Tito 3:3 - Ebaibul

³ Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

Tito 3:3 Iomraidhean Croise

Akisy. 38:9

Nai aŋuna ayenia Onan atemar nyepedorete ŋidwe ŋul aruwor ŋulu keŋ, emianakini iŋes ŋaokot keŋ ebukonor kwap apaki daadaŋ ŋina iryamakinotor iŋes ka aberu alokaato keŋ; ikotere nyeuru ŋidwe anaberu alokaato keŋ.

Akisy. 39:16

Torubak iŋes idarit elou a Yosepu alodiyete keŋ akitodol ŋina abunio ekapolon a Yosepu lore.

Ŋikiru. 36:2

Emina ituŋanan ŋini ikoni ŋin akirworo itojoka bon, Itojoka iŋes nooi nyepedori ayenun asecit keŋ, kori akiŋer asecit keŋ.

Ŋakit. 8:5

Iyes ŋulu ibaŋaaka, toryamutu ayakau ka ŋipitesyo ŋulu ajokak. iyes ŋulu imamukatar apiiryanut, toryamutu apiiryanut.

Ŋakit. 9:6

Toesikisi abaŋao kus, ikotere iyarete, kiboiyoto irae ŋulu iyakatar ayenut.”

Isa. 44:20

Emam atyeketait eyai neni a ituŋanan a ŋin ka ŋini enyami ekuron. Ebatasi ituŋanan ŋini itiyae ŋun ŋatameta keŋ ŋuna ka abaŋao, ido nyepedori aiun bon, kori nyepedori acamun atemar erae akuj ŋina eyakar iŋes akoŋinait.

Obad. 1:3

Ikimodik iyoŋ akituro alotau kon, iyoŋ ŋina iboi anaitae a ŋimoru, iyoŋ ŋina erae neni eoya alomoru erae ere kon. Ibala iyoŋ alotau kon, ‘Ŋae epedori acakun ayoŋ kwap?’

Mat. 21:29

Toboŋok edya tema, ‘Nyalosi ayoŋ.’ Nai ekaku apotu toronikis ŋuna abu iŋes tolimu, ido tolot.

Luk. 21:8

Toboŋok Yesu ikes tema, “Tocoito nyikimodik ituŋanan. Epote ŋikalalak irworosi alokiro kaŋ ebasi, ‘Ayoŋ iŋes ŋolo!’ kori ebasi, ‘Adol apaki!’ Nai tocoito iwuapakinete ikes.

Yoa. 8:34

Toboŋok nai Yesu ikes tema, “Akalimokini ayoŋ iyes kire atemar, ŋini eseci, aruwor epito ŋolo ka asecit.

Ŋirom. 11:30

Nai iyes ŋituŋa ŋulu nyirae Ŋiyudayan, ipotu koloŋ iyes toŋero Akuj; nai tokona iryamut akisyon ŋina ka Akuj, anerae apotu Ŋiyudayan toŋero Akuj.

Ŋirom. 6:12

Nyitemokino nai asecit ipukae ŋawat kus, ikotere nyiwuapyata iyes ekibure ŋolo a ŋawat kus.

Ŋirom. 6:17

Nai olakaros neni ka Akuj! Anerae apaki ace, ipotu iyes toruworos ŋipi ŋulu ka asecit; nai ekaku ipotu kiwuapa a ŋitai kus a daadaŋ ŋuna a kire, ŋuna eya nakitatam ŋina ipotu iyes toryamut.

Ŋirom. 6:22

Nai tokona aŋuna ikilacakinere iyes anasecit ka iruworotor ŋipi ŋulu itiyaete aŋuna ka Akuj, iryamunete tokona iyes akiyar ŋina italakarit Akuj ka iryamunete moi akiyar ŋina nyedaun.

Ŋirom. 6:6

Ikiyeni iwon atemar epite ŋolo sek ikiyakar iwon, aponi toarae kaapei ka Kristo alomusalaba, ikotere inyasunio epite ŋolo ka asecit alotooma yok ka nyikirubak iwon ikirae ŋipi ŋulu ka asecit.

2 Ŋikor. 12:20

Akabulit ayoŋ atemar ŋina adolunio ayoŋ inaa, akaryamuni iyes igelaaka, pa ikote neni acamit ayoŋ iyes kikote ka ayoŋ daŋ pa ekoni neni icamito iyes ayoŋ ekoni. Akabulit ayoŋ atemar aryamuni aneni kus ebura, arakao, anyunyura, emwane, ŋiyany ka akirworor ŋuluce, akituro ka atyakatyaka.

Ŋigal. 6:3

Ani ketami ituŋanan atemar arae iŋes ŋae torae bo kire ikoŋinait, emodyanakin iŋes bon.

Ŋikol. 1:21

Ilwaka koloŋ sek iyes nooi aneni ka Akuj ka iraakasi ŋimoi keŋ aŋuna a ŋakiro a ŋuna aronok a ŋuna itiyaete ka itamete iyes.

Ŋikol. 3:7

Koloŋ sek iyarete iyes ŋilopeyek alotooma ekibure ŋolo a ŋipitesyo a ŋul, apaki ŋina apolokinitotor ŋipitesyo ŋul akiyar kus.

2 Tim. 3:13

Nai ŋituŋa ŋulu aronok ka ŋulu a ŋisoswae erubakinete erae ŋulu aronok ka iyatakin aronis kec nooi, emodyanakinete ŋuluce ka emodikin ikes ŋilopeyek.

2 Tim. 3:6

Anerae ŋice alokidiŋ kec eloloto anakais a ŋituŋa, ido kibatasi ŋaberu ŋuna epalag ananupit kec ŋuna ileleba ŋasecisya, ŋuna iriyarit ekibure a ŋinibore a daadaŋ,

Tito 1:16

Ebasi ikes iwogasi ebe ikiyeni Akuj, nai itepegito ŋiticisyo kec ŋun. Erae ikes ŋulu emoitaka, nyepupete ŋakiro ka nyepedorete akitiya idiobore ŋini ajokan.

Tito 2:12

Ikitatami ajokis ŋin iwon aesikin ŋipitesyo ŋulu nyekerito Akuj ka ekibure ŋolo ka akwap a na ka itemokino ikiboi ikirae ŋulu ikitenit anatameta, ŋulu ikiyookino ka ŋulu ikikerit Akuj anakwap a na,

Yak. 1:26

Ani ketami idiotuŋanan atemar iwuapit iŋes ŋakiro ŋuna ke edin, nai nyetubit akeeŋajep, erae edin keŋ ŋolo a koŋin, nabo emodyanakin iŋes bon.

1 Pet. 1:14

Ikwapei ŋidwe ŋulu ka Akuj, ŋulu ikerito iŋes, nyicamakis akiyar kus ilocokini ekibure ŋolo sek iyakatar iyes apaki ŋina ibaŋaakyata nyiyenete Ŋakiro ŋuna Ajokak.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 13:14

Abu tomodik ŋituŋa daadaŋ ŋulu iboiyete anakwap a ŋakujuwuanisya a ŋuna acamakinitae iŋes akitiya alokiŋaren etyaŋ ŋolo ke ekiŋaren. Tolimok etyaŋ ikes adukokin etorube ŋolo ke etyaŋ a ŋolo awanitae ka atum, nai ayari.

Akis. 18:2

Abu kiworou a etoil a ŋolo apolon tema, “Aukor iŋes! Aukor Babilon ŋolo apolon nooi! Aruwor ere ŋolo a ŋipyan ka ŋauyenito; iboiyete tokona ŋikyeny ŋulu asiilyanak ka ŋulu aronok aneni keŋ.