Sepan. 3:12 - Ebaibul

¹² Nai emyekini ayoŋ aneni kus, ŋituŋa ŋulu itiditeuna ka ŋulu iyapara, ŋituŋa ŋulu iwarete aiuno aneni kaŋ a Ekapolon.

Sepan. 3:12 Iomraidhean Croise

Esir 9:8

Nai tokona, alotooma apaki ŋina euruwuana, ikiminak iyoŋ isua Ekapolon Akuj kosi, iyoŋ ŋolo ibu ikimyek isua ikirae ŋipiya ka ikiinak isua akiboi ikirae ŋulu ikiuna anakibois kon a ŋina asegan, ikotere ikiinakinia isua akiboi emam ŋace ka akiyar ŋina kitete anakiyar a na a ŋina ikiraakar ŋipi.

Ŋikiru. 37:40

Iŋarakini Ekapolon ka elakununui ŋulu iyookino; elakununui ikes aneni a ŋulu aronok, ido eiununui ikes, anerae erae neni ke Ekapolon eloseneneete ikes aiunor.

Isa. 14:30

Eyakaunotor ŋulu ekulyakaka akilo ŋuluce akimuj ka iboikinosi ŋulu eyakatar akiitanit emam ŋace; nai emyekini ayoŋ totwaka ŋiletok kon aŋuna ka akoro, aari ayoŋ ŋipiya a ŋituŋa kon.

Isa. 14:32

Anukiro eboŋokinio neni a ŋituŋa a ŋulu iyakuunitae alo Pilistia? Eboŋokinio ikes atemar etogogoŋ Ekapolon Sion ka eryamunete ŋituŋa ŋulu eyakatar akiitanit neni eiunotor.

Isa. 29:19

Eryamunete ŋulu iyapara alelyanu ŋina kitete aneni ke Ekapolon ka itopoloorete ŋulu eyakatar akiitanit alotuŋa a Ekapolon Akuj ŋina a Isirael ŋina asegan;

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Isa. 6:13

Tari kidoŋ ituŋanan ipei alotooma ŋitomon nakwap earyo ŋini daŋ ikwaanikin iŋes ka apuŋure a ekwaakwaa, kori ŋina a ekuyon ŋina idoŋi kedaun ayepar ekitoe.” Apuŋure ŋin erae akisyakinet ŋina kitete ŋina a ŋituŋa a ŋulu ka Akuj.

Yer. 17:7

“Erereŋ ŋituŋa ŋulu ikinyomito Ekapolon, ŋulu eyai akikinyomit kec neni ke Ekapolon.

Yer. 50:20

Alimu Ekapolon atemar alorwa a ŋul ka anapaki a ŋin, iwaryo asecit aneni a Ŋisirael, ido nyeryamunio, iwaryo asecit alotuŋa a Yudaya, ido nyeryamunio, anerae isyoni iyoŋ ŋipiya a ŋituŋa a ŋulu abu ayoŋ emyek nyeara.

Esek. 6:8

“‘Nai apiyanuni ayoŋ ŋituŋa kus ŋidi. Ebucarosi ŋidi kus anatwanare a ŋina ikiaryata ŋakwapin iyes, ido ielaryo ŋul nakwapin.

Mika 5:6

Isitiyaete ikes ŋiboro ŋulujiet areunia akwap ŋina ka Asiriya ka akwap ŋina a Nimirod, ido ikiiunete ikes iwon erae kepotu ŋituŋa ka Asiriya nakwap yok, kori kepotu lokukworin ŋulu ka akwap yok.

Naum 1:7

Ejok Ekapolon, eiununui iŋes ŋituŋa keŋ apaki ŋina eyakatar locan, eiununui iŋes ŋituŋa ŋulu eemete neni keŋ,

Sakar 11:11

Aŋun, aponi kikisarae acamunet akoloŋit ŋin. Eteete ŋimucurus a ŋamesekin etiyae ayoŋ ŋun, ido apotu toyenut atemar erworo Ekapolon alotooma ŋuna etiyae ayoŋ.

Sakar 11:7

Aŋun, apotu ŋimucurus a ŋamesekin a ŋuna erae toŋolae okolimokis ayoŋ acok ŋamesekin kec, ido abu ayoŋ oruwor ekeyokon a ŋamesekin a ŋun. Abu ayoŋ olemu ŋibelae ŋiarei, onyara ekiro ke epei ebe, “Ajokis” ka ŋoloce ebe, “Akimorikina,” Abu ayoŋ eyok ŋamesekin ŋun.

Mat. 11:5

Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Mat. 12:21

Iwuakinete ŋakwapin daadaŋ akigeno kec neni keŋ.”

Mat. 5:3

“Erereŋ ŋulu eyenete atemar ekulyakaka ŋitai kec alokiŋaren Akuj; erae ajakaanut ŋina anakuj ŋina kec.

Ŋirom. 15:12

Ebala nabo Isaya ekadwaran ebe, “Ebuni eletonit ŋolo a Yese, itopolooryo iŋes kipuka ŋituŋa ŋulu nyerae Ŋiyudayan ka iwuakinete ikes akigeno kec neni keŋ.”

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.