Tito 3:10 - Ebaibul

¹⁰ Ani keyau ituŋanan idio atyakatyaka aŋuna a ŋakiro a ŋun, tolimok iŋes apeilimokinet kori ŋalimokinet ŋaarei bon, ido ekaku todaun iyoŋ ka iŋes ŋace jik.

Tito 3:10 Iomraidhean Croise

Ŋirom. 16:17

Ŋikaitotoi kaŋ, ekemaimai ayoŋ iyes atemar tocoikis ŋulu etyakatyakaete ŋituŋa, ido kitooliyosi ananupit kec; ŋulu eŋerito ŋakiro ŋuna aponi ikitatami iyes. Tocoito irukete ka ikes!

1 Ŋikor. 11:19

(Kire itemokino toyai atyakatyaka kidiŋ kus, ikotere kileereunioto ŋulu enupito kire.)

2 Ŋikor. 13:2

Acamit alimokin iyes ŋulu idaut akisec ŋapakio ŋuna alunyarosi ka ŋuluce daadaŋ; alimunit ayoŋ ŋun paaran apaki ŋina abunitor ayoŋ neni kus abunet ŋina a ŋaarei, nai alimuni ayoŋ nabo ŋakiro ŋunapei ikwapei alwania aneni kus; apaki ŋina abunio ayoŋ nabo neni kus, esicani nooi ŋikasecak ŋul.

Ŋigal. 5:12

Tolimokisi ŋituŋa ŋulu ikibatarito iyes, ŋulu ecamito akileŋeryo ŋul, kidoŋos daŋ make!

Ŋigal. 5:20

akilip neni a ŋakujo, akikukuja, aremo, ebura, arorokanut, aŋoit, amarya, atyakatyaka aŋuna ka agelegelya a ŋatameta, atyakatyaka aŋuna a ŋatukon,

2 Ŋites. 3:14

Ani kewou idiotuŋanan akiwuap ŋuna irworoe isua anabaruwa a na, tocoikisi iŋes ejok, ka totyakaros aneni keŋ, ikotere kiruma iŋes ŋileec.

2 Ŋites. 3:6

Ŋikaitotoi, ikicikakinit isua iyes alokiro ke Ekapolon Yesu Kristo, atemar totyakaros aneni a ŋikaitotoi a ŋulu ekalanyaka, ŋulu nyiwuapito ŋakiro ŋuna aponi isua kitatamae.

2 Tim. 3:5

ŋulu esibito iricito ŋakiro ŋuna ke edin, nai kitoodiunite akiyar kec atemar emam apedor ŋina ka Akuj alotooma kec. Toŋer ŋituŋa ŋulu ikote ŋul.

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.

2 Yoa. 1:10

Ani kebu ituŋanan neni kus nyikilimok iyes akitatam ŋin, nyijaut iŋes kai, kori nyimalata iŋes;