Yak. 1:8 - Ebaibul

⁸ erae iŋes ituŋanan ŋini nyepedori atyakun ŋuna kitiyakina, ŋini nyicasit alotooma ŋuna itiyae daadaŋ.

Yak. 1:8 Iomraidhean Croise

1 Ŋirw. 18:21

Abu nai Eliya toapu lotuŋa tema, “Apaki ŋina etya ai iyaete iyes pa iyenete ŋuna kiwuapa anakiro a nu a ŋaarei? Ani kerae Ekapolon Akuj, kiwuapa iŋes ani robo kerae Baal akuj kiwuapa iŋes.” Mam akirot apotu ŋituŋa toboŋokis Eliya.

2 Ŋirw. 17:33

Iŋes atemar elipeneneete ikes neni ke Ekapolon nai elipineneete daŋ neni a ŋakujo kec iwuapito ŋitalyo ŋulu a ŋakwapin a ŋuna ayaunere ikes.

2 Ŋirw. 17:41

Kire elipete ŋituŋa a ŋakwapin a ŋun neni ke Ekapolon, nai elipeneneete daŋ neni a ŋitorubei a ŋulu ecyeununeete ikes. Tari tokona eriŋa ŋidwe kec ka ŋidwe a ŋikecedwe erubakinito iwuapito ŋipitesyo atapapaa kec.

Ŋikiru. 119:113

Nyekinyomit ayoŋ ŋituŋa ŋulu nyiwuakinito ŋatameta kec neni kon jik, nai amina ayoŋ ŋikisila kon.

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Osea 10:2

Aŋun, ileleba alyokonu lotai kec, aŋun emaikina tokona ikes kidaŋidaŋa ekaile ŋolo ka asecit kec. Ebwaŋabwaŋaari Ekapolon ŋamuroeta kec tomunaa ŋipirin kec.

Mat. 6:22

“Erae akoŋu etaa ŋolo ka akuwan. Ani nai kejok akoŋu kon, eyai akuwan kon daadaŋ nakica;

Mat. 6:24

“Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.

Yak. 1:7

Nyitemokino ituŋanan ŋini ikoni ŋin etami atemar aryamuni idiobore aneni ke Ekapolon;

Yak. 4:8

Toapuutu neni ka Akuj, eapuuni iŋes daŋ neni kus. Kilotasi ŋakan kus iyes ŋikasecak! Kitesega ŋitai kus iyes ŋituŋa ŋulu a ŋitai a ŋiarei!

2 Pet. 2:14

Emam icebore ŋini eminasi ikes akilo ŋaberu ŋuna emalaaka; nyedipanakin ekibure kec ŋolo ka asecenen. Icocoiyanarete ikes ŋituŋa ŋulu epalag alotai naloc. Itatamitae ŋitai kec arorokanut! Ilamit Akuj ikes!

2 Pet. 3:16

Ŋakiro ŋun ikes irworo Paulo apaki daadaŋ ŋina igirya a ŋabaruwae keŋ. Eya ŋakiro ŋace nabaruwae keŋ ŋuna etyono ayenun, ŋuna iloceneneete ŋituŋa ŋulu nyeyenete ka ŋulu eŋayaŋayato, ikwaŋina ilocoto ŋakiro ŋunace, ŋuna igiritae nakiro ŋuna ka Akuj. Aŋun, ipyedunito ikes ŋilopeyek akinyasuno kec.