Yak. 1:11 - Ebaibul

¹¹ Elomuni akoloŋ erirae nooi tonom ekitoe; tosodi aturot keŋ toraraun, ido toŋopia akibuses keŋ. Ikwaŋinapei, ekabaran daŋ eŋopiyari alotooma etic keŋ.

Yak. 1:11 Iomraidhean Croise

2 Sam. 22:46

Apotu ŋitai a ŋituŋa a ŋulugelae tolilimiyosi; potu ikes neni kaŋ emaranete, anakiboisyo a ŋuna sek eboiyoto emam akuryanu.

Ŋikiru. 102:11

Ekwaanikin ŋirwa kaŋ ke etolim a ibore edoiyori akoloŋ; ainiya ayoŋ ikwa ŋinya.

Ŋikiru. 102:4

Apapanu ayoŋ, ikikwaanikin ka ŋinya ŋulu ainiyasi; adaun ayoŋ ekimue ŋolo ka akimuj.

Ŋikiru. 103:15

Ani eruwor ŋituŋa, ikwaan ŋirwa kec ka ŋulu a ŋinya; epoloete ikes atipei ikwa ŋatur ŋuna ka ariet;

Ŋikiru. 37:2

anerae eŋopiyarete ikes atipei ikwa ŋinya ŋulu arinyiyosi, etwakete ikes atipei ikwa ŋikito ŋulu sek alibak ŋulu ainiyasi.

Ŋikiru. 39:6

Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.

Ŋikiru. 90:6

ŋisaae ŋulu ka ataparacu, elibak ikes ka etiitiyete nooi; ani ŋisaae ŋulu esoŋakinia akoloŋ, torinyiyosi ka tookiyosi.

Ekal. 5:15

Elomunete ŋituŋa anakookyes atatoto kec elerete lopite ŋolopei alomuniata ikes anakwap a na. Mam aloboro a ŋulu aryamunito ikes aloticisyo kec ŋulu etijete ikes a ŋakan torukoryata anakwap a na.

Isa. 28:1

Ekaŋ iyoŋ Isirael akwap ŋina iturotor ŋikamerak a Epuraim, akwap ŋina ecucukaiya akibuses ikwa ŋatur ŋuna itanapikinitae neni a ŋikapolok; a ŋulu imujete ŋamuja ŋuna ajokak; akwap ŋina a ŋulu eumiya epiini!

Isa. 28:4

ŋulu ecucukaiya akibuses kec ikwa ŋatur ŋuna itanapikinitae neni a ŋikapolok a ŋulu imujete ŋamuja ŋuna ajokak, ikwaanikin ikes ka ŋaboboryo ŋuna ekokete eriŋa akamu, ŋuna elemari ituŋanan ca daadaŋ ŋini iŋolikini.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Mat. 13:6

Nai ani enomokini akoloŋ, torinyiyosi tooko, anerae amam ŋataagor ŋuna aoyak.

Mat. 20:12

Tolimokis temasi, ‘Apotu ŋituŋa lu ŋulu apote ekaku kitiyata epeisaa bon, nai etiyae isua apaaran daadaŋ erirae akoloŋ. Nyo bo itiriyania iyoŋ eropit kec ka ŋolo kosi?’

Mat. 6:30

Akuj iŋes itanapi ŋinya ŋulu ka ariet --ŋinya ŋulu elibito tokona, nai ani moi kicunyae. Etya ekitanape ŋolo ikitanapya iŋes iyes ai? Okoe iyes ŋituŋa ŋulu edit anupit!

Mar. 4:6

Ani enomokini akoloŋ ikes, torinyiyosi tooko.

1 Ŋikor. 7:31

Itemokino ŋituŋa ŋulu isitiyaete ŋiboro ŋulu ka akwap a na, kiboiyoto esibit nyidaŋakina ikes loboro ŋul. Anerae epite ŋolo eyakar akwap na tokona, esaluni.

1 Pet. 1:4

ido ikiyeni atemar ikiryamuni ŋarereŋisyo ŋuna alalak, ŋuna idaritor Akuj ŋituŋa keŋ. Ikidaritor iŋes iyes ŋarereŋisyo ŋun anakuj, aneni nyebosyata kori nyinyasunotor kori nyeŋopiaryata.

1 Pet. 5:4

Ani nai etakanuni Ekeyokon ŋolo Apolon, iryamunete iyes ebokot ŋolo ka apolou a ŋina nyedaun akibuses keŋ.