Sepan. 3:20 - Ebaibul

²⁰ Apaki ŋin, akayauni ayoŋ iyes lore, akacunakini ayoŋ iyes kaapei; eketuruwori ayoŋ iyes ŋulu ikiyenio ka ikipuroi alotuŋa a daadaŋ a ŋulu ka akwap; ekenyakakinia ayoŋ iyes ŋarereŋisyo kus iteete iyes.” Ayoŋ Ekapolon alimu ŋun.

Sepan. 3:20 Iomraidhean Croise

Ŋikiru. 35:6

Kimyek erot kec kiryoniar ka tocurutut, kimyek emalaika ŋolo ke ekapolon kiwuap ikes tomunya;

Isa. 56:5

ainakini ayoŋ ikes ŋirorwa ŋulu etamunitae jik alo Kai kaŋ ka alotooma ŋarwatatain kaŋ, ŋirorwa ŋulu iloito tari ŋulu a ŋidwe a ŋulusapa ka ŋulupesur. Ainakini ayoŋ ikes ekiro ŋolo a ŋikaru ka ŋikaru ŋolo nyepedoryo alemar.

Isa. 56:8

Alimu Ekapolon Akuj ŋina ecununi Ŋisirael ŋulu erikoritae nakwapin ebe, “Acununi ayoŋ ŋuluce daŋ neni eya ŋulu sek adaun acunun.”

Isa. 60:15

Tari sek kikiŋeritoe ka kikimanitae iyes ka kemam ituŋanan etorununui nakwap kus; eketuruwori ayoŋ iyes ŋulu ailiilok ŋikaru ka ŋikaru; alelyanu ŋina ka anyamet ka apei tari ŋinace.

Isa. 61:9

Eyenunio ŋiletok kec anakwapin ka eyenunio ŋidwe kec alotuŋa, ŋituŋa daadaŋ ŋulu iŋolikinete ikes, ecamunete atemar erae ikes ŋituŋa ŋulu adau Akuj akiterereŋ.”

Isa. 62:12

Enyarao ikes, ‘Ŋituŋa ŋulu ka Akuj, ŋituŋa ŋulu alakuni Ekapolon,’ ido enyarao Yerusalem, ‘Etaun ŋolo apolon ŋolo emina Ekapolon. Etaun ŋolo eyakasi ŋituŋa.’ ”

Isa. 62:7

ka nyisieŋut iŋes daŋ akitodol ŋina esubakinia iŋes Yerusalem kituruwo etaun ŋolo arwon anakwap a daadaŋ.

Isa. 66:22

Erubakinio enyaritae ekiro kus ka ŋiletok kus lopite ŋolo erubakiniata nakuj ka akwap ŋunakitet eyakasi.

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 29:14

ekemyekini ayoŋ iyes ikiryamut ayoŋ, ido ekenyakakini ayoŋ iyes ŋarereŋisyo daadaŋ ka akacununi ayoŋ iyes anakwapin a daadaŋ ka anakiboisyo a daadaŋ a ŋuna abu ayoŋ ekerita iyes, ekenyakuni ayoŋ iyes nakibois ŋina ekeyakiyarya ayoŋ iyes nakwapin aruwor ŋirikon.”

Yer. 30:3

anerae eponito kire jik ŋirwa ŋulu enyakakinia ayoŋ ŋarereŋisyo neni a ŋituŋa kaŋ ŋulu a Isirael ka Yudaya, ido aŋauni ayoŋ ikes nakwap ŋina abu ayoŋ oinak atapapaa kec ka ituruworete ikes akwap ŋin ŋina kec.’ ”

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Esek. 16:53

Tari kikote neni daŋ enyakakini ayoŋ nabo ŋarereŋisyo neni a Sodoma ka ŋirerya keŋ ta neni a Samaria ka ŋirerya keŋ. Ekenyakakini ayoŋ iyoŋ daŋ ŋarereŋisyo,

Esek. 28:25

Alimu Ekapolon Akuj ŋakiro nu ebe, “Ani acununi ayoŋ Ŋisirael alotuŋa a ŋakwapin a ŋuna ielakina ikes, etoodikin ayoŋ neni kec eketeete ŋituŋa a ŋakwapin arae ŋolo asegan, iboikinosi nai Ŋisirael nakwap kec ŋina abu ayoŋ oinak eketiyan kaŋ Yakob.

Esek. 34:16

Alosi ayoŋ akiŋitanar ŋuna eolito, enyakuni ayoŋ ŋuna eoliyorito, aeni ayoŋ ŋajemei a ŋuna ewanawana, etogogoŋi ayoŋ ŋuna epalag, nai amunyari ayoŋ ŋuna atumak ka ŋuna agogoŋok. Eyoki ayoŋ ŋamesekin anakiyookino.

