Tito 2:7 - Ebaibul

⁷ Anakiro a daadaŋ itemokino iyoŋ elope torae akitaanyikinet ŋina a ŋipitesyo a ŋulu ajokak. Kitatam emam alyokonu ka tomukeana.

Tito 2:7 Iomraidhean Croise

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Ŋikor. 2:17

Nyikikwaan isua ka ŋuluce ŋulu elalak, ŋulu itusubunito etic ŋolo ka Akuj ŋolo kicurutaet; nai aŋuna eraakar Akuj ikiyakit isua, ikirworo isua ŋuna a kire alokiŋaren keŋ aŋuna ikiraakar ŋiketiyak ŋulu a Kristo.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

2 Ŋikor. 8:8

Nyalimunit ayoŋ ŋun erae akiciket, nai acamit aanyun akikinyoma ŋina ka amina kus alotooma akisikwaanikin ka epite ŋolo iburitor ŋituŋa ŋulu a Makedonia ainanakin.

Ŋiep. 6:24

Toyai ajokis ŋina ka Akuj neni a daadaŋ a ŋulu eminasi Ekapolon yok Yesu Kristo alotooma amina ŋina nyedaun.

Ŋipil. 1:10

topedosi nai acamun ibore ŋini ajokan nooi; ikotere toruworos ŋulu isegak alotai, tomam aronis adio daŋ, Akoloŋit ŋina eboŋunio Kristo.

2 Ŋites. 3:9

Aponi isua kitiyae ŋun, meere aŋuna amamukar isua apedor ŋina kiitanet akiŋarakinet adio aneni kus, nai ikotere eruworoe isua akitaanyikinet ŋina itemokino iyes kiwuapa.

1 Tim. 4:12

Nyikijamuwa iyoŋ ituŋanan idio aŋuna iraakar iyoŋ esorokit, nai torae akitaanyikinet ŋina a ŋikanupak alorwor kon, alopitesyo kon, anamina kon, ananupit kon ka anasegis ke etau kon.

1 Tim. 5:10

ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.

Tito 3:8

Erae ŋun ŋakiro ŋuna a kire. Acamit iyoŋ kitatam ŋakiro ŋun ka agogoŋu, ikotere nai ŋulu enupito Akuj eruwor ŋulu emitakinito akitiya ŋiticisyo ŋulu ajokak. Ejokak ŋakiro ŋun daadaŋ, ido iŋarakinete ŋituŋa daadaŋ.

1 Pet. 5:3

Nyipukato ka agogoŋu ŋituŋa ŋulu ikiinakinitae iyes, nai toruworos akitaanyikinet neni a ŋamesekin a daadaŋ.