Sakar 8:23 - Ebaibul

²³ Alorwa a ŋul epote ŋituŋa ŋulugelaanotin ŋitomon neni ke Eyudayat ke epei temasi, ‘Ecamitae isua arukor ka iyoŋ neni ilosi, anerae adaun isua akiirar atemar irukito iyoŋ kaapei ka Akuj.’ ”

Sakar 8:23 Iomraidhean Croise

Akisy. 31:41

Ŋikaru ŋulutomoniarei lu daadaŋ, ŋulu eboiyo ayoŋ alokal kon, abu etiya neni kon ŋikaru ŋitomon ka ŋiomwon aŋuna a ŋidwe kon a ŋulupesur a ŋuluarei ka ŋikaru ŋikanikapei aŋuna a ŋakinei kon, ido ilocok iyoŋ eropit kaŋ ŋarwa ŋatomon.

Akisy. 31:7

nai akamodiki ayoŋ papa kus, elocok eropit kaŋ ŋarwa ŋatomon, nai nyecamakina Akuj iŋes akawani ayoŋ.

2 Ŋirw. 2:6

Tolimok nai Eliya Elisa tema, “Kidoŋ ne, anerae ekeyakit Ekapolon ayoŋ alosit naŋolol Yorodan.” Nai kikoŋ Elisa tema, “Ikwaŋinapei eyaria Ekapolon ka ikwaŋinapei iyaria iyoŋ, nyakaesikini ayoŋ iyoŋ.” Torukosi nai ikes ekwaakasi ŋiarei.

1 Ŋakiro a ŋirwa 12:18

Abu nai etau ka Akuj bu neni ka Amasai a ŋolo arae ekarikon a ŋikilyok a ŋulutomoniuni, ido abu tema, “Okoe Daudi, ikirae isua ŋulu kon! Okoe lokoku a Yese, ikiriit isua ka iyoŋ! Kiryama ka ekisil, kiryama ka ekisil, ekisil toyai neni a ŋulu iriitotor iyoŋ, anerae ikiŋarakinit iyoŋ Akuj kon.” Aŋun, abu Daudi kijau ikes, ido abu kituruwo ikes ŋikarikok a ŋajorei keŋ.

2 Ŋakiro a ŋirwa 15:9

Ekaku a ŋun, abu iŋes tocunak ŋituŋa daadaŋ ŋulu a Yudaya ka Benjamin ka ŋulu keponito akiboi Yudaya alo Epuraim ka Manase ta alo Simeon. Kepotu ŋituŋa ŋulu alalak nooi potu alo Isirael akiboi Yudaya, anerae kepotu toanyut atemar erukito Asa ke Ekapolon Akuj keŋ.

Esta 8:17

Alotooma ŋinakwap daadaŋ ka ŋolotaun daadaŋ neni aponi tolimokinae akirot a erwosit ka ekisil ŋolo abu iŋes kitutub, apotu Ŋiyudayan tolelyana ka tolakaros. Kiwuanakis ŋasuban ka kieŋut aloticisyo. Kibelekinos ŋituŋa ka akwap a ŋin ŋulu alalak toruwor Ŋiyudayan, anerae apotu ikes tokuryaketa aŋuna a Ŋiyudayan.

Yob 19:3

Ŋarwatin tokona ŋatomon ikisitakinito iyes ayoŋ; nyikirumito mono iyes ŋileec akiteryamun ayoŋ ŋican anakiro kus a?

Ekal. 11:2

Totyakatyakata ibore ŋini iyakatar iyes kijokonokis ŋituŋa ŋikanikaarei, kori ŋikanikauni, anerae nyiyenete iyes ŋican ŋulu ipedorete iyes aryamun anakwap a na.

Isa. 3:6

Ikamuni ituŋanan iyenet keŋ ŋini ka ateker keŋ, tema, “Inapit iyoŋ lopite ŋolo enapitotor ŋikarikok, emaikina iyoŋ toruwor ekarikon kosi, ikipolok isua anapaki a na a ŋina a ŋican.”

