Tito 3:5 - Ebaibul

⁵ abu iŋes ikiu iwon. Pa arae aŋuna a ŋiticisyo a ŋidi a ŋulu ajokak a ŋulu ikitiyat iwon, nai arae aŋuna ka akisyon keŋ ka alope abunio iŋes ikiunia iwon. Abu iŋes ikiu iwon, ikitesegu iwon anakidouno a ŋina a ŋaarei ka ikituruwo iwon ŋulu kitet aneni ke Etau a ŋolo Asegan.

Tito 3:5 Iomraidhean Croise

Yob 15:14

Alipite mono eruworotor ŋituŋa ŋulu emam asecit? Kori alipite mono epedoryata ŋituŋa ŋulu erae ŋituŋa pei euruunito aruwor ŋulu iyookino?

Yob 25:4

Alipite nai epedorya ituŋanan aruwor ŋini iyookino alokiŋaren Akuj? Alipite nai epedorya ituŋanan ŋini arae aberu auruuni aruwor ŋini emam asecit?

Yob 9:20

Tari kemam ŋakiro ŋuna aronok ŋuna etiyat ayoŋ, ekesitakinito ayoŋ ŋakiro ŋuna erworo, tari kemam ŋakiro ŋuna eketoroniyaritere ayoŋ, itoodiuni Akuj ŋakiro ŋuna nyaraakar ayoŋ ŋolo eyookino.

Ŋikiru. 130:7

Okoe Ŋisirael, kiwuakisi akigeno kus neni ke Ekapolon, anerae amina keŋ erae ŋina nyiryaŋiryaŋa, ido etenit iŋes alakun iyes a ŋinapaki.

Ŋikiru. 143:2

Nyikitubok ayoŋ eketiyan kon, anerae mam alotuŋa a ŋulu eyarete ŋini iyookino alokiŋaren kon.

Ŋikiru. 51:10

Kiwuak tooma kaŋ etau ŋolo asegan, okoe Akuj, kikiteteu alotooma kaŋ etau ŋolo ikikinyomit iyoŋ

Ŋikiru. 62:12

ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Ŋikiru. 86:5

Irimaana ka isyoniono iyoŋ, okoe Ekapolon, elal amina kon ŋina nyiryaŋiryaŋa aŋuna a daadaŋ a ŋulu ilipete neni kon.

Isa. 57:12

Esileereuni ayoŋ akiyookino kus ka ŋiticisyo kus, ido emam ajokis iryamunete iyes anakiro a ŋun.

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Mat. 3:11

“Kire ekebatisae ayoŋ iyes a ŋakipi a ŋuna ka akiki, nai ŋolo ebunit alokaku kaŋ, epol iŋes akilo ayoŋ, nyitemokino ayoŋ akikod tari ŋamuk keŋ. Iŋes ikibatisae iyes a Etau a ŋolo Asegan ka akim.

Luk. 1:50

Eyai akisyon keŋ neni a ŋulu ekerito iŋes ananyameta a daadaŋ.

Luk. 1:54

Eŋarak iŋes Isirael eketiyan keŋ, aŋuna atamunia akisyon keŋ;

Luk. 1:72

Etoodik iŋes atapapaa yok akisyon keŋ ka atamu Acamunet keŋ ŋina asegan.

Luk. 1:78

Epatana nooi Akuj yok ka isyoniono. Abu aiuno keŋ neni yok ikoni neni ipiripirunia akoloŋ

Ŋirom. 11:14

Acepaki apedori ainakin arakao lotuŋa kaŋ, Ŋiyudayan, ikotere aŋuna kaŋ toiunia Akuj ikes ŋice.

Ŋirom. 11:6

Eseunit Akuj ikes kire aŋuna ka ajokis keŋ, meere aŋuna adaut ikes akitiya. Anerae kerae toseununuye Akuj ŋituŋa aŋuna a ŋiticisyo kec, pa kerae ajokis keŋ ŋina a kire.

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

Ŋirom. 3:20

Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.

Ŋirom. 3:28

Anerae ikinupit ebe elimori Akuj atemar iyookino ituŋanan alokiŋaren keŋ aŋuna enupitor iŋes, meere aŋuna iwuapitor Ŋikisila.

Ŋirom. 4:5

Nai ituŋanan ŋini ikinyomit Akuj ŋina isiyookini ŋikasecak, meere ŋiticisyo keŋ eyenuni iŋes atemar erae anupit keŋ, imarakini Akuj aŋuna ka alimor atemar iyookino iŋes alokiŋaren keŋ.

