Yak. 2:18 - Ebaibul

¹⁸ Nai elimuni ituŋanan ice tema, “Iyakar iyoŋ anupit ka ayakar ayoŋ ŋiticisyo.” Aboŋokinet kaŋ iŋes na, “Kitoodikinae ayoŋ anupit kon emam ŋiticisyo; eketoodikini ayoŋ iyoŋ anupit kaŋ ŋina erukito ka ŋiticisyo”.

Yak. 2:18 Iomraidhean Croise

Ŋirom. 14:23

Nai ani keŋayaŋayat ituŋanan aŋuna ka akimuj a ŋina imuji iŋes, etubokini Akuj iŋes apaki ŋina imuja iŋes akimuj ŋin, anerae nyitiyae iŋes ŋuna elimokinit anupit keŋ iŋes; ido ibore daadaŋ ŋini eŋerit ŋuna elimunit anupit, erae asecit.

Ŋirom. 3:28

Anerae ikinupit ebe elimori Akuj atemar iyookino ituŋanan alokiŋaren keŋ aŋuna enupitor iŋes, meere aŋuna iwuapitor Ŋikisila.

Ŋirom. 4:6

Erae ŋun daŋ apolou a ŋakiro a ŋuna abu Daudi kirwor aŋuna ka arereŋu a ituŋanan a ŋini adau Akuj acamun erae ŋini iyookino, akilo ŋiticisyo keŋ.

Ŋirom. 8:1

Emam tokona atubokino eriŋa eyai neni a ŋulu erukito kaapei ka Yesu Kristo.

Ŋirom. 9:19

Etemari nai ipei alokidiŋ kus neni kaŋ ebe, “Ani kikote ŋun nen, kaanukiro nai erubakinitor Akuj isitanakini ituŋanan aŋuna ka asecit? Anerae emam ituŋanan epedori akiretakin acamit keŋ.”

1 Ŋikor. 13:2

Ani kayakar ayoŋ apedor ŋina dwaret ŋakiro ŋuna ka Akuj, oyeni ŋuna imunono ka aosou daadaŋ; ani kayakar anupit ŋina apolon ŋina iitana aŋuna ka akisiyotonor ŋimoru, nai tomam amina aneni kaŋ, arae ayoŋ koŋin.

2 Ŋikor. 5:17

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋigal. 5:6

Anerae ani ikimorikina iwon ka Yesu Kristo, emam ajokis ikiryamuni iwon anakileŋeryo kori anamamukau akileŋeryo, mati ananupit bon a ŋina itoodiuna alotooma amina.

1 Tim. 1:5

Nai ŋuna elosikinitoe isua anakitatam kosi erae amina ŋina ebunit alotau a ŋolo Asegan, anatameta a ŋuna ecayete ka ananupit a ŋina a kire.

Tito 2:7

Anakiro a daadaŋ itemokino iyoŋ elope torae akitaanyikinet ŋina a ŋipitesyo a ŋulu ajokak. Kitatam emam alyokonu ka tomukeana.

Ŋibur. 11:31

Anupit iŋes ejaunia amalaat ŋina anyaritae Raab ŋirototin ŋulu a Ŋisirael; aŋun aponi nyeari iŋes ikwa ŋituŋa ŋuluce ŋulu aŋerito Akuj.

Ŋibur. 11:33

Anupit iŋes etijiyoto ikes ŋakwapin ŋuna gelae kilout. Apotu ikes towua aŋuna ka akiyookino, ido toryamut ŋuna eikinit Akuj. Apotu ikes kitubutasi ŋiŋatunyo ŋakituka.

Ŋibur. 11:6

Emam ituŋanan italakari Akuj mati eyakar anupit; anerae ŋini ebuni neni ka Akuj, itemokino tonupite atemar eyai Akuj, nabo einanakini Akuj eropit neni a ŋulu enupito iŋes.

Yak. 2:14

Ŋikaitotoi kaŋ, anijokis eyakar ituŋanan erae kelimu atemar ayakar iŋes anupit, nai nyitoodiunito ŋiticisyo keŋ? Epedori nai anupit ŋin aiun iŋes a?

Yak. 3:13

Ŋae alokidiŋ kus eyakar aosou ka ayenut? Itemokino iŋes kitoodiu alopitesyo keŋ a ŋulu ajokak atemar adau aosou alomar lopitesyo keŋ ŋulu ka akiyapara.