Sepan. 3:2 - Ebaibul

² Mam ipei daŋ ŋini iira iyoŋ ŋakiro keŋ; nyecamuna iyoŋ ŋuna ebookoi toesik. Nyikinyoma iyoŋ neni ke Ekapolon; nyeapuuna iyoŋ neni ke Ekapolon kon.”

Sepan. 3:2 Iomraidhean Croise

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Ŋikiru. 10:4

Iturosi ŋulu aronok, mam ŋuna ke Ekapolon ŋuna iwarito ikes; emam ŋadi daŋ ŋuna ka Akuj anatameta kec a daadaŋ.

Ŋikiru. 50:17

Toŋerito bo ŋakiro ŋuna abala ayoŋ kiwuapa, ido ikoŋete imanete ŋakan kaku iŋerito ŋakiro kaŋ.

Ŋikiru. 73:28

Nai ani eruwor ayoŋ, ejok akikinyomit Akuj, akituruwor Ekapolon ŋolo etiron ekaiunan kaŋ ka alimor ŋiticisyo keŋ daadaŋ.

Ŋikiru. 78:22

anerae pa apotu ikes tonupa neni ka Akuj, kori kikinyoma atemar epedori Akuj alakun ikes.

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Ŋakit. 5:12

Itemari iyoŋ, “Okoe, aŋerit ca paaran ayoŋ akiwuap ŋuna ajokak, ajamuwarit etau kaŋ akisirworiuno!

Isa. 1:5

Kaanukiro iwaritotor ŋakibuŋaeta ŋace? Kaanukiro irubakinitotor irae ŋikaŋerok? Idyakasi iyes ŋakyes ka alilimiyosi ŋitai kus.

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 43:22

“Kikote neni daŋ, okoe ŋiletok a Yakob, ipotu iyes nyikinyarata ayoŋ; nai okoe ŋiletok a Isirael, abu ikiup iyes akiwuapit ŋakiro kaŋ.

Isa. 9:12

Ŋiarameani alowae a ŋolo alo Kide ka Ŋipilistin alowae a ŋolo alo To. Apotu ŋul tomunyasi Ŋisirael tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Yer. 13:25

Erae ŋun ŋakiro ŋuna itiyakin neni kus anerae ekemuryak ayoŋ iyes, ido igyenokinosi amodiyo.

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 22:21

Abu ayoŋ erwor neni kus apaki ŋina iyakatar iyes najokis, nai ipotu iyes temasi, ‘Nyikiirari isua.’ Itiyata iyes lopite ŋol ŋinapei anasorokanut kus, nyiwuapa iyes ŋakiro kaŋ.

Yer. 32:33

Akamuleno ikes ayoŋ tari ŋina arubakinitor ayoŋ etatami ikes, nyiirara ikes ŋakiro kaŋ ka nyecamuna ŋuna etatami ayoŋ.

Yer. 35:13

Alimu Ekapolon ŋolo a ŋajoresyo Akuj a Ŋisirael ebe, “Ape tolimok ŋituŋa a Yudaya ka ŋituŋa ŋulu iboiyete alo Yerusalem atemar, nyipedorete iyes ayenun ŋakitadapeta kaŋ, ido kiwuapa ŋakiro kaŋ a?

Yer. 35:17

Aŋun, ŋakiro ŋuna alimu Ekapolon Akuj ŋina a ŋajoresyo, Akuj ŋina a Ŋisirael ikes nu, ‘Alosi ayoŋ ayaun lotuŋa a Yudaya ka lotuŋa daadaŋ ŋulu iboiyete alo Yerusalem ŋican daadaŋ ŋulu adau ayoŋ alimun aŋuna kec, anerae erwor ayoŋ neni kec, nai nyiirara ikes, anyara ayoŋ ikes, nai nyeboŋokino ikes ayoŋ.’

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Esek. 22:24

“Lokoku a ituŋanan, tolimok Ŋisirael atemar nyerae akwap kec ŋina itesegitae, mam akiru abu min neni keŋ akoloŋit ŋina abunio ayoŋ onyunyur aŋuna keŋ.

Esek. 24:13

Ani eketaleuni ayoŋ iyoŋ analeeco kon a ŋina abosan, ibu iyoŋ nyitaleun anabosis kon a ŋin; mam nabo nyikitaleunio iyoŋ jik akitodol ŋina etemokinio ayoŋ ŋuna akaŋoikinitor iyoŋ.

Sepan. 1:6

Amunyari ayoŋ ŋulu aŋero akiwuapit Ekapolon, ŋulu nyiwarito Ekapolon, kori nyiŋitasi iŋes ibore idio.”

2 Tim. 3:16

Ŋakiro daadaŋ ŋuna igiritae Nakigireta erae ŋuna ieŋakinit Akuj Etau keŋ; ejokak ikes akitatamya ŋuna a kire, akitepegia ŋuna edyakara, arikinio ŋuna emunaara ka alimonokinia ŋakiro ŋuna ka akiyar a ŋina iyookino,

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.