Sepan. 1:5 - Ebaibul

⁵ Amunyari ayoŋ ŋulu edokanerete nakais akilip neni a akoloŋ, a elap ta neni a ŋikacer; amunyari ayoŋ ŋulu eryedikete kikoŋo ekiro ke Ekapolon, nai kikoŋete daŋ ekiro ka akuj a ŋina enyaritae Milikom;

Sepan. 1:5 Iomraidhean Croise

1 Ŋirw. 11:33

Etiyae ayoŋ ŋun, anerae ekemyek ayoŋ, ido ilipi neni ka Asitores a akuj a ŋisidonianineni a Cemes a akuj a Ŋimoabi ka neni a Milikom a akuj a Ŋiamoni. Awou iŋes akiwuap ŋuna abala ayoŋ, nyitiya daŋ ŋuna iyookino alokiŋaren kaŋ, nyiwuapa daŋ ŋikisila kaŋ ka ŋuna atubunit ayoŋ kitiya iŋes lopite ŋolo etiyator Daudi ŋolo arae papa a Solomon.

1 Ŋirw. 11:5

Arae ŋun aŋuna abunio Solomon kiwuapya Asitores akuj ŋina a ŋisidoniani ka Milikom akuj ŋina a Ŋiamoni.

1 Ŋirw. 18:21

Abu nai Eliya toapu lotuŋa tema, “Apaki ŋina etya ai iyaete iyes pa iyenete ŋuna kiwuapa anakiro a nu a ŋaarei? Ani kerae Ekapolon Akuj, kiwuapa iŋes ani robo kerae Baal akuj kiwuapa iŋes.” Mam akirot apotu ŋituŋa toboŋokis Eliya.

2 Ŋirw. 17:32

Tari ŋina elipeneneata ikes neni ke Ekapolon Akuj, ayakasi ŋituŋa ŋulu aseunito ikes alokidiŋ kec, aruwor ŋisacaradotin ŋulu amuroete aŋuna kec anakiboisyo a ŋuna aya nenimukur, neni elipeneneata ŋakujo.

2 Ŋirw. 17:33

Iŋes atemar elipeneneete ikes neni ke Ekapolon nai elipineneete daŋ neni a ŋakujo kec iwuapito ŋitalyo ŋulu a ŋakwapin a ŋuna ayaunere ikes.

2 Ŋirw. 17:41

Kire elipete ŋituŋa a ŋakwapin a ŋun neni ke Ekapolon, nai elipeneneete daŋ neni a ŋitorubei a ŋulu ecyeununeete ikes. Tari tokona eriŋa ŋidwe kec ka ŋidwe a ŋikecedwe erubakinito iwuapito ŋipitesyo atapapaa kec.

2 Ŋirw. 23:12

Ani ŋamuroeta ŋuna aya nagule ŋina alokidiama akai ka Aas, Ŋamuroeta ŋuna adukete ŋirwosi a Yudaya ka ŋuna aduki Manase nalapatui ŋunaarei ŋuna ka Akai ka Akuj, abu Yosia toukono, tobwaŋabwaŋa, tosodi tobukono ŋakielet nayonae Kidiron.

Isa. 22:1

Ŋakiro ŋuna adwaritae aŋuna ka akadipaalat a ŋina ka akisileerekinet. Anukiro ikisicanito iyes idokaryata iyes kidiama ŋakais? Kaanukiro idokaryata iyes daadaŋ kidiama ŋakais?

Isa. 44:5

Elimuni ituŋanan ipei ebe, ‘Arae ayoŋ ŋini a Ekapolon;’ enyarao ice a ekiro a Yakob, ido igiri ice nakan keŋ ebe, ‘Arae ayoŋ ŋini a Ekapolon,’ kituruwo ekiro a Isirael ŋolo keŋ.”

Isa. 45:23

Ayoŋ Akuj adau akikoŋ, adau ayoŋ alimun ŋakiro anakiyookino, ŋakiro ŋuna nyepedoryo akinyakar ŋakiro ŋun ikes nu, “Eryediki ŋinituŋanan alokiŋaren kaŋ, elimori ŋinituŋanan atemar arae ayoŋ Akuj.”

Isa. 48:1

“Kiirasi ŋakiro nu okoe ŋiletok a Yakob ŋulu ikinyaritae a ekiro a Isirael ka ŋulu irae ŋulu anateker a Yuda, iyes ŋulu ikoŋete a ekiro ke Ekapolon ka ŋulu ilipete inyarito Akuj a Isirael, nai pa irworosi ŋuna a kire kori pa iyookino;

Yer. 12:16

Ekaku, ani keyenut ŋikidunyet a Ŋisirael ka alelakinit ayenun ŋuna iwuapito ŋituŋa kaŋ, ido kikoŋo alokiro kaŋ ebasi, ‘Ikwapei eyarya Ekapolon,’ lopite ŋolo etatamitotor ikes ŋituŋa kaŋ akikoŋ alokiro a Baal, ŋun nai epedoryata ikes akiboi kaapei ka ŋituŋa kaŋ.

