Yak. 1:21 - Ebaibul

²¹ Aŋun, toesikisi ŋakiro ŋuna aronok ka ŋipitesyo ŋulu aronok daadaŋ. Kijautu ka akiyapara akirot ŋina iwuakinit Akuj lotai kus, ŋina epedori akiteyar ŋitai kus.

Yak. 1:21 Iomraidhean Croise

Ŋikiru. 25:9

Itenit Ekapolon anakiyookino ŋulu itiditeuna make, itatami iŋes ŋulu itiditeuna make kiwuapa acamit keŋ.

Isa. 2:20

Akoloŋit ŋin, imasarete ŋituŋa neni a ŋisolimae ka neni a ŋimenwae ŋitorubei a ŋakujo kec ŋulu itiyaunitae a esilipa ka egolid, ŋitorubei a ŋakujo ŋulu sek etiyaunete ikes aŋuna ka akilip neni kec.

Isa. 29:19

Eryamunete ŋulu iyapara alelyanu ŋina kitete aneni ke Ekapolon ka itopoloorete ŋulu eyakatar akiitanit alotuŋa a Ekapolon Akuj ŋina a Isirael ŋina asegan;

Isa. 30:22

Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Esek. 18:31

Togatasi aneni kus aronis daadaŋ ŋina idaut iyes akitiya, toryamutu akiyar ŋina kitete ka ŋatameta ŋunakiet. Okoe Ŋisirael, kaanukiro icamitotor iyes atwakare?

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Sepan. 2:3

Kiwara Ekapolon, iyes daadaŋ ŋulu itiditeuna anakwap, iyes ŋulu iwuapito ŋakiciketa keŋ; kiwara akiyookino, kitiditeunos alokiŋaren Ekapolon Akuj; acepaki iunosi iyes akoloŋit ŋina ka anyunyura ke Ekapolon,

Mat. 5:5

Erereŋ ŋulu iyapara; eruwor akwap ŋina kec.

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Yoa. 6:68

Toboŋok Simoni Petero iŋes tema, “Ekapolon, neni a ŋae ikilosi? Iyakar iyoŋ ŋakiro ŋuna ka akiyar a ŋina nyedaun.

Ŋitic. 10:33

Aŋun, abu ayoŋ atipei eyaki ŋikilyok aomun iyoŋ, ka ajokyar ibu iyoŋ. Ikiya tokona isua daadaŋ ne kiŋaren Akuj, akiirar ŋuna daadaŋ adau Ekapolon akicikakin iyoŋ.”

Ŋitic. 13:26

“Ŋikaitotoi, ŋiletok ka Aburaam ka iyes ŋuluce ŋulu ikerito Akuj. Erae neni yok eyakuun ŋakiro ŋuna ka aiuno a na!

Ŋirom. 1:16

Anerae nyekerumito ayoŋ ŋileec aŋuna a Ŋakiro a ŋuna Ajokak: erae ikes apedor ŋina ka Akuj ŋina eiunia ituŋanan daadaŋ, ŋini eyakar anupit, Ŋiyudayan mono, ido nai ŋulu nyerae Ŋiyudayan.

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

Ŋirom. 6:17

Nai olakaros neni ka Akuj! Anerae apaki ace, ipotu iyes toruworos ŋipi ŋulu ka asecit; nai ekaku ipotu kiwuapa a ŋitai kus a daadaŋ ŋuna a kire, ŋuna eya nakitatam ŋina ipotu iyes toryamut.

1 Ŋikor. 15:2

Ikiunete iyes Ŋakiro ŋuna Ajokak ŋun, erae kicata iyes aneni kec lopite ŋolo akalimokinitor ayoŋ iyes--ŋaye kerae anupit kus akoŋinait!

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋiep. 1:13

Ipotu iyes daŋ toruworos ŋituŋa ŋulu ka Akuj apaki ŋina iiraryata ŋakiro ŋuna a kire, Ŋakiro ŋuna Ajokak ŋuna apotu yaut aiuno neni kus. Ipotu iyes tonupa neni a Kristo ka abu Akuj ikiinak iyes Etau ŋolo Asegan ŋolo aris iŋes kikiik iyes; abu Etau ŋol kikok aneni kus emacar keŋ ŋolo itoodiunit atemar irae ŋulu keŋ.

