Yak. 1:18 - Ebaibul

¹⁸ Aŋuna ka acamit keŋ, abu ikiinak iwon akiyar alotooma akirot keŋ ŋina a kire, ikotere nai ikiruwor iwon ŋulu eŋarenok alosubuna keŋ a daadaŋ.

Yak. 1:18 Iomraidhean Croise

Yer. 2:3

Etaleoritae Isirael aŋuna ke Ekapolon apaki ŋin, iyaanarete iyes apaki ŋin ŋaraito ŋuna esyaunak neni a Ekapolon. Aponi ŋituŋa daadaŋ ŋulu apotu tonyama ŋaraito ŋun kimarakinae erae ŋikasecak, apotu ikes toryamut ŋican.”

Ŋilep. 23:10

“Tolimok Ŋisirael ebe, ‘Ani ilomarete iyes nakwap ŋina alosi ayoŋ ainakin iyes, ido tolema ŋikinyom ŋulu itaete iyes, emaikina iyes yaut neni ke esacaradoti ŋaraito ŋuna ilemunete iyes a nen ekiŋaren.

Amos 6:1

“Ekaŋ iyes ŋulu iboiyete emam ŋace alo Sion ka iyes ŋulu iboiyete isilito ŋitai alomoru Samaria, iyes ŋarwonita ka akwap, iyes ŋulu eloseneneete Ŋisirael aryamun akiŋarakino!

Yoa. 1:13

Pa aruworosi ikes ŋidwe ŋulu ka Akuj alopite a ŋolo sek euriyere ŋituŋa, anagogoŋu ka anacamit a ituŋanan, nai Akuj alope iŋes abu kituruwo ikes ŋidwe keŋ.

Ŋirom. 4:17

ikwapei igiritere Nakigireta ebe, “Ayoŋ Akuj eketuruwo iyoŋ papa a ŋibukui a ŋulu alalak.” Aŋun, erae Aburaam Paapa yok alokiŋaren Akuj ŋina abu iŋes tonup--Akuj ŋina iteyarununui ŋikatwak, ŋina iteyakauni analimunet keŋ ibore ŋini sek pa ayai.

1 Ŋikor. 4:15

Tari kiyakatar iyes ŋiketatamak ŋulu alalak nooi ananupit kus Kristo, iyakatar iyes papa epei; anerae anakiyar kus iraakasi Ŋikristo, abu ayoŋ oruwor papa kus aŋuna ayaunia Ŋakiro ŋuna Ajokak neni kus.

2 Ŋikor. 6:7

ka ŋakiro ŋuna a kire anapedor a ŋina ka Akuj. Ikiyakar isua akiyookino erae ibore ŋinijiet, ŋinikitijikinet ka ŋini kipakaret.

Ŋiep. 1:12

Aŋun nai itemokino isua ŋulu ikisyauni akigeno neni a Kristo, eboiyoto ikirae ŋulu ikipuro apolou ŋina ka Akuj.

Ŋiep. 1:13

Ipotu iyes daŋ toruworos ŋituŋa ŋulu ka Akuj apaki ŋina iiraryata ŋakiro ŋuna a kire, Ŋakiro ŋuna Ajokak ŋuna apotu yaut aiuno neni kus. Ipotu iyes tonupa neni a Kristo ka abu Akuj ikiinak iyes Etau ŋolo Asegan ŋolo aris iŋes kikiik iyes; abu Etau ŋol kikok aneni kus emacar keŋ ŋolo itoodiunit atemar irae ŋulu keŋ.

2 Tim. 2:15

Toŋirikinite araakau ŋolo ikitojokitae alokiŋaren Akuj, eketiyan ŋolo emamukar ŋileec, ŋolo itatami ŋakiro ŋuna a kire alopite a ŋolo iyookino.

Ŋibur. 12:23

Ipotu iyes nacunakina ŋina ka alakara ŋina a ŋidwe a ŋulu ka Akuj a ŋulu kiyae, a ŋulu igiritae ŋirorwa kec nakuj. Ipotu iyes neni ka Akuj a ŋina erae akatubon a ŋituŋa a daadaŋ ka neni a ŋitai a ŋituŋa a ŋulu iyookino, a ŋulu aponi kituruworoe ŋulu asegak jik.

Yak. 1:15

Esibit ekibure keŋ ŋolo aronon ibore ŋini epoti, ido touru asecit; topolou asecit, touru atwanare.

Yak. 1:21

Aŋun, toesikisi ŋakiro ŋuna aronok ka ŋipitesyo ŋulu aronok daadaŋ. Kijautu ka akiyapara akirot ŋina iwuakinit Akuj lotai kus, ŋina epedori akiteyar ŋitai kus.

Yak. 3:14

Nai ani kiyakatar iyes arakao ŋina aronon nooi ka akitojoka lotai kus, nyiturokinotor aosou ŋin, ido torapa ŋuna a kire aŋuna ka alyokonu kus.

1 Pet. 1:23

Pa aponi ikidoun iyes nabo alokinyomit a ŋolo ebosi, nai alokinyomit a ŋolo eyari, alotooma akirot ŋina ka Akuj, ŋina nyedaun.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

1 Yoa. 3:9

Ituŋanan daadaŋ ŋini erae ikoku ka Akuj, nyesecenene, anerae eyakar iŋes epite ŋolo eyakar Akuj; nyepedori asecenen, anerae erae iŋes ikoku ka Akuj.

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.