Sakar 9:12 - Ebaibul

¹² Toboŋutu iyes ŋulu iyakatar akigeno, iyes ŋulu sek ikirikoritae nakwapin toboŋutu nakibois kus ŋina eyai aiuno. Akalimokini ayoŋ iyes tokona atemar, ekenyakakini ayoŋ iyes ŋinibore ŋarwa ŋaarei adepar ŋini sek.

Sakar 9:12 Iomraidhean Croise

Yob 42:10

Kedau Ekapolon akiirar akilip a Yob aŋuna a ŋikonei keŋ, abu kinyakak Yob ŋiboro ŋulu sek ayakar, kiyatak a ŋolo kimar etiyae ŋolo sek a ekiŋaren.

Isa. 24:22

Ecunakinio ikes daadaŋ iwapei ikwa ŋimabus ŋulu ecunakinitae lojera, egolokinio ikes lojera, ido kelunyar ŋirwa ŋulu alalak, isicanio ikes.

Isa. 38:18

Nyepedorete ŋituŋa ŋulu eya nakibois ŋina a ŋikatwak alakar neni kon, nyepedorete ŋulu etwakito akipuro iyoŋ; nyepedorete ŋulu alomasi nakipany akigeno neni kon aŋuna ka akikinyoma kon.

Isa. 40:2

Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Isa. 49:9

Alimonokin ŋimabus ebe, ‘Tolomutu kiŋa,’ alimonokin ŋulu eya nakiryonut ebe, ‘Kitoodiunos.’ Eryamunete ikes akimuj emeto ŋirotin, eryamunete ikes akimuj alokidiama ŋikamukumukui daadaŋ ŋulu emam ŋikito.

Isa. 52:2

Okoe ŋituŋa a Yerusalem, tonyoutu irae ŋulu itopolooro, tobutosi ŋican tolacasi ŋiriko ŋulu ikienito iyes okoe ŋituŋa a Sion!

Isa. 61:7

Akilo ŋileec ŋulu apotu ŋituŋa kaŋ toryamut, eryamunete ŋituŋa kaŋ ebari ŋolo alalan akilo; akiyaloloŋ ŋina apotu ŋituŋa kaŋ toryamut, eryamunete alelyanu anibore a ŋini eryamunete, eryamunete ibore ŋini alalan anakwap ka eruwor alelyanu ŋina a ŋikaru ka ŋikaru ŋina kec.

Yer. 14:8

Okoe iyoŋ irae akigeno a Ŋisirael, ekalakunan kec anapaki a ŋina a ŋican. Kaanukiro itiyaa iyoŋ esibit irae egela anakwap, esibit irae ekaloton ŋolo erii iwace toper nakwaare?

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Yer. 31:17

eyai akigeno aŋuna ka akiyar kus a ŋina a moi, eboŋunete ŋidwe kon nakwap kec a ŋilopeyek.

Yer. 31:6

Ebunit apaki ŋina eceluniata ŋiketeok etaun alokamukumukui a Epuraim ebasi, ‘Potu etipeiyosi Sion neni a Ekapolon Akuj yok,’

Yer. 50:28

“Kiirasi! Eponito ŋikerimitok ka ŋikadokinok anakwap a Babilon, alimor alo Sion epite ŋolo enyaŋarya Ekapolon Akuj yok ŋakiro a Ŋibabiloniyae, inyaŋi iŋes ŋuna apotu ikes kitiyata Kai ka Akuj.

Yer. 51:10

Adau Ekapolon akisyon iwon; potu olimosi alo Sion ŋiticisyo ŋulu etiya Ekapolon Akuj yok.

Esek. 37:11

Tema nai Ekapolon neni kaŋ, “Lokoku a ituŋanan, isikwaanitae ŋakoyo nu ka Ŋisirael daadaŋ. Ebasi Ŋisirael, ‘Aoko ŋakoyo kosi deu ka adaun akigeno aneni kosi, nyeriŋa ikimisitae isua.’

Osea 2:15

A nen, enyakakini ayoŋ iŋes ŋimanikorin keŋ ŋulu ke epiini, eturuwo akadipaalat ŋina ka Acor neni egeunia akigeno, iwuapi iŋes ŋakiro kaŋ a nen lopite ŋolo ewuapitor apaki ŋina ariŋaakar iŋes esorokana ka iwuapi lopite ŋolo etiyaa iŋes apaki ŋina abunio iŋes anakwap a Ijipit.

Yoel 3:16

Ipopolakini Ekapolon alomukura a ŋolo a Sion, egirokini etoil keŋ alo Yerusalem, ido emaranikinete nakuj ka akwap. Nai neni ke Ekapolon iŋes emecete ŋituŋa keŋ, neni keŋ eyakaun Ŋisirael pa iryaŋiryaŋasi.”

Mika 4:8

Ani eruwor iyoŋ Yerusalem, neni iyokiyo Akuj ŋituŋa keŋ ikwa ekeyokon, iruwor iyoŋ nabo etaun ŋolo apolon anapukan a ŋina sek erae ŋina kon.

Naum 1:7

Ejok Ekapolon, eiununui iŋes ŋituŋa keŋ apaki ŋina eyakatar locan, eiununui iŋes ŋituŋa ŋulu eemete neni keŋ,

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.

Ŋibur. 6:19

Ikiyakar iwon akigeno na erae ŋina ikituruworit iwon ŋulu ikiuna ka ŋulu nyikiryaŋiryaŋa ka itogogoŋit akiyar yok. Edolit akigeno na tari yaaye anaŋga ŋina ineno alokai ka Akuj kiteriboorite akibois ŋina eyai kidiŋ jik Akai ŋina anakuj.