Sepan. 2:7 - Ebaibul

⁷ Eruwor akwap kus ŋina a ŋipiya a ŋulu a ekabila a Yuda; eruwor neni edakasi ŋibaren kec, eruwor nakais ŋuna ka Asikelon eperete ikes eboŋ. Iuryari Ekapolon Akuj kec ikes; inyakakini ŋituŋa keŋ ŋarereŋisyo kec.

Sepan. 2:7 Iomraidhean Croise

Akisy. 50:24

Tema nai Yosepu neni a ŋikaitotoi keŋ, “Aapuu ayoŋ atwanare; nai kire ebuni Akuj neni kus akiŋarakin iyes, ikiyai iŋes iyes kitipeiyosi anakwap a na, toloto nakwap ŋina abu iŋes kikoŋ ainakin neni ka Aburaam, Isaka ka Yakob.”

Ŋikiru. 80:14

Toboŋu neni kosi, okoe Akuj ŋina a ŋajoresyo; kiŋoliu kwap anakuj ikiŋolik isua; bua toiu ŋituŋa kon.

Ŋikiru. 85:1

Okoe Ekapolon, isyonit sek iyoŋ akwap kon, inyakak iyoŋ ajokis neni a Ŋisirael.

Awos. 4:31

Tonupa ŋituŋa ŋakiro ŋun; ani iirarete ikes atemar adau Ekapolon akiirar akigworo a Ŋisirael ka eŋolik ŋican ŋulu eryamunito ikes, apotu Ŋisirael toryediko kijuuroto kilipa.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 11:14

Nai iuwuarosi ikes kwap lowae ŋolo alo To toremo Ŋipilistin, eŋatarete ikes kaapei ŋiboro a ŋituŋa a ŋulu alo Kide. Eremete ikes ka kilout ŋituŋa a Edom ka Moab, iwuapete ŋituŋa ka Amon ŋakiro kec

Isa. 11:16

Aŋun eyakaun erot ŋolo apolon ŋolo ebunit alo Asiriya aŋuna a ŋipiya a ŋituŋa keŋ, lopite ŋolo abunio erot toyakaun aŋuna a Ŋisirael apaki ŋina aponiata ikes anakwap a Ijipit.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 32:14

Imyekinete ŋituŋa akiboi anakais a ŋuna ka apukan, eesikinio etaun ŋolo sek ileleba ŋituŋa; eruworosi ekamukumukut ka aduketait ŋina kirereet akwap ŋaduyon ŋuna a ŋikaru ka ŋikaru, eruwor neni elelyaniata ŋisigirya, eruwor neni edakasi ŋamesekin,

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 29:10

Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Yer. 29:14

ekemyekini ayoŋ iyes ikiryamut ayoŋ, ido ekenyakakini ayoŋ iyes ŋarereŋisyo daadaŋ ka akacununi ayoŋ iyes anakwapin a daadaŋ ka anakiboisyo a daadaŋ a ŋuna abu ayoŋ ekerita iyes, ekenyakuni ayoŋ iyes nakibois ŋina ekeyakiyarya ayoŋ iyes nakwapin aruwor ŋirikon.”

Yer. 3:18

Alorwa a ŋul, imorikinosi ŋituŋa a Isirael ka ŋituŋa a Yudaya, epote ikes kaapei anakwap a ŋina alo Kuju a ŋina arikoritae ikes, epote nai ikes nakwap ŋina abu ayoŋ oinak atapapaa kec toruwor ŋina kec.

Yer. 30:3

anerae eponito kire jik ŋirwa ŋulu enyakakinia ayoŋ ŋarereŋisyo neni a ŋituŋa kaŋ ŋulu a Isirael ka Yudaya, ido aŋauni ayoŋ ikes nakwap ŋina abu ayoŋ oinak atapapaa kec ka ituruworete ikes akwap ŋin ŋina kec.’ ”

Yer. 31:7

anerae alimu Ekapolon atemar, toeikisi icelasi ka alakara aŋuna a ŋituŋa a Yakob, tocelutu aŋuna ka akwap a ŋina epol akilo ŋakwapin daadaŋ, kiserautu, inakisi akipuro, temasi ‘Okoe Ekapolon, toiu ŋituŋa kon, ŋipiya a Ŋisirael.’

Yer. 32:44

Egyelyo ŋimanikorin a ŋisiliŋa, iwuakinete ŋituŋa ŋakan kec nabaruwae ŋuna ka acamunet a ŋina egyelere ŋimanikorin ŋul, ido togolokinoe ŋabaruwae ka emaikina toyakas ŋisuudae, itiyakin nu anakwap a Benjamin, anakiboisyo a ŋuna idunyito Yerusalem, lotaunio a Yudaya, anakwap a ŋina a ŋikamukumukui, alo Sepela, alo Negeb, anerae enyakuni ayoŋ ŋituŋa nakwap kec. Adau ayoŋ Ekapolon alimun ŋun.”

Yer. 33:12

“Alimu Ekapolon ŋolo a ŋajoresyo atemar, eyakaun nakibois na ŋina tokona erae ereŋorot, ŋina emam ŋituŋa ka ŋityaŋ eyakasi ka lotaunio keŋ daadaŋ neni iyokiyoto ŋikeyokok ŋamesekin kec.

Yer. 33:7

Enyakuni ayoŋ ŋituŋa a Yudaya ka ŋituŋa a Isirael aneni aponi torikoroe, etogogoŋ ikes lopite ŋolo ayakatar ekiŋaren.

