Tito 2:11 - Ebaibul

¹¹ Anerae etoodiu Akuj ajokis keŋ aŋuna ka aiunia ŋituŋa daadaŋ.

Tito 2:11 Iomraidhean Croise

Ŋikiru. 67:2

ikotere eyenunio acamit kon anakwap, toyenut ŋituŋa daadaŋ apedor ŋina iunitor iyoŋ ikes.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Ŋikiru. 96:10

Tolimokisi ŋakwapin daadaŋ ebe, “Erae Ekapolon Erwosit! esubunitae akwap egogoŋ nooi, emam ŋini epedori akisiyotokin; etubokini Ekapolon ŋituŋa alotooma akiyookino.”

Isa. 45:22

Toboŋutu neni kaŋ, ido toiunos. iyes ŋituŋa anakwapin a daadaŋ; anerae ayoŋ Akuj ka emam akuj ace.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Sakar 4:7

Eŋopiyarete aneni a Serubabel ŋatyokisyo ŋuna apolok nooi ŋuna etya ŋimoru. Edukokini iŋes nabo Akai ka Akuj, ido apaki ŋina edukokinia iŋes amoru ŋina esidyon, ecelunete ŋituŋa temasi, ‘Ibus nooi! Ibus nooi!’ ”

Mat. 28:19

Aŋun, toloto kituruwosi ŋituŋa a ŋakwapin a daadaŋ ŋikasyomak kaŋ, kibatisata ikes alokiro a Papa ka a ŋolo a Lokoku ka a ŋolo ke Etau a ŋolo Asegan.

Mar. 16:15

Tolimok Yesu ikes tema, “Apesi nakwapin daadaŋ, kitatama ŋituŋa daadaŋ Ŋakiro ŋuna Ajokak ŋuna ka Akuj.

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Luk. 3:6

nabo eanyunete ŋituŋa daadaŋ aiuno ŋina ka Akuj!’ ”

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 1:9

Akirot iŋes arae akica ŋina a kire, ŋina abuni nakwap acaikin ŋituŋa daadaŋ.

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 13:43

Ani kielarosi ŋituŋa alosinagoga, totupakis Ŋiyudayan ŋulu alalak kaapei ka ŋulu acamunito anupit ŋina a Ŋiyudayan, Paulo ka Baranaba. Apotu lu kisirworo ikes ka kitogogoŋo ikes arubakin anajokis a ŋina ka Akuj.

Ŋitic. 13:47

Anerae ŋuna ikilimok Ekapolon isua akitiya ikes nu: ‘Eketuruwo ayoŋ iyes akica ŋina a ŋulu nyerae Ŋiyudayan, ikotere iyaunete iyes aiuno nakisaleta ŋuna ka akwap.’ ”

Ŋitic. 17:30

Akitodol apaki na, abu Akuj nyimaraki ŋapakio ŋuna pa ayeniata ŋituŋa iŋes, nai tokona ecikak ŋituŋa anakwapin a daadaŋ akibelekin neni keŋ.

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋirom. 10:18

Nai eŋita ayoŋ nu: erae mono kire atemar nyiirara ikes ŋakiro a? Kire apotu ikes kiirasi--ikwapei ebaakatar Ŋakigireta ebe, “Apotu ŋakiro ŋuna erworosi ŋikiyakia kielakin akwap daadaŋ; apotu ŋakiro kec tonaŋa nakisaleta ŋuna ka akwap.”

Ŋirom. 5:15

Nai ŋuluarei nyikwaan; anerae nyikwaan ainakinet ka Akuj ŋina a ikoŋin ka asecit ŋina ka Adam. Erae kire atemar apotu ŋituŋa ŋulu alalak totwaka aŋuna ka asecit a ipeituŋanan. Nai elal nooi ajokis ŋina ka Akuj, ka ainakinet keŋ daŋ neni a ŋituŋa a ŋulu alalak alotooma ajokis ŋina a ipeituŋanan a ŋin, a ŋini erae Yesu Kristo.

Ŋirom. 5:2

Aŋuna a Yesu Kristo, ikiyakar iwon apedor ŋinamoret ajokis na ŋina ka Akuj ka ikilelyani daŋ, anerae ikigeno atemar ikiruki moi ka Akuj anapolou keŋ.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋigal. 2:21

Nyacakarit ayoŋ ajokis ŋina ka Akuj. Anerae ani kelimo Akuj atemar iyookino ituŋanan aŋuna a Ŋikisila, iŋes atemar kerae atwanare a Kristo akoŋinait.

Ŋiep. 2:5

tari ŋina ikitwakitor iwon alotai alokiŋaren Akuj aŋuna a ŋasecisya yok, abu iŋes ikiinak iwon akiyar kaapei ka Kristo. Toyenutu: erae aŋuna ka ajokis a ŋina ka Akuj ikiunere iyes!

Ŋiep. 2:8

Anerae erae aŋuna ka ajokis a ŋina ka Akuj ikiunere iyes, aiuno ŋina ipotu iyes toryamut ananupit kus.

Ŋikol. 1:23

Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

Ŋikol. 1:6

Erubakinito Ŋakiro ŋuna Ajokak erayete ka epoloete ka ealakin nakwapin daadaŋ, lopite ŋolo etiyakinotor neni kus ameun akoloŋit ŋina iiraryata iyes ekiŋaren ŋuna ka ajokis a ŋina ka Akuj ka ipotu iyes toanyut epite ŋolo eyakatar ikes kire.

2 Ŋites. 2:16

Ikilipi isua neni ke Ekapolon yok Yesu Kristo elope ka neni ka Akuj Papa yok, ŋolo abu itominak iwon ka ikiinak iwon anajokis keŋ atitinyu ŋina nyedaunun ka akigeno ŋina ajokan,

1 Tim. 1:14

Abu Ekapolon okoinak ayoŋ ajokis keŋ ilapara; ido okoinak anupit ka amina, ŋuna erae ŋuna yok alotooma akimorikina ka Yesu Kristo.

1 Tim. 2:4

ŋina ecamit ŋituŋa daadaŋ toiunae ka toyenut ŋuna a kire.

2 Tim. 1:10

nai tokona adau akisileerekin neni yok anabunore a ŋina ke Ekaiunan yok Yesu Kristo. Adau Kristo akiloun atwanare ka adau akisileereun alotooma Ŋakiro ŋuna Ajokak akiyar ŋina nyetwakere.

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

Ŋibur. 12:15

Tocoito nyiboŋosi anajokis a ŋina ka Akuj. Nyitemokino idio kus ikokini ekitoe ŋolo erono adwaris keŋ, ido yau ŋican ka tomunaiya ŋikalalak.

Ŋibur. 2:9

Nai erae Yesu ŋolo aponi kitiditeunae apaki ŋina diouriyen akilo ŋimalaikan, etakani tokona einakinitae apolou ka akerit, anerae abu iŋes tocamu atwanare; aŋuna ka ajokis a ŋina ka Akuj etemokino iŋes totwan aŋuna a ŋituŋa a daadaŋ.