Sepan. 3:13 - Ebaibul

¹³ Mam aronis itiyaete iyes ŋipiya a Ŋisirael, nyirworete ikes alyokonu, kori nyelimunete ikes ŋakiro ŋuna nyiyookino, imujete ikes ido topero. Mam ituŋanan itubuli ikes.”

Sepan. 3:13 Iomraidhean Croise

2 Ŋakiro a ŋirwa 20:30

Abu nai ekisil min nakwap a Yeosapat, anerae abu Akuj inak iŋes akinapakina alowaetin ka akwap keŋ a daadaŋ.

Yob 11:19

Iperi iyoŋ emam ibore ikitukuryani; epote ŋikalalak akiŋita akiŋarakino aneni kon.

Ŋikiru. 119:3

ŋulu daŋ nyitiyaete ŋuna aronok, nai iboiyete iwuapito ŋakiro ke Ekapolon.

Ŋikiru. 120:2

“Tolakunae ayoŋ, okoe Ekapolon, tolakunae ayoŋ alotuŋa a ŋulu alyokonok tolakunae ayoŋ alotuŋa a ŋulu amodiyanak.”

Ŋikiru. 120:3

Iyes ŋikalyokonok, anukiro itiyakini Akuj neni kus? Iyes ŋikamodyanakinak, anu ŋace itiyakini Akuj neni kus?

Ŋikiru. 23:2

Ekemyekini iŋes ayoŋ eeŋu a lonya a ŋulu alibak; eketenari iŋes ayoŋ neni eya ŋakipi ŋuna aliwak nooi.

Isa. 17:2

Eesikinete ŋituŋa ŋitaunio keŋ ŋikaru ka ŋikaru; eruwor ŋitaunio ŋul neni eya ŋisipanin a ŋamesekin, eruwor nen neni euryaniata ikes ka emam ituŋanan esurusurui ikes.

Isa. 35:8

Eyakaun nen erot ŋolo apolon, enyarao iŋes, erot ŋolo asegan. Nyelosete ŋikasecak alorot a ŋol, nai eruwor erot ŋolo a ŋituŋa ka Akuj, mam ikaloton a nen eoliyori, nyeoliyori tari ibaŋaanot.

Isa. 54:14

Iyakaun iyoŋ irae ŋolo ijok aŋuna ka akiyookino, nyikisicanio nabo iyoŋ, anerae emam ŋini ikitukuryani iyoŋ; Elemaryo ekabule aneni kon, anerae nyeapuuni neni kon.

Isa. 6:13

Tari kidoŋ ituŋanan ipei alotooma ŋitomon nakwap earyo ŋini daŋ ikwaanikin iŋes ka apuŋure a ekwaakwaa, kori ŋina a ekuyon ŋina idoŋi kedaun ayepar ekitoe.” Apuŋure ŋin erae akisyakinet ŋina kitete ŋina a ŋituŋa a ŋulu ka Akuj.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 63:8

Abu iŋes tolimu tema, “Kire jik, erae ikes ŋituŋa kaŋ, ŋidwe ŋulu nyitiyaete ŋuna aronok;” ido abu iŋes toruwor ekaiunan kec

Isa. 65:10

Eruwor Saron neni edakasi ŋamesekin ka eruwor akadipaalat ka Acor neni euryaketa ŋisipanin a ŋaatuk, anerae apotu ŋituŋa kaŋ ekewara ayoŋ.

Yer. 23:4

Aseuni ayoŋ ŋikepukak aŋuna kec ŋulu ipukaete ikes, nyeyakaunotor ikes akuryanu nabo, kori nyekadakini, kori mam ikes ipei daŋ ŋini eŋopiyari.”