Ŋiep. 4:22

Aŋun, tolemasi ŋipitesyo ŋulu ke ekuwane kus a ŋoloŋorot a ŋolo paaran iyaryata iyes--ekuwane ŋolo ŋorot, ŋolo abu ikinyasu iyes alokibure keŋ a ŋolo ka amodiyo.

Ŋiep. 4:25

Tojoŋoto amodyanakin! Itemokino ŋinituŋanan kirwor ŋuna a kire neni ke ekanupan a ŋoloce, anerae ikirae iwon daadaŋ ŋipei alotooma Kristo ikwapei ikiraakar iwon ŋinerin ŋulu ka apeikuwan.

Ŋiep. 5:4

Nyejok daŋ iyes irworosi ŋakiro ŋuna a ŋileec, ŋuna a ŋiyany kori ŋuna ke erasi. Nai itemokino tolakanaros neni ka Akuj.

1 Ŋites. 1:5

Anerae aponi isua yaunae Ŋakiro ŋuna Ajokak neni kus, meere alorwor bon, nai anapedor a Etau a ŋolo Asegan ka ipotu iyes toanyut kire epite ŋolo ikikinyomitor isua jik ŋakiro ŋun. Iyenete iyes epite ŋolo ikiboiyo isua apaki ŋina ikirukitor iwon; arae aŋuna ka akiŋarakin iyes.

1 Ŋites. 2:13

Ikilakanar nabo isua jwi jwi neni ka Akuj, anerae ŋina iponiata iyes kiiraryata ŋakiro ŋuna ka Akuj aneni kosi, ipotu iyes tocamut pa erae ŋakiro ŋuna a ituŋanan, nai erae ŋuna ka Akuj ka erae kire ŋakiro keŋ ŋuna tokona itiyaete alotooma kus a ŋulu inupito.

Tito 2:11

Anerae etoodiu Akuj ajokis keŋ aŋuna ka aiunia ŋituŋa daadaŋ.

Ŋibur. 12:1

Ikwaŋina nai ikiyakar iwon daŋ ŋisuudae ŋulu alalak, itemokino iwon ojala ibore daadaŋ ŋini ikitukuruworit iwon ka ojala asecit daadaŋ ŋina imiidikina neni yok, oema tokona ikiŋirikinit akerit ŋina eyai kiŋaren yok.

Ŋibur. 2:3

Ikikokini nai iwon ikibucari anakisicanio ai, erae kikijamak aiuno ŋina epol ŋina etya na? Ekapolon koloŋ esyauni erwor ŋakiro ŋuna ka aiuno a ŋin ka apotu ŋulu eirarito ikitunupa atemar erae ŋakiro ŋun ŋuna a kire.

Ŋibur. 4:2

Anerae ikiira ŋakiro ŋuna ajokak ŋuna ka akieŋun a ŋin lopite ŋolo eiraryata atapapaa yok analoŋisat. Nai ŋina eiraryata ikes ŋakiro ŋun, emam ibore ŋini ajokan ŋini apotu ikes toryamut, anerae apotu towout akinup ŋakiro ŋun.

Yak. 4:8

Toapuutu neni ka Akuj, eapuuni iŋes daŋ neni kus. Kilotasi ŋakan kus iyes ŋikasecak! Kitesega ŋitai kus iyes ŋituŋa ŋulu a ŋitai a ŋiarei!

Yak. 5:20

toyenutu nu: ituŋanan ŋini inyakuni ekasecan alopitesyo keŋ a ŋulu aronok, eiuni iŋes etau ŋolo ke ekasecan a ŋol anatwanare ka erapuwar ŋasecisya ŋuna alalak.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 1:9

anerae iryamunete iyes aŋetakinet ŋina ka anupit kus, ŋina erae aiuno ŋina a ŋitai kus.

1 Pet. 2:1

Toesikisi aronis daadaŋ; tojoŋoto alyokonu, ŋisoswae, ka arakao ta ŋakiro a ŋiyany daadaŋ.

1 Pet. 2:11

Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.