Sepan. 2:8 - Ebaibul

⁸ “Adau ayoŋ akiirar ŋiyany a ŋituŋa a Moab ka ŋilam a Ŋiamoni, ŋulu alomakiniata akilam ŋituŋa kaŋ, ido itubulito ŋituŋa kaŋ anakwap kec.

Sepan. 2:8 Iomraidhean Croise

Akisy. 19:37

Abu apese ŋina apolon kidou ikoku ŋinisapat tolimok ekiro keŋ Moab, iŋes papaa a Ŋimoabi tari tokona.

Akisy. 19:38

Abu apese ŋina cici daŋ kidou ikoku ŋinisapat tolimok ekiro keŋ Benami; iŋes papaa a Ŋiamoni tari tokona.

Isa. 15:1

Erae nu ŋakiro ŋuna etoroniyarete Moab: Aŋuna eturuworere Ar ereŋorot alotooma akuwar apei, eteryamun akwap a Moab ŋican, aŋuna eturuworere Kir ereŋorot alotooma akuwar apei, eteryamun akwap a Moab ŋican.

Isa. 16:6

Temasi ŋituŋa a Yudaya neni a ŋituŋa a Moab, “Aponi isua kiirarae epite ŋolo iturotor ŋituŋa a Moab, isupasi ikes nooi, iturosi ka eŋoito, nai erae akituro kec koŋin.”

Yer. 12:14

Irworo Ekapolon aŋuna a ŋikidunyet a Ŋisirael aŋuna amunaaryata ikes akwap ŋina abu iŋes inak Ŋisirael toruwor ŋina kec ebe, “Eapi ayoŋ alemar ikes anakwap kec ka alemari ayoŋ ŋituŋa a Yudaya alokidiŋ kec.

Yer. 48:1

Kirwor Ekapolon ŋolo a ŋajoresyo, Akuj a Ŋisirael ŋakiro nu aŋuna a Moab tema, “Ekaŋ iyoŋ Nebo, ikituruwor iyoŋ ereŋorot, esirumi Kiriasaim ŋileec, ekamar iŋes; esirumi aduketait keŋ ŋinajiet ŋileec, aritakin kwap;

Yer. 49:1

Alimu Ekapolon ŋakiro nu aŋuna a Ŋiamoni: “Emamukatar mono Ŋisirael ŋidwe ŋulusapa a? Emamukatar mono ikes ekeruman a? Kaanukiro nai emyekiniata ikes ŋikelipak neni a Milikom ikamarete akwap a ŋituŋa a Gad? Kaanukiro eboikinotor ŋituŋa ŋulu ilipete Milikom lotaunio a ŋituŋa a Gad?

Aum. 3:61

“Okoe Ekapolon, iira iyoŋ ikes ekeyanyete ayoŋ, iyeni iyoŋ daadaŋ ŋuna eyeete ikes akitiya ekemanito ayoŋ.

Esek. 21:28

“Iyoŋ lokoku a ituŋanan, todwar ebe, ‘Alimu Ekapolon Akuj ŋakiro nu aŋuna a Ŋiamoni ka Ŋiyany kec, Ekileŋ! Ekileŋ! Etemokin ekileŋ aŋuna ka aarya, apwasi aŋuna ka amunyarya ka ipareo ikwa akimilyaunet.

Esek. 25:1

Abu Ekapolon kirwor neni kaŋ tema,

Esek. 35:12

Iyenunete iyes atemar adau ayoŋ Ekapolon akiirar ŋakiro daadaŋ ŋuna iyanyata iyes imanito ŋikamukumukui a Isirael irworosi ibasi, ‘Aruwor ikes ŋulu asilok, ikiinakin iwon amunyar ŋituŋa kec atipei.’

Esek. 36:2

Alimu Ekapolon Akuj atemar aŋuna aponiata ŋimoe a Isirael temasi, ‘Ee ro ca! Aruwor tokona ŋikamukumukui ŋulu aoyak ŋuluŋorok ŋulu yok.’

Amos 1:13

Alimu Ekapolon ŋakiro nu ebe, “Aŋuna arubakiniata Ŋiamoni itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes apaki ŋina enyasyata akwap kec topunonosi ŋakookyes a ŋaberu a ŋuna apotiyete alo Gilead, aŋuna ka akiyatakin akwap kec.

Amos 2:1

Alimu Ekapolon ŋakiro nu ebe, “Aŋuna arubakiniata ŋituŋa a Moab itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kicunya ŋakoyo a erwosit ke Edom toruwor ekuron.

Sepan. 2:10

“Epite ŋol iŋes isicanere ŋituŋa a Moab ka ŋulu ka Amon aŋuna ka akituro kec ta ajamuwarit ŋituŋa ke Ekapolon a ŋolo Etiron.

Yos. 5:9

Tolimok Ekapolon Yosua tema, “Adau ayoŋ akoloŋit na alemar aneni kus ŋileec ŋulu sek iraakatar ŋipi alo Ijipit.” Erae ŋakiro ŋuna ka alemar ŋileec iŋes enyaritere nen Giligal tari tokona.