Sepan. 3:14 - Ebaibul

¹⁴ “Toekisi iyes ŋituŋa a Sion! Tocelutu nooi iyes Ŋisirael! Tolakaros ka tolelyana nooi a ŋitai kus a daadaŋ, iyes ŋituŋa a Yerusalem.

Sepan. 3:14 Iomraidhean Croise

Neem. 12:43

Apotu ikes inakis akoloŋit ŋin ŋamuronisya ŋuna alalak alelyanu, anerae abu Akuj inak ikes alelyanu ŋina apolon, apotu ŋaberu ka ŋidwe daŋ tolelyana. Apedori ituŋanan akiirar aneni alwanan ecelet ŋolo ka alyelyanu a ŋituŋa a Yerusalem.

Ŋikiru. 14:7

Okoe, elipi ayoŋ atemar bu aiuno neni a Ŋisirael alo Sion! Apaki ŋina inyakakinia Ekapolon ŋituŋa keŋ ebari, elelyanete ŋituŋa a Yakob; elakarosi Ŋisirael.

Ŋikiru. 149:2

Emaikina Ŋisirael tolelyana neni ke ekasuban kec; emaikina ŋituŋa a Sion tolakar neni ke erwosit kec.

Ŋikiru. 97:8

Eirasi ŋituŋa a Sion ŋakiro ŋun, ido elakara, elakara daŋ ŋituŋa ŋulu alotaunio a Yudaya, Okoe Ekapolon elakara ikes aŋuna a ŋatubokineta kon;

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 29:19

Eryamunete ŋulu iyapara alelyanu ŋina kitete aneni ke Ekapolon ka itopoloorete ŋulu eyakatar akiitanit alotuŋa a Ekapolon Akuj ŋina a Isirael ŋina asegan;

Isa. 35:2

eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Isa. 37:22

ŋakiro nu alimu ayoŋ Ekapolon aŋuna a Senakerib: Senakerib, ikijamuwarito ka ikikyenatar iyoŋ ŋituŋa a Sion iniŋiniŋete ŋituŋa a Yerusalem ŋakyes ikiŋolikinete iyoŋ iemi.

Isa. 40:1

Irworo Akuj kus ŋakiro nu: Kisirworiutu, okoe kisirworiutu ŋituŋa kaŋ.

Isa. 40:9

Okoe ŋituŋa a Sion, toloto lomoru ŋulu aoyak, kiserata a nen ŋakiro ŋuna ajokak, tocelutu a ŋitoilon a ŋulu apolok, okoe ŋituŋa a Yerusalem, kiserata ŋakiro ŋuna ajokak, tolimosi ŋakiro ŋun, nyikuryaketa. Tolimokisi ŋituŋa ŋulu iboiyete alotaunio a Yudaya ebe, “Eyai Akuj kus ne.”

Isa. 51:11

Aŋun, eboŋunete ŋituŋa ŋulu elakakinit Ekapolon, epote Sion eosi, eyakaunotor ikes alelyanu ŋina nyedaun, eryamunete ikes alelyanu ka alakara, emamukaun aneni kec akiyaloloŋ ka akisuta.

Isa. 52:9

Toeikisi iyes daadaŋ kaapei, ŋaduketa a Yerusalem ŋuna eritakinitae kwap, anerae eŋarak Ekapolon ŋituŋa keŋ, ido alaku iŋes Yerusalem.

Isa. 54:1

Alimu Ekapolon ŋakiro nu, “Okoe iyoŋ aberu ŋina ikolupana, toeik, tocelu ieo ka kiworou iyoŋ ŋina nyeanyuna aryeba ŋina ka akidoun! Anerae aryamu aberu ŋina abu lokile keŋ toesik ŋidwe ŋulu alalak, akilo aberu ŋina eyakar ekile.

Yer. 30:19

Epote ŋituŋa ŋul aeore ŋieosyo ŋulu ka alakara ka ecelunete elelyanete, eterereŋi ayoŋ ikes tolalata, nyekudyokunete ikes; ainakini ayoŋ ikes kitopolooroe, nyejamuwaryo ikes nabo.

Yer. 31:13

Elelyanete nai ŋasorok alodoŋa elakarosi ŋisorok ka ŋikasikou, elocokini ayoŋ akiyaloloŋ kec toruwor alelyanu, esirworiuni ayoŋ ŋitai kec, oinak ikes alakara akilo akiyaloloŋ.

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Mika 4:8

Ani eruwor iyoŋ Yerusalem, neni iyokiyo Akuj ŋituŋa keŋ ikwa ekeyokon, iruwor iyoŋ nabo etaun ŋolo apolon anapukan a ŋina sek erae ŋina kon.

Mat. 21:9

Tocalut ŋasepico a ŋituŋa ŋuna ayakasi kiŋaren Yesu ka ŋulu ewuapito iŋes ebasi, “Osanna Lokoku a Daudi! Erereŋ ŋolo ebunit alokiro ke Ekapolon! Osanna toyai kidiama nooi!”