Tito 2:2 - Ebaibul

² Kitatam ŋikasikou toraakas ŋulu ecoito, ŋulu emaikina tokeritetei, ŋulu epakito, ŋulu egogoŋ ananupit, anamina ka anatitinyikinit.

Tito 2:2 Iomraidhean Croise

Yob 12:12

Ŋulu mono emojoŋito eyakatar aosou make ka eyakatar ayenut aŋuna eboiyoto ŋirwa ŋulu alalak a?

Ŋikiru. 92:14

Ŋikito ŋulu erubakinete erayete tari kemojoŋ ka ŋikito ŋulu erubakinete elibak ka egogoŋ,

Ŋakit. 16:31

Erae ŋakorwo ebokot ŋolo ka akiboi iyari ŋikaru ŋulu alalak, iboi ituŋanan ŋikaru ŋulu alalak tolomut ŋakorwo aŋuna ka akiyookino anakiyar keŋ.

Isa. 65:20

Nyeyakaun nabo tooma keŋ ŋiŋwea ŋulu eyarete ŋirwa ŋidikudyo, kori ŋimojoŋi ŋulu nyikoŋikoŋete, anerae ŋini etwani erae ŋikaru keŋ amiat etamakinio atemar ariŋa esorokana, ido ŋini nyedolete ŋikaru keŋ amiat etamakinio atemar ilamitae iŋes.

Ŋilep. 19:32

“‘Tonyoutu epote neni kus ŋituŋa ŋulu emojoŋito, kitoodiutu atemar itopoloorito iyes ŋulu emojoŋito ka itopoloorito iyes Akuj kus. Arae ayoŋ Ekapolon.

Mar. 5:15

Ani edolete ikes neni a Yesu, toanyuwasi ekile ŋolo sek ekamunit ajore a ŋipyan iboi alodiye Yesu, enapit ŋilowi keŋaleu. Toumokis nai ikes nooi ka tokuryanito.

Luk. 8:35

Toloto ŋituŋa aanyun ŋakiro ŋuna apotu kitiyakin. Potu neni a Yesu, toryamut ekile ŋolo etolomunere ŋipyan iboi a nakejen a Yesu, enapit ŋilowi, kejokyar akeekuwan; tokuryaketa ikes.

Ŋitic. 24:25

Nai ani erubakini Paulo irworo ŋuna ka akiyookino, ŋuna ka akiyapara ka ŋuna ka abunore Akoloŋit ŋina etubokinia Akuj ŋituŋa, tobul Pelekis tolimok Paulo tema, “Ape mono! Akanyarae ayoŋ iyoŋ nabo aryamuni apaki.”

Ŋirom. 12:3

Aŋuna ka ajokis a ŋina abu Akuj okoinak ayoŋ, akalimokini ayoŋ iyes daadaŋ atemar, nyitamete atemar kori ipolok iyes nooi, torae bo nyipolok. Nai torae ŋulu iyakatar ŋatameta ŋuna ecayete ka itemokino ŋinituŋanan aneni kus toyenu epite ŋolo eyakar iŋes alotyae a ŋolo ka anupit a ŋina einakinitae iŋes.

1 Ŋikor. 15:34

Itemokino tokyenyut, tojoŋoto asecesec, anerae nyeyenete ŋice alokidiŋ kus Akuj. Alimunit ayoŋ ŋun akisirum iyes ŋileec.

1 Ŋikor. 9:25

Ekakeran daadaŋ ŋolo itatamio, ipukae iŋes ekibure daadaŋ, ikotere eryamunia ebokot ŋolo nyeropari; ikitiyae iwon daŋ ikwaŋinapei, ikotere oryamuniata ebokot ŋolo eropari.

2 Ŋikor. 5:13

Ani kesibit ikikerepikinit isua, erae aŋuna ka Akuj ka ani kesibit ikiosok isua, erae aŋuna kus.

Ŋigal. 5:23

akitiditeuna ka akiyokiuno bon. Emam Ŋikisila eremokino ka ŋakiro ŋuna ikote ŋun.

Ŋipil. 4:8

Aŋetakini ŋikaitotoi kaŋ, totamete ŋakiro nu ŋuna ejokak ŋuna emaikina yaut ekipuri: ŋakiro ŋuna erae kire ŋuna ekerer, ŋuna iyookino, ŋuna emam aronis, ŋuna ka amina ka ŋuna itojokitae.

1 Ŋites. 5:6

Aŋun nai, nyitemokino iwon ikijotoe ikwa ŋuluce, nai itemokino iwon ikikienyi ka ikiyeni ŋuna kitiyakina ikwa ŋituŋa ŋulu nyemerasi.