Yer. 19:13

Itoroniyaryo ŋakais a Yerusalem ka ŋakais a ŋirwosi a Yudaya, lopite ŋolo etoroniyarere Topes, itoroniyaryo ŋakais daadaŋ ŋuna aponi inakinae ŋainakineta alokidiama kec neni a ŋiboorei a ŋulu alokidiama ka neni ainanakinere ŋainakineta ŋuna a ŋimaten neni a ŋakujo a ŋace.’ ”

Yer. 32:29

Epote Ŋibabiloniyae ŋulu itijiete ŋituŋa a etaun a lo, inokakinete akim kicunyakis etaun, icunyarete ikes ŋakais ŋuna ainanakinere alokidiama kec ŋainanakineta neni a Baal ka ainanakinere ŋainakineta a ŋimaten neni a ŋakujo a ŋunace, ŋakiro ŋuna apotu eketoŋoa ayoŋ.

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Yer. 49:1

Alimu Ekapolon ŋakiro nu aŋuna a Ŋiamoni: “Emamukatar mono Ŋisirael ŋidwe ŋulusapa a? Emamukatar mono ikes ekeruman a? Kaanukiro nai emyekiniata ikes ŋikelipak neni a Milikom ikamarete akwap a ŋituŋa a Gad? Kaanukiro eboikinotor ŋituŋa ŋulu ilipete Milikom lotaunio a ŋituŋa a Gad?

Yer. 5:2

Tari kirworosi ikes ebe, “Ikwapei eyarya Ekapolon,” nai ikoŋete ikes alyokonu.

Yer. 5:7

Alipite nai ekesyonio ayoŋ iyoŋ? Akaŋero ŋituŋa kon ayoŋ, ido ikoŋete elimito ŋulu nyerae Akuj. Ani etani ayoŋ ikes kimwoko, aloto ikes akilip neni a ŋakujo, eloseneneete ka atoonyi nakais a ŋakujo.

Yer. 7:10

ido ipotu akiwo alokiŋaren kaŋ alo Kai a na a ŋina enyaritere a ekiro kaŋ, ido ibasi, ‘Mam isua ŋace,’ nai torubakinito itiyaete ŋakiro ŋun daadaŋ ŋuna ka asiilyo a?

Yer. 7:9

Irubakinete mono iyes ikokoyete, ilomete, ikoŋete alyokonu, iyaanarete ŋainakineta neni a Baal ka iwuapito ŋakiro a ŋakujo a ŋuna sek pa iyenete iyes,

Yer. 8:2

ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Osea 10:2

Aŋun, ileleba alyokonu lotai kec, aŋun emaikina tokona ikes kidaŋidaŋa ekaile ŋolo ka asecit kec. Ebwaŋabwaŋaari Ekapolon ŋamuroeta kec tomunaa ŋipirin kec.

Osea 4:15

“Okoe Ŋisirael, tari pa kimalaaniarito iyes aneni kaŋ, nyiinakis ŋituŋa a Yudaya ekaile ŋolo ka asecit. Nyilomasi Gilgal, kori nyitipeiyosi Bes-Apen ka nyikoŋo ibasi, ‘Ikwapei eyarya Ekapolon.’

Amos 5:26

Mam! Nai tokona, iwokete iyes Sukus ŋolo ituruwosi iyes erwosit kus ka Kaiwan ekacerit ŋolo ituruwosi iyes akuj kus ka iwokete iyes ŋitorubei ŋulu ipotu iyes kiceut erae ŋakujo kus,

Mat. 6:24

“Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.

Ŋitic. 10:9

Akoloŋit ŋina atupakini eriŋa ikes eya lorot toapiyarete Yoppa, tolot Petero akilip nagule ŋina alokidiama. Aapikinit ŋisaae ŋikanikapei ŋulu ka apaaran.

Ŋirom. 14:11

Anerae ebasi Ŋakigireta ebe, “Ebala Ekapolon, ikwaŋina eraakar kire atemar ayari ayoŋ, ikoni nenipei atemar eryediki ŋinituŋanan alokiŋaren kaŋ, ka elimori ŋinituŋanan atemar ayoŋ arae Akuj.”

Ŋikis. 10:20

Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.

Ŋikis. 4:19

Tosodi ani ireorete iyes kidiama kiŋolikis akoloŋ, elap ka ŋikacer ka ŋiboorei daadaŋ ŋulu eyakasi kidiama, tocoito ioliyorete ikisyakis akilip neni kec ka kitiyanakis ikes, erae ŋul ŋiboorei ŋulu akoraki Akuj ŋituŋa daadaŋ ŋulu a ŋakwapin a daadaŋ.

Yos. 23:7

nyirukito ka ŋituŋa lu ŋulu idoŋito nakwapin ŋuna iboiyoto iyes, nyinyarito ŋirorwa a ŋakujo kec, kori nyikoŋo ilimito ŋirorwa a ŋakujo kec, kori nyitiyata ediotic aŋuna a ŋakujo a ŋun, kori nyilipete neni kec.