Sepan. 1:10 - Ebaibul

¹⁰ “Akoloŋit ŋin, iiraryo akigworo alopuke a ŋolo a ŋikolya ka akiwolol anakibois a ŋina kitete alotaun ka abilibiliunun ŋina ireta alokamukumukui.

Sepan. 1:10 Iomraidhean Croise

2 Sam. 5:7

Tari daŋ kelimunito ikes ikoŋina, abu Daudi kikama aduketait a Sion ŋinajiet. Enyaritae tokona etaun ŋol ebe “Etaun a Daudi.”

2 Sam. 5:9

Kiboikin Daudi naduketait ŋinajiet, tolimok ekiro a aduketait a ŋin, “Etaun a Daudi.” Todukok arwatata a etaun a ŋol kisiryam, toluku tooma, toremokin kai ka apukan.

2 Ŋirw. 22:14

Apotu Ilikia ka Aikam ka Acibor ta Sapan kaapei ka Asaia toloto aanyun aberu ŋina anyaritae Ulida ŋina arae akadwaran, torae aberu a Sulam alokoku a Tikiba a ŋolo arae lokoku ka Arias a ŋolo edarit akabati a ŋilowi a ŋulu elipere. Eboi iŋes alo Yerusalem anatutubet a ŋina a ŋaarei alotooma ŋaomwon a akwap a Yudaya, aneni aloseneneete ŋituŋa aanyun iŋes.

2 Ŋakiro a ŋirwa 3:1

Kisyak Solomon akiduk Akai ke Ekapolon Yerusalem kidiama emukura ŋolo enyaritae Moria, neni kebunio sek Ekapolon totakanunia neni a Daudi a papa keŋ. Arae nen akibois ŋina sek keris Daudi keseu, akibois ŋina arae alos ŋina aramya Eyebusit ŋolo anyaritae Oranan ŋikinyom keŋ.

2 Ŋakiro a ŋirwa 32:22

Aŋun, abu Ekapolon tolaku Esekia ka ŋituŋa a Yerusalem aneni a Senakerib a erwosit ka Asiriya ka aneni a ŋimoe keŋ a daadaŋ. Abu Ekapolon kisieŋa ikes ejie alowaetin kec a daadaŋ.

2 Ŋakiro a ŋirwa 33:14

Kedaun ŋun, abu Manase toduk nabo nakadipaalat arwatata ŋina alokiŋa etaun a Daudi, ayai arwatata ŋin nakadipaalat To elelya Gion, toduk kitodol tari lopuke ŋolo anyaritae Epuke ŋolo a Ŋikolya, kisirimok arwatata emukura ŋolo enyaritae Opel; abu daŋ Manase kitooyaa arwatata nooi alokidiama. Kiwuanak ŋikapolok a ŋasigarya lotaunio a Yudaya daadaŋ ŋulu adukitoe ŋaduketa ŋunajiet.

2 Ŋakiro a ŋirwa 34:22

Apotu Ilikia ka ŋulu sek eyakit erwosit toloto aanyun aberu ŋina anyaritae Ulida; ŋina arae akadwaran, torae aberu a Sulam alokoku keŋ a Tikiba a ŋolo arae lokoku ka Asira a ŋolo edarit akabati a ŋilowi a ŋulu ilipere. (Eboi iŋes alo Yerusalem anatutubet a ŋina a ŋaarei alootoma ŋaomwon a akwap a Yudaya.) Tolimokis ŋul Ulida ŋakiro ŋuna eyakitere ikes.

Neem. 12:39

kitoroi kidiama epuke ŋolo a Epuraim, kitoroi diyete Epuke ŋolo Ŋorot ka diyete Epuke ŋolo a Ŋikolya ka diyete aduketait ŋina aoyan ŋina ka Ananel ka diyete aduketait ŋina aoyan ŋina Amiat tari lopuke ŋolo a Ŋamesekin, ido abu atukot ŋin towo alopuke a ŋolo a ŋiketeok.

Neem. 3:3

Tosodi toduko ŋidwe ka Asenaa epuke ŋolo a Ŋikolya, kiwuakis ŋakito ŋuna a epuke, ido kiwuakis ŋikekya, ŋigolyet ka ŋasuwa ŋuna ilorere epuke.

Isa. 59:11

Ipopolao isua daadaŋ ikwa ŋityaŋ ŋulu adedeŋak, igworoe isua nooi ikwa ŋakuryo. Iitanitae isua akiyookino, nai nyeryamuna, iitanitae isua aiuno, nai elwana aiuno aneni kosi.

Yer. 39:2

Alokaru a ŋolo a ŋitomon ka epei ŋirwa ke elap ŋikanikaomwon elap ŋolo a ŋiomwon ipukat Sedekia, aponi topedoi arwatata a etaun.

Yer. 4:31

Abu ayoŋ eira akigworo ŋina esibit akigworo ka aberu a ŋina eryeba aŋuna ka akidoun, abu ayoŋ eira akigworo ŋina ka aryeba a ŋina ikwaan ka ŋina a aberu a ŋina eapi akidoun ikoku keŋ ŋini kiyae. Arae ŋin akigworo a ŋituŋa a Sion, a ŋulu eŋaamete ieŋasi, topetarito ŋakan kec ebasi, ‘Oitakoi! Adaunoi isua eriŋa ŋikaarak nyedoluno.’ ”

Esek. 6:13

Eyenunete nai ikes atemar arae ayoŋ Ekapolon apaki ŋin ŋina iŋolikiniata ikes ŋalyalin a ŋituŋa kec eperete alokidiŋ ŋakujo kec, alodiyete ŋamuroeta kec, alokidiama ŋikamukumukui ŋulu aoyak daadaŋ, alokidiama ŋimoru daadaŋ, alokwap ŋikito ŋulu alibak daadaŋ ka alokwap ŋolokuyon eya ŋakuii daadaŋ, nakiboisyo ca daadaŋ ŋuna apeyoto ikes neni a ŋakujo ŋainakineta ŋuna ebob eure icunyo neni a ŋakujo kec.

Amos 8:3

Akoloŋit ŋin, iwololoete ŋituŋa eeosi alo kai a ŋina ilipyata; ilelebun ŋawat a ŋituŋa ŋiwaetin daadaŋ ŋulu ka akwap, imasaryo ŋawat a ŋituŋa kiŋa ekililiŋat.”

Sepan. 1:15

Eruwor akoloŋit ŋin ŋina ka anyunyura, akoloŋit ŋina ka akiyaloloŋ ka aryeba, akoloŋit ŋina ka amunaaro ka akinyasuno, akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina a akiryonut cuc,

Sepan. 1:7

Kililiŋa alokiŋaren Ekapolon Akuj, anerae aapuu akoloŋit ŋina ke Ekapolon; etemok Ekapolon amuronot; adau iŋes akitaleun ŋulu enyarit iŋes.