Yak. 1:10 - Ebaibul

¹⁰ ka itemokino Ekristoit ŋolo ebarit elakara apaki ŋina itiditeunia Akuj iŋes. Anerae eŋopiyari ekabaran ikwa aturot ŋina ka ariet.

Yak. 1:10 Iomraidhean Croise

Yob 14:2

Euruunio ituŋanan ibus ikoni aturot, ido toiniya ikwa aturot, ekeri akiyar a ituŋanan ikwa etolim, ido nyerubakini eyari.

Ŋikiru. 102:11

Ekwaanikin ŋirwa kaŋ ke etolim a ibore edoiyori akoloŋ; ainiya ayoŋ ikwa ŋinya.

Ŋikiru. 103:15

Ani eruwor ŋituŋa, ikwaan ŋirwa kec ka ŋulu a ŋinya; epoloete ikes atipei ikwa ŋatur ŋuna ka ariet;

Ŋikiru. 37:2

anerae eŋopiyarete ikes atipei ikwa ŋinya ŋulu arinyiyosi, etwakete ikes atipei ikwa ŋikito ŋulu sek alibak ŋulu ainiyasi.

Ŋikiru. 39:6

Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.

Isa. 40:6

Irworo etoil ebala, “Kiserau!” Eŋit ayoŋ otema, “Anukiro emaikina ayoŋ eserau?” “Kiserau atemar ikote ŋituŋa daadaŋ ŋinya, ikoni akecekibuses daadaŋ ŋatur ŋuna ka ariet.

Isa. 40:7

Einiyarete ŋinya, ido toraraun ŋatur, itiyakin ŋun apaki ŋina iyakuunia Ekapolon ekuwuam tokutak ikes; kire jik, edaunun ŋituŋa ikwa ŋinya.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Mat. 5:3

“Erereŋ ŋulu eyenete atemar ekulyakaka ŋitai kec alokiŋaren Akuj; erae ajakaanut ŋina anakuj ŋina kec.

Mat. 6:30

Akuj iŋes itanapi ŋinya ŋulu ka ariet --ŋinya ŋulu elibito tokona, nai ani moi kicunyae. Etya ekitanape ŋolo ikitanapya iŋes iyes ai? Okoe iyes ŋituŋa ŋulu edit anupit!

1 Ŋikor. 7:31

Itemokino ŋituŋa ŋulu isitiyaete ŋiboro ŋulu ka akwap a na, kiboiyoto esibit nyidaŋakina ikes loboro ŋul. Anerae epite ŋolo eyakar akwap na tokona, esaluni.

Ŋipil. 3:8

Meere ŋakiro ŋun bon; emarakinit ayoŋ ŋakiro daadaŋ erae atwaniaret ŋina aronon aŋuna a ŋakiro a ŋuna epolok nooi--ikes ayenut Yesu Kristo Ekapolon kaŋ. Aŋuna keŋ, ajal ayoŋ ŋakiro daadaŋ ka emarak ikes erae agasiya, ikotere aryamuni Kristo

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

Yak. 4:14

Nyiyenete iyes tari atemar ikokini akiyar kus moi taparacu ai! Ikote iyes apuru ŋina epokun atipei, ido toŋopiya.

1 Pet. 1:24

Ikwapei igiritere Nakigireta atemar, “Ikote ŋituŋa daadaŋ ŋinya, ikoni akecekibuses daadaŋ ŋatur. Einiyarete ŋinya, ido toraraun ŋatur,

1 Yoa. 2:17

Edaun akwap ka ekibure keŋ; nai iŋes ŋini itiyae acamit ŋina ka Akuj, eropari jik.