Yer. 47:5

Abanyete ŋituŋa a Gasa ŋakyes aŋuna ka atwanare, ililiŋi Asikelon cek. Okoe ŋipiya a ŋituŋa a Pilistia! Tari ori igworosi iyes?

Esek. 39:25

“Aŋun, alimu Ekapolon Akuj atemar, enyakuni tokona ayoŋ ŋapiya a Yakob anakwapin a ŋuna aponi torikoroe, esyoni ayoŋ Ŋisirael daadaŋ ka euryari ayoŋ ekiro kaŋ ŋolo asegan nyituruwor ekoŋinait.

Osea 6:11

Ani eruwor iyes ŋituŋa a Yudaya, etemok ayoŋ apaki ŋinakisicanet iyes daŋ aŋuna ka aronis a ŋina itiyaete iyes. Apaki daadaŋ ŋina enyakakinia ayoŋ ŋuna ajokak neni a ŋituŋa kaŋ,

Obad. 1:19

“Eruwor ŋimukura ŋulu ke Esau, ŋulu a ŋituŋa a ŋulu eya Negeb. Eruwor akwap a Ŋipilistin ŋina a ŋituŋa a Sepela, eruwor akwap ke Epuraim ka Samaria ŋina a Ŋisirael, eruwor Gilead akwap a Benjamin.

Mika 2:12

“Okoe iyes ŋituŋa a Yakob, kire jik, akacunakini ayoŋ iyes daadaŋ iwapei, acunakini ayoŋ ŋipiya a Ŋisirael; acunakini ayoŋ ikes kaapei ikwa iudere ŋamesekin nanok, acununi ayoŋ ikes ikwa ecunere esipan a ŋamesekin anadakar; ilelebun ŋituŋa nakibois kus nooi.

Mika 4:10

Kibelibelo aŋuna ka aryeba, iyes ŋituŋa a Yerusalem, lopite ŋolo ibelibelor aŋuna ka aryeba a aberu ŋina eapi akidoun, anerae emaikina tokona iyes kimyekis etaun toloto tolomiyasi nariet. Ilosete iyes Babilon; nen iŋes ikiiunia iyes Ekapolon alomoe kus, nen iŋes ikilakunia iyes Ekapolon kus alomoe.

Mika 4:7

Eteyari ayoŋ ŋikaŋwalak ŋulupiya, eturuwori ayoŋ ŋulu aponi yae erae ŋirikon ŋituŋa ŋulu egogoŋ. Ayoŋ Ekapolon epukae ikes alokamukumukut Sion, akisyakin anakoloŋit a ŋin tari ŋikaru ka ŋikaru.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Sepan. 3:13

Mam aronis itiyaete iyes ŋipiya a Ŋisirael, nyirworete ikes alyokonu, kori nyelimunete ikes ŋakiro ŋuna nyiyookino, imujete ikes ido topero. Mam ituŋanan itubuli ikes.”

Sepan. 3:20

Apaki ŋin, akayauni ayoŋ iyes lore, akacunakini ayoŋ iyes kaapei; eketuruwori ayoŋ iyes ŋulu ikiyenio ka ikipuroi alotuŋa a daadaŋ a ŋulu ka akwap; ekenyakakinia ayoŋ iyes ŋarereŋisyo kus iteete iyes.” Ayoŋ Ekapolon alimu ŋun.

Agai 1:12

Abu nai Serubabel lokoku a Sealtiel ka Yosua esacaradoti ŋolo Apolon nooi, lokoku a Yeosadak kaapei ka ŋituŋa daadaŋ ŋulu kideuna erikoryo ŋuluce nakwapin a ŋimoe kec, tocamut ŋakiro ŋuna erworo Ekapolon Akuj kec ka ŋuna erworo ekadwaran Agai; ikwapei arisyo Ekapolon Akuj kec kiyaku iŋes. Tokuryaketa ŋituŋa aŋuna ke Ekapolon.

Agai 2:2

“Kirwor tokona neni a ekepukan a Yudaya a ŋolo enyaritae Serubabel lokoku a Sealtiel ka neni a esacaradoti a ŋolo Apolon nooi a ŋolo enyaritae Yosua lokoku a Yeosadak ta neni a ŋituŋa a ŋulu kepotu kideun erikoryo ŋuluce nakwapin a ŋimoe kec, kiŋit ikes nu;

Luk. 1:68

“Kipuroe Ekapolon Akuj a Isirael, anerae abu iŋes lotuŋa keŋ alacakin ikes.

Luk. 7:16

Totaaŋaŋa ŋituŋa daadaŋ kitopoloosi Akuj temasi alokabule kec, “Kedolu ekadwaran ŋolo apolon kidiŋ yok. Abu Akuj aiun ŋituŋa keŋ!”

Ŋitic. 8:26

Apeikoloŋit, tolimok emalaika ŋolo ke Ekapolon Pilipo tema, “Tonyou tolot nakan ŋina alo Kwap, lorot ŋolo etiyaar alo Yerusalem, ŋolo itori naloŋisat tari Gasa.”

Ŋitic. 8:40

Totakanu nai Pilipo aneni enyaritae Asotus, elimonokini Ŋakiro ŋuna Ajokak lotaunio daadaŋ tari neni adolyo Kaisaria.

Ŋirom. 11:5

Ikote tokona daŋ nenipei: eyakasi ŋituŋa ŋidikudyo ŋulu adau Akuj aseun aŋuna ka ajokis keŋ.

Rus. 1:6

Tonyout Naomi kaapei ka ŋaterak keŋ toboŋosi alo Moab, anerae kebu iŋes kiira ebe adau Akuj atamun ŋituŋa keŋ Ŋisirael, ainakin akimuj.