Sepan. 1:16 - Ebaibul

¹⁶ akoloŋit ŋina ituruunere arupepe ka ŋina eramakinere eli ŋolo itijikinere ŋitaunio ŋulu edukuk nooi ka ŋituŋa ŋulu eya naduketa ŋuna aoyak nooi, ŋuna ejiere.”

Sepan. 1:16 Iomraidhean Croise

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Isa. 32:14

Imyekinete ŋituŋa akiboi anakais a ŋuna ka apukan, eesikinio etaun ŋolo sek ileleba ŋituŋa; eruworosi ekamukumukut ka aduketait ŋina kirereet akwap ŋaduyon ŋuna a ŋikaru ka ŋikaru, eruwor neni elelyaniata ŋisigirya, eruwor neni edakasi ŋamesekin,

Isa. 59:10

Ikitwapitwapi isua esibit ikirae ŋimudukanotin, ikitwapitwapi isua esibit ikirae ŋulu emam ŋakonyen nyileerete ŋuna itiyao isua lopite ŋolo nyileereo ibore ekaikai akwap; ani erukitoe isua ka ŋulu egogoŋ, ikitakani ikisibit ŋikatwak.

Yer. 6:1

Okoe ŋituŋa a Benjamin toema ikotere iunosi, toema alotooma Yerusalem! Tokutakisi amomwara a emesek alo Tekoa ka kikyaasi alo Bes-Akerem ibore ŋini itoodikini ŋituŋa atemar totena, anerae ebunit aronis alo Kuju ileere nooi, ebunit akinyasuno ŋina apolon nooi.

Yer. 8:16

“‘Epupyo iwon eruye a ŋaŋolei a ŋimoe a lotaun a Dan epupyo iwon ŋaŋolei kec erubakinito irukosi, ido amaraniki akwap daadaŋ. Eponito ŋimoe yok akinyasun akwap ka amunyar ŋinibore daadaŋ eyai tooma keŋ, eponito ikes akinyasun etaun yok ka ŋituŋa daadaŋ ŋulu iboiyete a nen.’

Esek. 7:7

Adolu amunyaro kus neni kus, iyes ŋituŋa ŋulu iboiyete anakwap a Isirael. Adolu esaa, aapuu akoloŋit ŋina ke ekaile meere ŋina ebolyare itiyao ŋasuban alomoru.

Osea 5:8

Tokutakisi amomwara alo Gibea, tokutakisi arupepe alo Rama, toramakisi eli alo Bes-Apen, iyes ŋikilyok ŋulu a Benjamin, toloto lojie.

Osea 8:1

Iyes ŋulu iyokiyete ŋituŋa a Ekapolon, tokutakisi ŋabureryaŋae. Abu emoit lotuŋa ŋulu ke Ekapolon iuwuauna esibit egole, anerae nyiwuapa ikes Acamunet kaŋ ka ikes, ka abila ŋikisila kaŋ.

Yoel 2:1

Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Abak. 3:6

Ani ewoi iŋes tomaranik akwap; ani eŋoleŋolekini iŋes tomaranikis ŋituŋa. Ielielaari iŋes ŋimoru ŋulurubae; esiporete ŋikamukumukui ŋuluŋorok, ŋulu koloŋ etorenene iŋes.

Ŋikis. 28:52

Ikirikaunete ikes iyes alotaunio kus a daadaŋ akitodol ŋina eritakiniata kwap anakwap kus a daadaŋ ŋarwatatain ŋuna aoyak ŋuna ewuatere ŋitaunio kus ka ŋaduketa ŋunajiet ŋuna eya nen ŋuna sek ikinyomito iyes. Ikirikaunete ikes iyes anakwap kus a daadaŋ a ŋina ikiinak Ekapolon Akuj kus iyes.

Yos. 6:20

Tokutakis nai ŋisacaradotin ŋamomwar a ŋimeesekin. Ŋinapei eiraryata ŋituŋa eruye a ŋamomwar a ŋimeesekin, tocelut kiworout nooi, tosodi arwatata toritakin kwap. Toemaros ŋituŋa tooma etaun aneni daadaŋ aya ikes, kikamasi etaun daadaŋ.