1 Ŋites. 5:8

Nai ikirae iwon ŋulu ka apaaran, ido itemokino iwon ikikwaan ka ŋituŋa ŋulu nyemerasi, ŋulu eyenete ŋuna itiyaete. Onapa anupit ka amina ikwa arapet ka akigeno ŋina ka aiuno yok ikwa akopiya ŋina iuryarit akou nyewana.

1 Tim. 1:10

aŋuna a ŋulu emalaaka, aŋuna a ŋikilyok a ŋulu iteperete ŋikilyok ŋuluce, aŋuna a ŋulu ekokoiyanarete ŋituŋa ŋuluce, aŋuna a ŋikalyokonok ka ŋulu ikoŋete ka alyokonu ka ŋulu itiyaete ŋace ŋuna nyemaasi ka akitatam ŋina iyookino.

1 Tim. 1:14

Abu Ekapolon okoinak ayoŋ ajokis keŋ ilapara; ido okoinak anupit ka amina, ŋuna erae ŋuna yok alotooma akimorikina ka Yesu Kristo.

1 Tim. 1:2

egirit abaruwa na neni a Timoteo a ŋolo erae lokoku kaŋ ŋolo a kire ananupit. Toyai neni kon ajokis, akisyon ka ekisil aneni ka Akuj Papa ka aneni a Yesu Kristo Ekapolon yok.

1 Tim. 1:5

Nai ŋuna elosikinitoe isua anakitatam kosi erae amina ŋina ebunit alotau a ŋolo Asegan, anatameta a ŋuna ecayete ka ananupit a ŋina a kire.

1 Tim. 3:11

Ŋaberu kec daŋ, itemokino erae ŋuna emaikina tokeritetei, nyirworotor ŋulucetuŋa, torae ŋuna etyamaarito ka ŋuna ikinyomitae anakiro a daadaŋ.

1 Tim. 3:2

Itemokino ekarikon ŋolo a Ŋikristo erae ŋolo nyitoronitae, ŋolo eyakar aberu apei, ŋolo etyamaarit, ŋolo ecayete ŋatameta, ŋolo ejokak ŋipitesyo, ŋolo ijaununui ŋituŋa lore keŋ ka ŋolo epedorit akitatam ejok.

1 Tim. 3:4

Itemokino iŋes erae ŋolo epedorit akidar ekal keŋ ke elope ejok ka ŋolo epedorit akituruwor ŋidwe keŋ ŋulu epupete ŋakiro ka ŋulu eyakatar akerit alopitesyo a daadaŋ.

1 Tim. 3:8

Itemokino ŋikeŋarakinitok ŋulu a Ŋikristo daŋ erae ŋulu emaikina tokeritetei ka nyekicaraka ŋaŋajepa; nyitemokino ikes erae ŋulu emataka ŋagwe ŋuna alalak kori ŋulu erorokaka alosiliŋa.

1 Tim. 5:1

Nyisibura ekasikout edio, nai kisiyan iŋes ikwa papa kon. Kisirwor ŋisorok ikwa ŋikaitotoi kon,

Tito 1:13

Iyookino ŋakiro ŋuna abu iŋes tolimu. Aŋakiro a ŋun, itemokino iyoŋ kisibura ikes nooi, ikotere toruworos ikes ŋikanupak ŋulu ajokak;

Tito 1:8

Itemokino iŋes erae ŋolo ijaununui ŋituŋa daadaŋ, tomina ibore ŋini ajokan daadaŋ. Itemokino iŋes erae ŋolo ecayete ŋatameta, ŋolo iyookino, ŋolo itoodiunito ŋipitesyo keŋ atemar iwuapit iŋes ŋakiro ŋuna ka Akuj; torae ŋolo iyokuuno bon.

Tito 2:7

Anakiro a daadaŋ itemokino iyoŋ elope torae akitaanyikinet ŋina a ŋipitesyo a ŋulu ajokak. Kitatam emam alyokonu ka tomukeana.

Pil. 1:9

nai aŋuna ka amina, ayoŋ Paulo acamit akimaima iyoŋ. Etiyae ayoŋ nu, tari karae ekiyakia ka ŋolo tokona akaenitae alomabus aŋuna a Yesu Kristo.

1 Pet. 1:13

Aŋun, totenito anatameta kus aŋuna ke etic. Totenito anatameta ka kiwuakinito akigeno kus daadaŋ najokis ŋina ikiinakinio iyes apaki ŋina isileereunere Yesu Kristo.

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.

1 Pet. 5:8

Totenito, tokienyete! Anerae irimit Satan, ŋolo erae emoit kus ikwa eŋatuny ŋolo irurumae iwarit idio ŋini nyamat.

2 Pet. 1:6

nayenut kus kiyatakisi atikit etau, natikit etau kiyatakisi atitinyikinit; natitinyikinit kus kiyatakisi eyare ŋolo ecamit Akuj;