Sepan. 2:5 - Ebaibul

⁵ “Okoe iyes ŋituŋa ŋulu iboiyete alodiyete anam, iyoŋ akwap ŋina a Ŋikerisi! Ikiremokino iyes akirot ke Ekapolon. Okoe iyes Ŋikanaani, akwap ŋina a Ŋipilistin; akamunyari ayoŋ iyes todaun ŋini idoŋi.

Sepan. 2:5 Iomraidhean Croise

Isa. 14:29

Nyilelyana iyes Ŋipilistin daadaŋ, anerae alemar ituŋanan ŋini sek ikisicanit iyes. Nyemaikina iyes ilelyanete aŋuna atwania ŋolo aronon ikwa emun ŋol, anerae analyasit a ŋolo aronon a ŋol, ebuni ece ŋolo aronon ikwa akipom, eletonit ŋolo ikwaan ka emun ŋolo adedeŋan ŋolo epori.

Isa. 14:30

Eyakaunotor ŋulu ekulyakaka akilo ŋuluce akimuj ka iboikinosi ŋulu eyakatar akiitanit emam ŋace; nai emyekini ayoŋ totwaka ŋiletok kon aŋuna ka akoro, aari ayoŋ ŋipiya a ŋituŋa kon.

Yer. 47:7

Epedori mono iŋes akililiŋ ikwaani, torae bo Ekapolon alimoki iŋes akitiya ŋun? Ainakin iŋes akirem Asikelon ka ŋituŋa ŋulu iboiyete alodiyete anam.”

Esek. 25:16

alimu tokona Ekapolon Akuj atemar esicani ayoŋ Ŋipilistin emanit, aari ayoŋ Ŋikeresi ka amunyari ŋituŋa daadaŋ ŋulu elomito diyete Anam Mediteranian.

Amos 3:1

Tema Amos, “Kiirasi ŋakiro nu ŋuna irworo Ekapolon neni kus ikitoroniyarit iyes ŋituŋa a Isirael, iyes ŋituŋa daadaŋ ŋulu abu Ekapolon ikiyau anakwap a ŋina a Ijipit.

Amos 5:1

Tema Amos, “Okoe Ŋisirael, kiirasi ŋakiro nu ŋuna egworor ayoŋ aŋuna kus,

Sepan. 1:11

Kiwololoto iyes ŋituŋa daadaŋ ŋulu iboiyete anakibois a ŋinadipal alotaun, a ŋina egelanerere ŋiboro, anerae amunyar ŋimucurus daadaŋ, adaun tari ŋulu sek ipimete esilipa.

Sepan. 3:6

Ebala Ekapolon Akuj ebe, “Amunya ayoŋ ŋituŋa a ŋakwapin a ŋunagelae, eelielaa ayoŋ ŋakiboisyo ŋuna ejioto ikes, eturuwo ayoŋ ŋirotin kec ŋikoŋinae, ikotere edaun ituŋanan itori nen; adaun ŋitaunio kec akituruwor ŋireŋoroto, ŋulu emam ŋituŋa eyakasi, mam tari ipei daŋ.

Sakar 1:6

Ani bo ŋakiro kaŋ ka ŋikisila kaŋ, ŋulu abu ayoŋ olimok ŋikadwarak kaŋ, ŋulu arae ŋiketiyak kaŋ, pa mono apotu ŋun kiduposi atapapaa kus toryamut ŋican aŋun a? Aŋun, apotu ikes tokiwa temasi, ‘Adau Ekapolon ŋolo Etiron akitiya neni yok ŋuna emaikina iwon oryamutu aŋuna ka aronis yok ka aŋuna a ŋiticisyo yok a ŋulu aronok. Etiya iŋes ŋun lopite ŋolo sek ayeunitor akitiyakin.’ ”

Mar. 12:12

Kiwara ŋikapolok a Ŋiyudayan akikamun Yesu, anerae apotu ikes toyenut atemar arae ikes erworor Yesu anakitadapet keŋ, nai tokera ŋikapolok a Ŋiyudayan asepic, kimyekis Yesu tolot.

Yos. 13:2

Ŋakwapin ŋuna eriŋa nyikamara ikes nu: Akwap daadaŋ ŋina a Ŋipilistin ka akwap daadaŋ ŋina a Ŋigesuri.

Yos. 13:3

Ameun aneni enyaritae Sikor alo Kide Ijipit akitodol lokukoru a Ekiron alo Kuju, imaritae nen daadaŋ erae akwap a Kanaan. Eraakasi ŋirwosi a Ŋipilistin ŋikan; epei ŋolo a Gasa, epei ŋolo ka Acidod, epei ŋolo ka Acikelon, epei ŋolo a Gas ka epei ŋolo a Ekiron ta ŋulu ka Apim.

Ŋikat. 3:3

Ŋakwapin ŋun ikes nu: Ŋakwapin ŋakan ŋuna a ŋikapolok a ŋikan a ŋulu a Ŋipilistin ka ŋakwapin a Ŋikanaani, a Ŋisidoniani ka Ŋiipi, eboiyete ŋituŋa ŋul alomoru a ŋulu a Lebanon, ameun alomoru Baal-Erimon akitodol Lebo-Amas.

1 Sam. 30:14

Aŋaaritae isua ajore Kwap Yudaya nakwap a Ŋikeresi a ŋulu eyakasi Kwap Yudaya ka toremoi daŋ akwap ŋin, aponi isua toremoi etaun Sikilag, kicunyae.”