Sakar 9:11 - Ebaibul

¹¹ “Aŋuna ka acamunet kaŋ ka iyes, a ŋina ikicamunor iwon anakisitiya ŋaokot ŋuna a ŋamuronisya, alacakini ayoŋ ŋituŋa kus ŋulu eenitae, nyerubakinete ikes eenen anapanya a ŋuna emam ŋakipi.

Sakar 9:11 Iomraidhean Croise

2 Sam. 13:13

Ani eruwor ayoŋ, ai alosi ayoŋ ka ŋileec kaŋ? Ani bo iyoŋ, iruwor iyoŋ epei a ŋibaŋaanotin a ŋulu alo Isirael a? Ekemaimai ayoŋ iyoŋ, ape tolimok erwosit ŋakiro nu, nyekeretakini iŋes ayoŋ akiit iyoŋ.”

2 Ŋakiro a ŋirwa 7:17

Ani iyoŋ Solomon, ani kiwuap iyoŋ ŋakiro kaŋ lopite ŋolo ewuapitor Daudi papa kon a epeitau ka anakiyookino, ido kitiya ŋuna daadaŋ adau ayoŋ akicik iyoŋ, kiwuap ŋikisila kaŋ ka ŋuna atubunit ayoŋ,

Yob 33:30

aŋuna ka akinyakun akiyar kec anakibois a ŋikatwak, ikotere ŋituŋa elelyanete aŋuna eyaryata.

Ŋikiru. 30:3

Okoe Ekapolon, ibu iyoŋ nyikimyek ayoŋ olot nakibois a ŋikatwak, nai idau iyoŋ aiun ayoŋ nyaloma nalup.

Ŋikiru. 40:2

Abu iŋes okoiu ayoŋ alocan a ŋulu abu oryamu nooi, abu iŋes okoiu ayoŋ nyaloma nakibois a ŋikatwak; abu eketowo ayoŋ aiuna, ayai tokona ayoŋ emam pa akuryana.

Ŋikiru. 69:33

anerae epupi Ekapolon ŋulu eyakatar akiitanit, ido nyejamuwarit iŋes ŋituŋa keŋ ŋulu ikamanaritae.

Awos. 24:8

Tolemu nai Moses ŋaokot ŋuna aya nabakulei towuasya ŋituŋa tema, “Erae ŋaokot nu ŋuna ka Acamunet a ŋina abunio Ekapolon tocamunotor ka iyes anakiro a nu a daadaŋ.”

Isa. 24:22

Ecunakinio ikes daadaŋ iwapei ikwa ŋimabus ŋulu ecunakinitae lojera, egolokinio ikes lojera, ido kelunyar ŋirwa ŋulu alalak, isicanio ikes.

Isa. 42:22

Nai arae ŋituŋa keŋ ŋulu akokoiyaritae ka aŋataritae, arae ikes daadaŋ ŋulu agolokinitoe napanya ka ewuaitae alojerae; apotu ikes toruwor akimuj a ŋityaŋ todaun ŋini eiuni, apotu ikes toruwor ŋiŋatanara todaun ŋini etemari, “Kinyakasi ikes.”

Isa. 42:7

ikotere itekyenyunete ŋakonyen a ŋulu emudukaka, ikotere ilakunete ŋienan ŋulu iboiyete anakiryonut.

Isa. 49:9

Alimonokin ŋimabus ebe, ‘Tolomutu kiŋa,’ alimonokin ŋulu eya nakiryonut ebe, ‘Kitoodiunos.’ Eryamunete ikes akimuj emeto ŋirotin, eryamunete ikes akimuj alokidiama ŋikamukumukui daadaŋ ŋulu emam ŋikito.

Isa. 51:14

Elakunio atipei ŋulu isicanitae, nyetwakete ikes ka nyelomarete nakipany, kori nyicanakinosi akimuj.