Ŋirom. 9:11

Tari eriŋa ikes nyidouno ka eriŋa ikes nyitiya ŋuna ajokak kori ŋuna aronok, aponi tolimokinae Rebeka ebe, “Eruwor edya ŋolo apolon eketiyan a ŋolo cici.” Aŋun, erae aseunet ŋina ka Akuj ŋina iwuapit epite ŋolo ikinyaraa iŋes alope; meere aŋuna a idiobore a ŋini itiyae ituŋanan.

Ŋirom. 9:16

Aŋun nai, nyerae akisyon aŋuna a ŋakiro a ŋuna ecamit ituŋanan kori imukekinit, nai erae aŋuna ka akisyon a ŋina ka Akuj bon.

Ŋirom. 9:30

Ikitemari nai tokona iwon ai? Ikote ne: pa ekatakinito ŋituŋa ŋulu nyerae Ŋiyudayan akituruwor ŋulu iyookino alokiŋaren Akuj, nai arae Akuj abu kituruwo ikes ŋulu iyookino alokiŋaren keŋ, anerae apotu ikes tonupa Akuj.

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

Ŋigal. 2:16

oyenete bo isua atemar elimori Akuj atemar iyookino ituŋanan alokiŋaren keŋ aŋuna ka anupit Yesu Kristo bon, meere aŋuna itiyaa ŋuna ecamito Ŋikisila. Isua daŋ, ikinupit Yesu Kristo, ikotere elimori Akuj atemar ikiyookino isua alokiŋaren keŋ aŋuna ka anupit kosi Yesu Kristo, meere aŋuna ka akitiya ŋuna ecamito Ŋikisila. Anerae emam ituŋanan elimoryo atemar iyookino alokiŋaren Akuj aŋuna itiyaa ŋuna ecamito Ŋikisila.

Ŋiep. 2:4

Nai epol nooi akisyon ŋina ka Akuj ka epol nooi amina keŋ ŋina ikiminar iwon:

Ŋiep. 4:23

Itemokino ŋitai kus toruworos ŋulu kitet kaapei ka ŋatameta kus daŋ

Ŋiep. 5:26

Abu Kristo kitiya ŋun aŋuna ka ainakin ikes neni ka Akuj, kedau akitesegun ikes a ŋakipi a ŋuna ke ebatisimu ka alotooma akirot keŋ;

Ŋikis. 9:5

Meere aŋuna ka akiyookino kus, kori aŋuna ka akiyookino a ŋitai kus iŋes ilosyoto iyes akituruwor akwap kec ŋina kus, nai erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus, ikotere isiyookinio akiikinet ŋina abu iŋes kikoŋ neni atapapaa kus Aburaam ka Isaka ta Yakob.

Ŋikol. 3:10

ka iryamut ekuwane ŋolokitete. Ekuwane ŋolokitete ŋol iŋes erubakinit Akuj akasuban keŋ itete kikwaanikinos ka iŋes, ikotere toyenuniata iyes iŋes ejok.

2 Tim. 1:9

Abu iŋes ikiu ka ikinyara iwon aruwor ŋituŋa keŋ ka alope, meere aŋuna ikidau iwon akitiya, nai aŋuna ka acamit ka ajokis keŋ. Eriŋa akwap nyesubuna, abu iŋes ikiinak iwon ajokis ŋin alotooma Yesu Kristo,

Tito 3:4

Nai ŋina etoodiunere lotuŋa arimao ka amina ŋina ka Akuj Akaiunan yok,

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Ŋibur. 6:6

Nai ekaku, apotu tomuleno Akuj, ido alopite a ŋol, ebubukis nabo ikes ŋilopeyek Lokoku ka Akuj lomusalaba ka esuruma iŋes ŋileec ŋulu ileerete alotuŋa a daadaŋ.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

1 Pet. 2:10

Koloŋ sek, pa irae iyes ŋituŋa ŋulu ka Akuj, nai tokona iruworosi ŋituŋa keŋ; koloŋ sek pa iyenete iyes akisyon ŋina ka Akuj, nai tokona iryamut akisyon keŋ.

1 Pet. 3:21

Erae ŋakipi ŋun akitaanyikinet, ŋina ka akibatisao a ŋina tokona ikiununui iyes. Nyerae iŋes alemaret elos ŋolo eyai nakuwan, nai erae adyekit Akuj akitesegun ŋatameta yok, alotooma ayarun ŋina a Yesu Kristo,