Sepan. 2:2 - Ebaibul

² tocununos eriŋa iyes nyiritara nariet ikwa ŋikabinin ŋulu ekutarit ekuwuam, eriŋa nyedoluno neni kus anyunyura ŋina aronon ŋina ke Ekapolon. eriŋa nyedoluno neni kus akoloŋit ŋina ka anyunyura ke Ekapolon.

Sepan. 2:2 Iomraidhean Croise

Yob 21:18

Ŋarwa ŋayai eryamunitotor ikes ŋican lopite ielielya ekuwuam ŋanya? Kori lopite ŋolo ekutarya ekuwuam ŋolo ekusi nooi ŋamilo?

Ŋikiru. 1:4

Nyikote ŋulu aronok nen, nai ikote ikes ŋamilo ŋuna ekutanari ekuwuam nariet.

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Ŋikiru. 50:22

“Totamatamata ŋakiro ŋun, iyes idaut ajamuwar ayoŋ, ani kemam, akamunyari ayoŋ iyes, emam ituŋanan ikiuni.

Isa. 17:13

Irurumaete ŋituŋa a ŋakwapin lopite ŋolo irurumaata ŋakipi ŋuna alalak, nai ikilakini Ekapolon ŋituŋa ŋul, ido toema neni alwanan nooi, iritaryo ikes lopite ŋolo ekutarya ekuwuam ŋamilo alokidiama ŋimoru ka lopite ŋolo ipiripirya apuwa alokuwuam.

Yer. 23:20

Nyimyekini Ekapolon anaŋoit keŋ akisican, akitodol ŋina isiyookinio ka itiyakinia ŋakiro ŋuna eya natameta keŋ. Alorwa a ŋulu esidyok, iyenunete iyes ŋakiro ŋun ejok.

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Esek. 12:25

Nai ayoŋ Ekapolon alimuni ŋuna alimuni, ido isiyookinio. Emam nabo nyitididiyo ŋun; nai alorwa kus iyes ŋituŋa a Isirael ŋulu ikiŋero ayoŋ, alimuni ayoŋ akirot ka esiyookini.’ ”

Osea 13:3

Aŋun, ikwaanikinosi ikes ka ekuno ŋolo ka ataparacu, kori ŋakopi ŋuna eŋopiyarete atipei eriŋa ataparacu, ikwaanikinosi ikes ka ŋamilo ŋuna ekutari ekuwuam analos, kori apuru ŋina ipwororit alodirisa.

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”

Mat. 24:35

Edaunosi nakuj ka akwap, nai nyedaunosi ŋakaakiro jik.