ, ikes itoodiunete atemar isecit iyoŋ kori nyisecit.”

Mat. 3:9

Nyitamete alotai kus atemar, ‘Erae Aburaam papa kosi.’ Akalimokini ayoŋ iyes atemar, epedori Akuj akilocokin ŋamoru nu toruworos ŋidwe ŋulu ka Aburaam!

Luk. 1:73

akikoŋiet ŋina koloŋ ekoŋi iŋes neni a papa yok Aburaam.

Luk. 16:24

Tosodi iŋes togeu anyaraiyanar ke etoil a ŋolo apolon ebala, ‘Papa Aburaam, kisyoni kare ayoŋ! Kiyaku Lasaro kilumok ekimoin keŋ nakipi ŋadi, ido kitililimik naŋajep kaŋ, anerae akapipilikinit ayoŋ akim na nooi!’

Luk. 16:30

Toboŋok ekabaran ŋol tema, ‘Papa Aburaam, nyitemokino ŋuna; nai ani kelot ituŋanan idio ŋini ayaru alokatwak neni kec, kire ekiyete ikes asecenen.’

Yoa. 8:39

Toboŋokis ikes Yesu temasi, “Ikirae isua ŋidwe ka Aburaam!” Tolimok Yesu ikes tema, “Kerae kire toraakas iyes ŋidwe ka Aburaam, kitiyato iyes daŋ ŋiticisyo ŋulu etiyae iŋes.

Yoa. 8:53

Ipol mono iyoŋ akilo tari papaa kosi Aburaam, ŋolo abu totwan a? Ŋikadwarak daŋ, apotu totwaka! Itami mono iyoŋ atemar ŋae iyoŋ?”

Ŋitic. 7:2

Toboŋok Stepano tema, “Ŋikaitotoi ka atapapa, topupokisi ŋakiro kaŋ! Abu koloŋ Akuj ŋina ka apolou totakanu neni a papaa yok Aburaam alo Mesopotamia, eriŋa iŋes nyewuoto Aran.

Ŋirom. 3:20

Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.

Ŋirom. 4:1

Ikitemari nai iwon ai aŋuna ka Aburaam a papaa yok? Nyo abu iŋes toyenu?

Ŋirom. 4:12

Erae iŋes papaa a ŋulu ileŋeritae daŋ, meere aŋuna ileŋeritere ikes, nai aŋuna iboiyoto ananupit ikwaŋina eboiyo papaa yok Aburaam eriŋa nyileŋera.

Ŋirom. 4:16

Aŋun, arae akiikinet aŋuna ka anupit, ikotere toruwor akiikinet ainakinet ŋina a ikoŋin aneni ka Akuj, neni a ŋiletok ka Aburaam a daadaŋ--meere neni a ŋulu iwuapito Ŋikisila make, nai tari neni a ŋulu enupito ikwaŋina anupitor Aburaam. Anerae Aburaam erae papaa yok a daadaŋ,

Ŋibur. 11:17

Anupit iŋes alemunia Aburaam lokoku keŋ Isaka toruwor amuronot apaki ŋina ekatakinitor Akuj iŋes. Atenit Aburaam ainakin lokoku keŋ ŋolo donupei aruwor amuronot, tari ŋina aris

Yak. 2:18

Nai elimuni ituŋanan ice tema, “Iyakar iyoŋ anupit ka ayakar ayoŋ ŋiticisyo.” Aboŋokinet kaŋ iŋes na, “Kitoodikinae ayoŋ anupit kon emam ŋiticisyo; eketoodikini ayoŋ iyoŋ anupit kaŋ ŋina erukito ka ŋiticisyo”.

Yak. 2:24

Ianyut tokona iyes atemar, ituruworyo ituŋanan ŋini iyookino alokiŋaren Akuj aŋuna a ŋiticisyo, meere aŋuna ka anupit bon.

Yos. 24:3

Abu ayoŋ oyau papaa kus Aburaam alokekwaye aŋolol Eupurate, abu etenite iŋes anakwap a Kanaan a daadaŋ ka oinak iŋes ŋiletok ŋulu alalak, abu oinak iŋes ikoku Isaka,