Sepan. 3:5 - Ebaibul

⁵ Nai iyookino Ekapolon ŋolo iboi alotooma keŋ, mam ŋuna aronok ŋuna itiyae. A ŋinataparacu itiyae neni a ituŋanan keŋ ŋuna iyookino, itiyae iŋes ŋun a ŋinakoloŋit, nai mam ŋileec eyenete ŋulu nyiyookino.”

Sepan. 3:5 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

Yob 34:10

“Aŋun, topupokinae ayoŋ, iyes ŋulu epatana ayenun ŋakiro, nyiryamasi ca Akuj ka akitiya ŋuna aronok, nyiryamasi ca Akuj ŋina etiron ka akitiya ŋuna nyiyookino,

Yob 7:18

Ata ŋae ikes ilosenene iyoŋ neni kec a ŋinataparacu? Ata ŋae ikes ikatanakini iyoŋ ikes a ŋinapaki?

Yob 8:3

Iloconokini mono Akuj ŋakiro ŋuna iyookino a? Kori iloconokini mono Akuj ŋina etiron akitiya ŋuna iyookino a?

Ŋikiru. 145:17

Iyookino Ekapolon anakiro keŋ a daadaŋ, ido erimaana aloticisyo keŋ a daadaŋ.

Ŋikiru. 37:6

Isileereuni iŋes akiyookino kus, kileereu ikwa akica, isileereuni iŋes akiyookino ŋina itubioto ŋakiro kileereu ikwa akica ŋina akidiŋ apaaran.

Ŋikiru. 92:15

itoodiunito ŋun atemar iyookino Ekapolon ka atemar erae iŋes ekaiunan kaŋ, iyookino iŋes aneni kaŋ.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 28:19

Apaki daadaŋ ŋina eponiata ŋican ŋul neni kus, ikiarete iyes; anerae epote ŋican ŋul a ŋinataparacu ka a ŋinapaaran, epote ŋican ŋul neni kus naparan ka nakwaare. Ikibuli iyes ŋinapaki daadaŋ iyenuniata iyes ŋakiro ka Akuj.

Isa. 33:2

Ekapolon kitoodiu ajokis kon neni kosi, ikidarit isua iyoŋ. Toruwor agogoŋu kosi a ŋinataparacu, aiuno kosi anapaki a ŋina a ŋican.

Isa. 45:21

Tolimutu ŋakiro kus, tolimokisi ŋuluce ŋakiro kus, emaikina iyes tocunakin kaapei kirworiut ŋakiro kus. Ŋae abu todwar ŋakiro nu koloŋ sek? Ŋae abu tolimu ŋakiro nu koloŋ sek? Pa mono arae ayoŋ Ekapolon a? Emam akuj ace mati ayoŋ bon, Akuj ŋina ka akiyookino ka ŋina arae akalakunan; emam akuj ace mati ayoŋ bon.

Isa. 50:4

Akainaki Ekapolon Akuj ayoŋ apedor ŋinakitatamet ikwapei eketataman, ikotere apedorya akisirworiunia ŋulu apapanut anakiyar kec. Aŋinataparacu eketonyoununui iŋes ayoŋ, akainanakini iŋes ayoŋ akitemokin akiirar ŋakiro ikwa ŋulu itatamyo.

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Yer. 6:15

Apotu ikes kitiyata ŋuna a ŋileec, apotu ikes kitiyata ŋakiro ŋuna asiilyanak. nai nyiruma ikes ŋileec, pa ayenete ikes epite ŋolo irumyata ikes ŋileec nooi. Aŋun, etwakete ikes daŋ lopite ŋolo atwakyata ŋuluce, apaki ŋina esicania ayoŋ ikes, eruwor ŋin adaunet kec.”

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Aum. 3:23

Ikiteteununui Ekapolon ŋun a ŋinataparacu, epol nooi akikinyoma ŋina a Ekapolon.

Esek. 18:25

“Nai ibasi iyes, ‘Nyiyookino akiwuapit ŋuna ke Ekapolon.’ Kiirasi tokona okoe iyes Ŋisirael: Nyiyookino kire akiwuapit ŋakiro kaŋ a? Meere kire ŋuna iwuapito iyes nyiyookino a?

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Osea 6:5

Aŋun, abu ayoŋ ekeyakik iyes ŋikadwarak kaŋ alimokin iyes ŋakiro kaŋ ŋuna ka atubokino ka akinyasuno, aar ayoŋ ikes a ŋakiro a ŋuna adau ayoŋ alimun, ileere atubokino ŋina ayauni ayoŋ neni kus, ikwaan ka akica,

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Mika 7:9

Aŋuna aseca ayoŋ aneni ke Ekapolon, edaŋidaŋi ayoŋ anyunyura ke Ekapolon, akitodol ŋina akacamakinia iŋes ayoŋ, ido totub ŋakiro kaŋ. Akalemuni iŋes ayoŋ anakiryonut tooma nakica; eŋolikini ayoŋ iŋes akaiuni.

Abak. 1:3

Kaanukiro ikimyekinia iyoŋ ayoŋ ete itiyao ŋakiro ŋuna nyiyookino? Kaanukiro icamakinitor iyoŋ ŋuna nyiyookino? Eyakasi diyete kaŋ amunyaro ka aryenyeo; elalak nooi ŋijiesyo ka ŋiburasinei.

Sepan. 2:1

“Tocununos kaapei, tocununos iyes ŋakwapin ŋuna nyileeceko,

Sepan. 3:13

Mam aronis itiyaete iyes ŋipiya a Ŋisirael, nyirworete ikes alyokonu, kori nyelimunete ikes ŋakiro ŋuna nyiyookino, imujete ikes ido topero. Mam ituŋanan itubuli ikes.”

Sepan. 3:15

Emyek Ekapolon akisican iyes, erita iŋes ŋimoe kus. Irukito iyes ke Ekapolon erwosit a Ŋisirael; aŋun, tojoŋoto akuryanu.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Sakar 2:5

Ayoŋ elope aruwor arwatata ŋina ikwaan ka akim, arwatata ŋina irimokinit Yerusalem kidiŋ, ido ayoŋ elope apolokini.’ ”

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Luk. 12:2

Emam ibore ŋini erapitae ŋini nyisileereunio ka ŋini imunonitae ŋini nyeyenunio.

Ŋirom. 2:5

Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj.

Ŋirom. 3:26

Nai tokona, emitakinit Akuj ŋasecisya a ŋituŋa. Alopite a lo, itoodiunit iŋes atemar iyookino iŋes alope, nabo elimori Akuj atemar iyookino ŋituŋa daadaŋ alokiŋaren keŋ ŋulu enupito Yesu.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

Ŋikis. 23:14

Kitiyata ŋun anerae irukito iyes ka Ekapolon Akuj kus iyakasi najore, ikotere ikiuni iyes ka ipotokini ŋimoe kus neni. Aŋun, emaikina neni iperete iyes eseg, ikotere nyiŋolik Ekapolon idiobore ŋini asiilyanan aneni kus, ido ikimyek iyes.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.