Esek. 37:12

Aŋun, todwar, tolimok ikes atemar, alimu Ekapolon Akuj ŋakiro nu ebe, ‘Okoe ŋituŋa kaŋ! Alosi ayoŋ aŋaar ŋalyalin kus, ekepudu iyes analyalin kus, okoyau iyes nakwap a Isirael nabo.

Esek. 37:21

ido tolimok ŋituŋa atemar, alimu Ekapolon Akuj ŋakiro nu ebe, ‘Enyakuni ayoŋ Ŋisirael anakwapin aŋuna apotu ikes toloto, acununi ayoŋ ikes anakiboisyo a daadaŋ aŋuna apotu ikes toloto, enyaku ikes nakwap kec.

Esek. 39:13

Enukete ŋituŋa a akwap a Isirael daadaŋ ŋituŋa ŋul, itopolooryo ikes a ŋakiro a ŋun akoloŋit ŋina etoodiunia ayoŋ apolou kaŋ.

Esek. 39:28

Eyenunete nai Ŋisirael atemar arae ayoŋ Ekapolon Akuj kec, anerae abu ayoŋ eela ikes nakwapin ka abu ayoŋ ocunu ikes anakwapin esiboik nakwap kec. Nyemyekini ayoŋ ikes tari ipei anakwapin a ŋunagelae;

Yoel 3:1

“Alorwa a ŋul ka anapaki a ŋin, ŋina enyakunia ayoŋ ajokis Yudaya ka Yerusalem,

Amos 9:14

Enyakuni ayoŋ ŋituŋa kaŋ Ŋisirael nakwap kec, edukokinete ikes nabo ŋitaunio kec ŋulu aponi kinyasunae, ido kiboikinos tooma ŋitaunio ŋul, itaete ikes ŋimanikorin kec ŋulu ke epiini, ido tomata epiini kec. itaete ikes ŋimanikorin kec, ido tonyama ŋaraito kec.

Mika 2:12

“Okoe iyes ŋituŋa a Yakob, kire jik, akacunakini ayoŋ iyes daadaŋ iwapei, acunakini ayoŋ ŋipiya a Ŋisirael; acunakini ayoŋ ikes kaapei ikwa iudere ŋamesekin nanok, acununi ayoŋ ikes ikwa ecunere esipan a ŋamesekin anadakar; ilelebun ŋituŋa nakibois kus nooi.

Mika 4:7

Eteyari ayoŋ ŋikaŋwalak ŋulupiya, eturuwori ayoŋ ŋulu aponi yae erae ŋirikon ŋituŋa ŋulu egogoŋ. Ayoŋ Ekapolon epukae ikes alokamukumukut Sion, akisyakin anakoloŋit a ŋin tari ŋikaru ka ŋikaru.

Sepan. 2:7

Eruwor akwap kus ŋina a ŋipiya a ŋulu a ekabila a Yuda; eruwor neni edakasi ŋibaren kec, eruwor nakais ŋuna ka Asikelon eperete ikes eboŋ. Iuryari Ekapolon Akuj kec ikes; inyakakini ŋituŋa keŋ ŋarereŋisyo kec.

Sepan. 3:19

Apaki ŋin, esicani ayoŋ ŋulu ikiimakinito iyes, aiuni ayoŋ ŋikaŋwalak, ido ocunak ŋulu ejamuwaritae, elocokini ayoŋ aleeco kec, ainakini ayoŋ ŋituŋa kitopoloosi ikes, ikotere todaun ŋileec aneni kec.

Sakar 8:13

Ŋituŋa a Yudaya ka Isirael! Ikwapei paaran iraakatar iyes ŋulu ikilamete ŋigelaanotin, akaiuni tokona ayoŋ iyes toruworos arereŋu. Aŋun, totitinyokiata, Nyikuryaketa!”

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Mal. 3:12

Etemarete nai ŋituŋa a ŋakwapin a ŋuna alalak ebe, ‘ Irae iyes ŋituŋa ŋulu ilakara,’ anerae eruwor akwap kus ŋina ejok akiboiyo.”

Ŋikis. 26:18

Nakoloŋit na, icamunosi iyes ke Ekapolon, iruworosi iyes ŋituŋa keŋ ŋulu emina iŋes nooi, lopite ŋolo ikiikinia iŋes iyes ka iwuapete iyes ŋakiciketa keŋ;

Ŋikis. 26:19

ikotere ikituruwori iŋes iyes ŋituŋa ŋulu iloito ŋituŋa a ŋakwapin a daadaŋ ŋulu asubuni iŋes, iruworosi iyes ŋulu ikipuritoe, ŋulu arwok ka ŋulu ikitopolooritae ka iruworosi iyes ŋituŋa ŋulu asegak aneni ke Ekapolon Akuj kus, lopite ŋolo eikinitor iŋes.