Sepan. 3:15 - Ebaibul

¹⁵ Emyek Ekapolon akisican iyes, erita iŋes ŋimoe kus. Irukito iyes ke Ekapolon erwosit a Ŋisirael; aŋun, tojoŋoto akuryanu.

Sepan. 3:15 Iomraidhean Croise

Akisy. 30:23

Topoti Rakel kidou ikoku ŋinisapat, tema Rakel, “Alema Akuj ŋileec kaŋ”;

Ŋikiru. 149:2

Emaikina Ŋisirael tolelyana neni ke ekasuban kec; emaikina ŋituŋa a Sion tolakar neni ke erwosit kec.

Ŋikiru. 19:9

Ejok akitopoloorit Ekapolon ka arubakin itopolooritae iŋes ŋikaru ka ŋikaru. Iyookino ŋatubokineta ŋuna ke Ekapolon; erae ikes daadaŋ ŋuna iyookino.

Ŋikiru. 85:3

Idau iyoŋ ajoŋore anyunyura neni a ŋituŋa kon; ijoŋo iyoŋ aŋoikinit ŋituŋa kon a adedeŋu.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 25:8

Emyetari nai Ekapolon Akuj ŋakiyo anakonyen a ŋituŋa a daadaŋ, elemari iŋes akadakinit aneni a ŋituŋa keŋ anakwap a daadaŋ. Ekapolon elope alimu ŋun.

Isa. 33:22

anerae Ekapolon iŋes erae ekatubon a ŋakiro yok, Ekapolon iŋes erae ekepukan yok; Ekapolon erae erwosit yok, iŋes ikiuni iwon.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 51:22

Alimu Ekapolon kus ŋolo etiron, Akuj kus ŋina eji aŋuna ka aiun ŋituŋa keŋ ebe, “Kiirasi, alema ayoŋ aneni kus ŋican ŋulu ikisiteriterete iyes, nyekesicani nabo ayoŋ iyes ananyunyura kaŋ.

Isa. 52:9

Toeikisi iyes daadaŋ kaapei, ŋaduketa a Yerusalem ŋuna eritakinitae kwap, anerae eŋarak Ekapolon ŋituŋa keŋ, ido alaku iŋes Yerusalem.

Isa. 54:14

Iyakaun iyoŋ irae ŋolo ijok aŋuna ka akiyookino, nyikisicanio nabo iyoŋ, anerae emam ŋini ikitukuryani iyoŋ; Elemaryo ekabule aneni kon, anerae nyeapuuni neni kon.

Isa. 60:18

Nyiiraryo nabo ŋuna ka aryenyeo anakwap kus, kori ŋinyas ka amunyoro alokukoryo ka akwap kus. Enyarao iyes ŋarwatatain kus ŋuna ikiunete ka enyarao iyes ŋipukei kus ŋulu ka akipuro.

Isa. 65:19

Abuni ayoŋ alelyan alo Yerusalem ka alakar aŋuna a ŋituŋa kaŋ; nyiiraryo nabo akigworo alotooma keŋ, kori nyiiraryo nabo akigworo aŋuna a ŋican.

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Esek. 35:10

“Ilimut iyes atemar Yudaya ka Isirael ta ŋakiboisyo kec erae ŋuna kus ka ituruworete ikes ŋuna kus tari daŋ karae ayoŋ Ekapolon arae Akuj kec;

Esek. 36:15

Nyiirarete nabo iyes ŋiyany ŋulu ikiyanyata iyes ŋituŋa a ŋakwapin ka nyiryamunete nabo iyes ŋican ŋulu ikijamuwaritotor iyes ŋituŋa a ŋakwapin, kori nyimyekinete iyes akwap kus emunaaryo.’ ”

Esek. 39:29

mam nabo jik nyaŋeri ayoŋ akisiŋolikin ikes apaki ŋina abukokinia ayoŋ etau kaŋ neni a Ŋisirael.”

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Amos 9:15

Iyes Ŋisirael, ekewuakini ayoŋ iyes nakwap kus, mam ituŋanan ikilemari iyes nabo anakwap a ŋina akewuak ayoŋ iyes.’ Ekapolon Akuj iŋes alimu ŋun.”