Isa. 58:12

Edukokinio nabo ŋakais kus ŋunakoloŋ ŋuna aritanakina, idukokinete iyes ŋakais ŋuna a ŋanyemeta a ŋuna alalak; ikinyarao iyes ŋikadukokinak nabo ŋarwatatain ŋuna abwaŋabwaŋaara, ŋikewuakinak nabo ŋirotin a etaun ŋulu eya ŋakais nawae.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Yer. 38:6

Aŋun, apotu ikes torikosi Yeremia kimasakis tooma akare a Milikia alokoku a erwosit, ŋina ayai nalapatu ŋina a ŋasigarya a ŋuna eyokiyete akai a erwosit, kiyoolikis ikes Yeremia tooma akare a ŋaunoi. Amam ŋakipi alokare, nai arae ecoto bon ayai, toloma Yeremia locoto.

Dan. 2:29

Apaki ŋina ijotoo iyoŋ okoe erwosit, apotu ŋatameta kon totamatama, ŋakiro ŋuna eponito, ido abu Akuj ŋina isileereununui ŋakiro ŋuna imunono ikitoodik iyoŋ ŋakiro ŋuna epote atakanun.

Mat. 26:28

anerae erae nugu ŋaokot kaŋ, ŋaokot ŋuna ka Acamunet, ŋuna ebukoritae ikotere ŋulu alalak isyoniyo ŋasecisya.

Mar. 14:24

Tolimok Yesu ikes tema, “Erae nu ŋaokot kaŋ, ŋuna ka Acamunet, ŋuna ebukoritae ikotere ŋikalalak.

Luk. 16:24

Tosodi iŋes togeu anyaraiyanar ke etoil a ŋolo apolon ebala, ‘Papa Aburaam, kisyoni kare ayoŋ! Kiyaku Lasaro kilumok ekimoin keŋ nakipi ŋadi, ido kitililimik naŋajep kaŋ, anerae akapipilikinit ayoŋ akim na nooi!’

Luk. 22:20

Ikwaŋinapei kedaun akimuj, abu iŋes tolemu ekopo, inak ikes tema, “Erae logo ekopo ŋolo a ŋaokot kaŋ aŋuna ka Acamunet a ŋina kitete ŋuna ebukoritae ikotere iyes.]

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

1 Ŋikor. 11:25

Ikoŋinapei, kirikakis akimuj, tolemu ekopo tema, “Erae logo ekopo ŋolo a ŋaokot kaŋ a ŋuna ka Acamunet a ŋina kitete. Apaki daadaŋ ŋina imasyata iyes alokopo a lo, tomata ikiitunitotor ayoŋ.”

Ŋikis. 5:31

Nai iyoŋ, towo a ne alodiyete kaŋ, tosodi akalimokini ayoŋ iyoŋ ŋakiciketa daadaŋ, ŋakiro ŋuna etubunitoe ka ŋikisila ŋulu emaikina iyoŋ kitatam ikes, ikotere iwuapete ikes anakwap a ŋina ainakini ayoŋ ikes toruwor ŋina kec.”

Ŋibur. 10:2

Ani kerae kire kitesegunitetei jik anasecit kec ŋituŋa ŋulu elipete Akuj, pa keriŋa ikes eyenete atemar ikirae ŋikasecak, nabo keesikinito alemunun ŋamuronisya.

Ŋibur. 10:29

Ikokini nai ai ituŋanan ŋini ejamuwarit Lokoku ka Akuj? Ŋini itusubunit koŋin ŋaokot ŋuna ka Acamunet a ŋina ka Akuj ŋuna etesegunere iŋes anasecisya, ŋini nabo iyanyi Etau ŋolo etoodikini ajokis neni keŋ? Totama mono iyes, etya ai akisicanet ŋina eryamuni ituŋanan ŋin!

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

Akis. 20:3

Kimasak emalaika iŋes nauwuat ŋina aoyan, togolok auwuat kimuleleiya, ikotere nyepedorya nabo iŋes amodyanakin ŋakwapin tari ŋina elunyarotor ŋikaru aliput. Ani kelunyar ŋikaru ŋul, itemokino tolacakinae iŋes adiouriyen.