Sepan. 2:14 - Ebaibul

¹⁴ Eruwor nen neni euryaniata ŋaatuk, eruwor nen akibois a ŋityaŋ a ŋulu ka ariet; akibois ŋina iboiyoto ŋitulae ka ŋikurukwa a nakyes a ŋipirin keŋ; eruwor lodirisae keŋ erwotor ŋitulae, eruwor nalosin keŋ erwotor ŋikurukwa; anerae ielaryo ŋakito ŋuna a Cedar ŋuna sek eya kidiama ŋakais keŋ.

Sepan. 2:14 Iomraidhean Croise

Ŋikiru. 102:6

Ikikwaanikin ayoŋ ke etula ŋolo ka aloŋisat, ikikwaanikin ka itula ŋini eyai loreŋoroto.

Isa. 14:23

Eturuwori ayoŋ Babilon neni iboiyoto ŋapupui neni eya ŋataparin, apyaari ayoŋ Babilon omunya ibore daadaŋ a nen.”

Yer. 22:14

Ekaŋ iyoŋ ituŋanan ŋini ibala, ‘Adukokini ayoŋ aŋuna kaŋ akai ŋina aloloman, ŋina eya ŋagulei ŋuna apolok kidiama,’ iwuanakini iyoŋ ŋidirisae kai ŋin, topetanak ŋakito ŋuna a Cedar nen ka kiwosak eraŋgi ŋolo areŋan nen.

Amos 9:1

Tema Amos, “Abu ayoŋ eŋolik Ekapolon ewoi alodiyete Namuroet.” Okolimok iŋes ayoŋ tema, “Toram nooi ŋakyes a ŋipirin a ŋulu a Akai a ŋina ka Akuj, ikotere tomaranikis ŋalapatui ŋuna a Akai a ŋina ka Akuj; ido ŋulu ebucarosi, aari ayoŋ ke ekileŋ, mam ikes ipei daŋ ŋini eemi, mam ikes ipei daŋ ŋini ebucar.

Sepan. 2:6

Okoe iyes Ŋikerisi ŋulu iboiyete alodiyete anam, eruwor akwap kus ŋina a ŋikeyokok, ŋina ilelebun ŋauyoi a ŋamesekin.

Akis. 18:2

Abu kiworou a etoil a ŋolo apolon tema, “Aukor iŋes! Aukor Babilon ŋolo apolon nooi! Aruwor ere ŋolo a ŋipyan ka ŋauyenito; iboiyete tokona ŋikyeny ŋulu asiilyanak ka ŋulu aronok aneni keŋ.