Isa. 4:1

Akoloŋit ŋin, ikamunete ŋaberu ŋakanikaarei ekile epei temasi, “Ikimuji isua akimuj kosi a ŋilopeyek ka ikinapi ŋilowi kosi a ŋilopeyek, nai tocamu itonyarae isua ŋaberu kon, ikotere elemarotor ŋileec kosi.”

Isa. 45:14

Alimu Ekapolon ebe, “Eyaunio neni kon ebari a Ijipit ka ŋiboro ŋulu egyelanaryo alo Esiopia ta ŋiboro a Ŋisabean a ŋituŋa a ŋulu aoyak, eyaunio neni kon ka eruworosi ŋiboro ŋul daadaŋ ŋulu kon, epote ŋituŋa ŋul akiwuap iyoŋ irae ekapolon kec; epote ikes neni kon eenitae a ŋiriko, toryediko alokiŋaren kon. Ikilipete ikes iyoŋ ebasi, ‘Iyoŋ bon irukito ka Akuj, emam ice erukito ka Akuj, emam akuj ace mati ŋina irukitotor iyoŋ.’

Isa. 45:24

Etemarete ŋituŋa aŋuna kaŋ ebe, “Neni ke Ekapolon bon eya akiyookino ka agogoŋu. Ŋituŋa daadaŋ ŋulu apotu toŋero Ekapolon, epote neni keŋ, ido isurumyo ŋileec.

Isa. 55:5

Kiirasi, inyaraete iyes ŋituŋa a ŋakwapin a ŋuna nyiyenete iyes, ido epote neni kus ekerete ŋituŋa a ŋakwapin a ŋuna nyiyenete iyes, aŋuna a Ekapolon Akuj kus ŋina asegan a Isirael, anerae ikitopoloyo iŋes iyes.

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Isa. 60:3

Epote ŋituŋa anakwapin akiwuap ŋuna ka akica kus, epote ŋirwosi akiwuap ŋuna ka akica kus a ŋina ileere.

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Mika 5:5

Iŋes eyauni ekisil. Ani kepotu ŋituŋa ŋulu ka Asiriya nakwap yok, kitorut naduketa ŋunajiet, iyakiyaryo iwon ŋikarikok yok ŋulu egogoŋ kitijikis ikes.

Sepan. 3:19

Apaki ŋin, esicani ayoŋ ŋulu ikiimakinito iyes, aiuni ayoŋ ŋikaŋwalak, ido ocunak ŋulu ejamuwaritae, elocokini ayoŋ aleeco kec, ainakini ayoŋ ŋituŋa kitopoloosi ikes, ikotere todaun ŋileec aneni kec.

Ekim. 14:22

mam ituŋanan alotooma ŋituŋa ŋulu eŋolikis akica kaŋ ka ŋakitoodyanakineta ŋuna abu ayoŋ etiya alo Ijipit ka analoŋisat, ido eketemo ayoŋ ŋakitemyeta ŋatomon ka ŋini nyiwuapa ŋakiro kaŋ,

Luk. 8:44

Toŋicun iŋes alokaku, totap abilet ŋina ke elou a Yesu; totubos ŋaokot atipei.

Ŋitic. 19:12

Ayaununuyete ŋituŋa neni a ŋikadyakak ŋakitambarae ka ŋarapeta ŋuna keris Paulo kisitiya, kiritanarere ŋidekesyo kec ka kitorotonokinere ŋipyan aneni kec.

1 Ŋikor. 14:25

Isileereuni ŋuna alotau keŋ ŋuna imunono, ido toryedik kilip neni ka Akuj, ebala, “Kire, eyai Akuj neni kus!”

Yos. 8:35

Tosyomak Yosua ŋituŋa Ŋikisila a Moses daadaŋ, kiirasi ŋituŋa daadaŋ kiirasi tari ŋaberu ka ŋidwe ta ŋituŋa ŋulu a ŋakwapin a ŋunagelae ŋulu aya nen.