Sepan. 3:6 - Ebaibul

⁶ Ebala Ekapolon Akuj ebe, “Amunya ayoŋ ŋituŋa a ŋakwapin a ŋunagelae, eelielaa ayoŋ ŋakiboisyo ŋuna ejioto ikes, eturuwo ayoŋ ŋirotin kec ŋikoŋinae, ikotere edaun ituŋanan itori nen; adaun ŋitaunio kec akituruwor ŋireŋoroto, ŋulu emam ŋituŋa eyakasi, mam tari ipei daŋ.

Sepan. 3:6 Iomraidhean Croise

Isa. 14:26

Erae nu ŋakiro ŋuna adau ayoŋ ayeun aŋuna a akwap a daadaŋ ka erae ikes esicania ayoŋ ŋituŋa a ŋakwapin a daadaŋ.

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Yer. 9:12

Ŋae eyakar aosou ŋina itemokino, ikotere eyenunia ŋakiro nu? Ŋae alimoki Ekapolon ŋakiro keŋ, ikotere elimoryo? Kaanukiro enyasunor akwap ka aruworor ekasile ikwa aloŋisat, ido emam ibore itorenene nen?

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Sepan. 2:5

“Okoe iyes ŋituŋa ŋulu iboiyete alodiyete anam, iyoŋ akwap ŋina a Ŋikerisi! Ikiremokino iyes akirot ke Ekapolon. Okoe iyes Ŋikanaani, akwap ŋina a Ŋipilistin; akamunyari ayoŋ iyes todaun ŋini idoŋi.

Sakar 7:14

Aŋun, abu ayoŋ eela ikes lopite ŋolo ielarya ekuwuam ibore, apotu ikes kielar akiboi nakwapin ŋuna sek pa ayenete. Apotu kimyekis akwap na ŋina ajokan erae ŋina asilon, ŋina emam ituŋanan iboi alotooma keŋ.”

Mat. 23:38

Topupokisi tokona, imyekini Akuj Akai kus ŋina ka Akuj.

1 Ŋikor. 10:11

Apotu ŋakiro ŋun daadaŋ kitiyakinos neni kec, erae akitaanyikinet aneni a ŋuluce ka aponi kigirae erae akiciket neni yok a ŋulu ikiboi anapakio a ŋuna eapiya Akoloŋit ŋina esidyon.

1 Ŋikor. 10:6

Erae ŋakiro ŋun daadaŋ akitaanyikinet aneni yok, ikotere nyikiburakinito ŋiboro ŋulu ka aronis ikwa ikes.

Yos. 23:4

Kiirasi adau ayoŋ akorakin lokabilae kus akwap na daadaŋ ameun alo Kide anaŋolol Yorodan tari To nanam Mediteranian. Adau ayoŋ akorakin iyes ŋakwapin a ŋituŋa a daadaŋ a ŋulu aponi iwon kilounae ka ŋina a ŋulu eriŋa nyilouna.