Yer. 30:10

“Nai ani eruwor iyes, nyikuryaketa iyes ŋiletok a Yakob, iyes ŋiletok a Isirael, nyikikadak, anerae alosi ayoŋ aiun iyes anakwapin a ŋuna alwanak, aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Esek. 39:26

Nyetamunete nabo jik ikes ŋileec kec ka ŋakiro daadaŋ ŋuna apotu ikes kitiya emam akikinyomit ayoŋ apaki ŋina eboiyoto ikes anakwap kec emam awasya ka emam ituŋanan etukuryani ikes.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Yoel 3:21

Ŋaokot ŋun ŋuna apotu ikes tobukosi, nyenyaŋari ayoŋ, esyoni ayoŋ ikes.” Iboikin Ekapolon Sion!

Ŋilep. 26:6

Ayauni ayoŋ ekisil nakwap kus, topero iyes emam akuryanu ka emam ituŋanan ikitukuryani. Alemari ayoŋ ŋityaŋ ŋulu anyamak anakwap kus, ido emam aremo eyakaun nakwap kus.

Mika 4:4

Iboikin ŋinituŋanan lotolim a epiini keŋ ka a ebobore keŋ; mam ituŋanan einakini ikes akuryanu, anerae adau Ekapolon ŋolo Etiron alimun ŋun.

Mika 4:7

Eteyari ayoŋ ŋikaŋwalak ŋulupiya, eturuwori ayoŋ ŋulu aponi yae erae ŋirikon ŋituŋa ŋulu egogoŋ. Ayoŋ Ekapolon epukae ikes alokamukumukut Sion, akisyakin anakoloŋit a ŋin tari ŋikaru ka ŋikaru.

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Sepan. 2:7

Eruwor akwap kus ŋina a ŋipiya a ŋulu a ekabila a Yuda; eruwor neni edakasi ŋibaren kec, eruwor nakais ŋuna ka Asikelon eperete ikes eboŋ. Iuryari Ekapolon Akuj kec ikes; inyakakini ŋituŋa keŋ ŋarereŋisyo kec.

Sepan. 3:5

Nai iyookino Ekapolon ŋolo iboi alotooma keŋ, mam ŋuna aronok ŋuna itiyae. A ŋinataparacu itiyae neni a ituŋanan keŋ ŋuna iyookino, itiyae iŋes ŋun a ŋinakoloŋit, nai mam ŋileec eyenete ŋulu nyiyookino.”

Sakar 8:12

Itaete ikes ŋikinyom kec anakinapakina. Eraete ŋikito ke epiini, itokoni akwap ŋikinyom, ido eyakaun akiru ŋina alalan. Ainakini ayoŋ ŋarereŋisyo ŋun daadaŋ lotuŋa ŋulu ka akwap kaŋ ŋulu apiyanun.

Sakar 8:16

Ŋakiro nu ikes emaikina iyes kitiyata: Itemokino ŋinituŋanan kirwor ŋuna a kire neni a ŋinice ka totubonokisi anakiyookino alo ikiikoe kus.

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

Mat. 13:41

Iyakuuni Lokoku a Ituŋanan ŋimalaikan keŋ, tocunakis ŋituŋa daadaŋ ŋulu iteseceneneete ŋuluce ka ŋikasecak daadaŋ,

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

Ŋikol. 3:9

Nyimodyanakinosi make, ikwapei idauniata alemar ekuwane ŋoloŋorot kaapei ka ŋipitesyo keŋ

1 Pet. 3:14

Nai ani tari kiryamut iyes ŋican aŋuna itiyaata ŋuna iyookino, ikiterereŋitoe iyes nooi! Nyikera idiotuŋanan ka nyiyaloloŋo.

1 Yoa. 5:18

Ikiyeni iwon atemar ituŋanan daadaŋ ŋini erae ikoku ŋini ka Akuj nyesecenene, anerae iyoki Lokoku ka Akuj iŋes, ka nyepedori ŋolo Aronon akiwan iŋes.

Akis. 14:5

Emam nyiirara adiolyokonu aneni kec, emam adioronis aneni kec.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”