Mika 7:10

Iŋolikinete nai ŋimoe kaŋ ŋun, ido irumete ŋileec ŋituŋa ŋulu apotu temasi neni kaŋ ebe, “Ai mono eyai Ekapolon Akuj kon?” Eŋolikini ayoŋ ikes ereunio, ido kipudaarae ikwa ecoto ŋolo eyai lorotin ŋulu ke etaun.

Abak. 2:17

Idaut iyes ayepakin kwap ŋamon ŋuna a Lebanon; iyes daŋ ikiyepakinio kwap. Ipotu iyes toara ŋityaŋ a Lebanon, iyes daŋ, ikiryetarete ŋityaŋ. Itiyakin ŋakiro ŋun aŋuna idauniata iyes akiar ŋuluce ka aŋuna ka aryenyeo kus neni a ŋituŋa a akwap ka lotaunio kec.

Abak. 2:8

Aŋuna idauniata iyes aŋatanar ŋakwapin ŋuna alalak, ikiŋatarete iyes ŋituŋa daadaŋ ŋulu idoŋito nakwapin ŋun, itiyakinosi ŋun aŋuna a ŋituŋa a ŋulu ipotu iyes toara ka aŋuna ka aryenyeo kus anakwap, alotaunio ka neni a daadaŋ a ŋulu eya lotaunio ŋul.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Sepan. 3:5

Nai iyookino Ekapolon ŋolo iboi alotooma keŋ, mam ŋuna aronok ŋuna itiyae. A ŋinataparacu itiyae neni a ituŋanan keŋ ŋuna iyookino, itiyae iŋes ŋun a ŋinakoloŋit, nai mam ŋileec eyenete ŋulu nyiyookino.”

Sakar 12:3

Akoloŋit ŋina ecunakinotor ŋakwapin a akwap a daadaŋ imanito Yerusalem, esikwaanikini ayoŋ Yerusalem ka ataaba ŋina nyesubanakin. Ewanasi make ŋakwapin daadaŋ ŋuna ikatakinete alemar iŋes.

Sakar 14:11

Iboikinosi ŋituŋa Yerusalem, mam nabo nyemunaaryo iŋes jik; erubakini Yerusalem eyakar akinapakina.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Yoa. 1:49

Toboŋok Nasaniel tema, “Eketataman, irae iyoŋ Lokoku ka Akuj ka irae Erwosit ŋolo a Isirael.”

Yoa. 12:15

“Nyikuryaketa ŋituŋa a Sion! Kiŋolikisi, ebunit Erwosit neni kus edokit itaok ŋini ka asigirya!”

Yoa. 19:19

Kigir Pilato ŋakiro nu kiwuakinae kidiama emusalaba, egiritae ikona: “YESU ŊOLO A NASARET, ERWOSIT A ŊIYUDAYAN.”

Yoa. 5:30

“Emam idiobore ŋini apedori ayoŋ akitiya aŋuna ka apedor kaŋ bon. Atubonokini ayoŋ ikwaŋina akalimokinitere; eriyan ekaatubokine, anerae nyewarit ayoŋ ŋuna acamit, nai acamit a ŋolo ekeyakuunit ayoŋ.

Akis. 12:10

Abu eira etoil ŋolo apolon anakuj ebala, “Adolu tokona aiuno ŋina ka Akuj! Etoodiu tokona Akuj apedor keŋ ikwa Erwosit! Etoodiu tokona Kristo keŋ apolou! Anerae emasun anakuj ŋolo awuoi alokiŋaren Akuj yok, ŋolo sek esitakinit ŋikaitotoi yok apaaran ka akuwar.

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”

Akis. 7:15

Erae ŋakiro ŋun ewuatar ikes alokiŋaren ekicoloŋ ŋolo ka Akuj ka kitiyaete Kai keŋ apaaran ka akuwar. Iŋes ŋolo iboi alokicoloŋ iuryari ikes aŋuna ka ayakau keŋ.