Sepan. 1:12 - Ebaibul

¹² Apaki ŋin, atiŋi ayoŋ etaa ŋolo enoki, ewarya ŋikasecak Yerusalem, ido esicani ŋituŋa ŋulu ebasi ikiyakar ibore daadaŋ, ŋulu irworosi ebe, ‘Emam ibore itiyakini Ekapolon alopite a lo kori a ŋol.’

Sepan. 1:12 Iomraidhean Croise

Yob 21:15

Ŋae mono Akuj ŋina etiron, ŋina emaikina isua kitiyanakinae? Nyo ikiryamuni isua anakilip neni keŋ?’

Ŋikiru. 10:4

Iturosi ŋulu aronok, mam ŋuna ke Ekapolon ŋuna iwarito ikes; emam ŋadi daŋ ŋuna ka Akuj anatameta kec a daadaŋ.

Ŋikiru. 14:1

Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

Ŋikiru. 94:7

ido ebasi, “Nyikite Ekapolon iwon; nyeyeni Akuj a Isirael ŋuna ikitiyae iwon.”

Isa. 5:19

iyes ŋulu ibasi, “Kimyekisi Ekapolon kiburuburak akitiya etic keŋ, ikotere isua ikiŋolikini, kimyekisi ŋakiro ŋuna eye Ekapolon Akuj ŋina Asegan ŋina a Isirael kitiyakin atipei, ikotere isua ikiyenuni!”

Yer. 10:5

Ikwaan ŋakujo kec ka ŋiboorei ŋulu itwarere ŋikyeny alomanikor a ŋolo itakinitae ŋakolil, nyepedorete ŋakujo ŋun akirworo, iwokitae ikes anerae nyepedorete alosit. Nyikuryaketa aŋuna kec, anerae nyepedorete ikes akitiya aronis, kori nyepedorete daŋ akitiya ajokis.”

Yer. 48:11

“Ŋinapei anasorokanu kec eboiyete ŋituŋa a Moab emam ŋace, eboiyete ikes a ekisil lopite ŋolo esipor epiini anamoti, epiini ŋolo ŋilocokin anibore a ipei neni a ŋinice, mam tari nyerikoro ŋituŋa a Moab nakwap ace, aŋun ikwaan ikes ka epiini ŋolo nyemunaara abobou keŋ ka nyemunaara eure keŋ.”

Esek. 8:12

Tema Akuj neni kaŋ, “Lokoku a ituŋanan, iŋolik iyoŋ ŋuna itiyaete ŋikasikou a Ŋisirael anakimunono a? Iŋolik iyoŋ ŋuna itiyae ŋinituŋanan alokai keŋ a ŋina eyakasi ŋitorubei a? Ebasi ikes ebe, ‘Mam nyikite iwon Ekapolon, nyeriŋa Ekapolon etamunit akwap yok.’ ”

Esek. 9:4

tema neni keŋ, “Ape kirimok Yerusalem daadaŋ, kiwuanak emacar loreetin a ŋituŋa a ŋulu iyaloloŋete ka ŋulu igworosi aŋuna ka asiilyo a daadaŋ a ŋina itiyao alo Yerusalem.”

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Amos 6:1

“Ekaŋ iyes ŋulu iboiyete emam ŋace alo Sion ka iyes ŋulu iboiyete isilito ŋitai alomoru Samaria, iyes ŋarwonita ka akwap, iyes ŋulu eloseneneete Ŋisirael aryamun akiŋarakino!

Obad. 1:6

“Okoe, etya mono ai epite ŋolo eŋatarere ŋiboro a ateker a Esau! Adaun aŋatar ebari keŋ ŋolo ewuait iŋes.

Mal. 2:17

“Ituupa iyes Ekapolon a ŋakiro kus. Nai iŋitasi iyes ibasi, ‘Alipite ikituupya isua Ekapolon?’ Erae aŋuna irworotor iyes ibasi, ‘Ejokak ŋituŋa daadaŋ ŋulu itiyaete aronis alokiŋaren Ekapolon, ido elakara Ekapolon aŋuna kec,’ ka erae aŋuna iŋitatar iyes ibasi, ‘Ai mono eyai Akuj ŋina ka akiyookino?’ ”

2 Pet. 3:4

Temasi, “Aabala bo iŋes anakiikinet aboŋuni! Ŋinapei koloŋ atwakiata atapapaa yok, ikote ŋiboro daadaŋ nenipei koloŋ ekote anasubunet akwap.”

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.