Sepan. 3:9 - Ebaibul

⁹ “Apaki ŋin, elocokini ayoŋ epite ŋolo irworotor ŋituŋa kaŋ, toruwor erwor ŋolo ajokan, ikotere ikes daadaŋ enyaraete ekiro ŋolo ke Ekapolon, ido kitiyanakis Ekapolon ecamuna kaapei.

Sepan. 3:9 Iomraidhean Croise

Akisy. 11:1

Akitodol apaki ŋin, erworosi ŋituŋa a akwap a daadaŋ aŋajep apei ka ŋakiro ŋapei.

Akisy. 4:26

Touru Set daŋ isapat, tolimok ekiro Enos. Apaki ŋin nai esyakiniata ŋituŋa akikinyomit ekiro ŋolo ke Ekapolon.

Ŋikiru. 113:3

Emaikina kipuroe ekiro ke Ekapolon, ŋinapei elomuni akoloŋ tari edoiyori akoloŋ.

Ŋikiru. 22:27

Etamunete ŋituŋa daadaŋ Ekapolon toboŋut neni keŋ; eryedikete alokiŋaren Ekapolon, ŋituŋa a ŋikabilae a daadaŋ;

Isa. 19:18

Akoloŋit ŋin, eryamunio alo Ijipit ŋitaunio ŋikan ŋulu irworosi aŋajep a ŋituŋa a Kanaan kikoŋete itopoloorito Ekapolon ŋolo a ŋajoresyo. Enyarao epei a ŋitaunio a ŋul etaun ŋolo ka amunyaro.

Isa. 57:19

Eyakaun ekisil neni a ŋulu eapiyete ka ŋulu elwaka, etaŋaleuni ayoŋ ikes.

Isa. 6:7

Abu esubuna ŋol totap a aridet akituk kaŋ tema, “Ikwapei atapya aridet na ŋipon kon, nyeriŋa iyoŋ iyakar ekaile ka ikimookun iyoŋ anasecit kon.”

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Esek. 37:17

Kimorik ŋibelae ŋul ŋiarei toruwor epei anakan kon.

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Sakar 14:9

Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Mat. 12:35

Ituŋanan ŋini ajokan elimuni ŋuna ajokak ŋuna eyakasi lotau keŋ ka ituŋanan ŋini aronon elimuni ŋuna aronok ŋuna eyakasi lotau keŋ.

Ŋiep. 4:29

Nyirworosi ŋakiro ŋuna awanak, nai kirworos ŋuna eŋarakinak, ŋuna epedorete akiŋarakin ŋituŋa alotooma ŋuna iitanito ikes, ikotere yaut ŋarereŋisyo lotuŋa ŋulu ikipupete iyes.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”