Sakar 8:22 - Ebaibul

²² Epote Yerusalem ŋituŋa ŋulu alalak ka ŋakwapin ŋuna agogoŋok alojiesyo. Epote ikes akilip Ekapolon ŋolo Etiron ka akilipun ŋarereŋisyo aneni keŋ.

Sakar 8:22 Iomraidhean Croise

Ŋikiru. 68:30

Kiŋenyak ŋituŋa a Ijipit ŋulu ikwaan ka ŋityaŋ ŋulu adedeŋak ŋulu iboiyete anasasak; ŋulu ikwaan ka esipan a ŋimoŋin; ka kiŋenyak ŋulu eyarikinito neni a Ijipit, akitodol ŋina itiditeunotor ikes yaut esilipa kec neni kon. Kielielaa ŋituŋa ŋulu eminasi ejie.

Isa. 2:2

Alorwa a ŋulu eponito, ituruworyo ekamukumukut ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui. Ilelebikinosi ŋituŋa a ŋakwapin neni keŋ.

Isa. 2:3

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes.” Anerae Sion iŋes elomuniata ŋikisila, Yerusalem iŋes elomunia akirot ke Ekapolon.

Isa. 25:7

Elemari alomoru alo Ekapolon ŋakiro ŋuna eenitere ŋituŋa daadaŋ, elemari ŋakiro ŋuna imukoritere ŋituŋa a ŋakwapin a daadaŋ; elemari iŋes atwanare jik.

Isa. 49:22

Alimu Ekapolon Akuj ŋakiro nu, “Eapi ayoŋ akisican ŋituŋa a ŋakwapin, ekea abendera kaŋ kiŋolikis ŋituŋa a ŋakwapin, tosodi kinyakut ikes ŋidwe kus ŋulusapa edakito a ŋakan ka edakunete ikes ŋidwe kus ŋulupesur aloseketa kec.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 55:5

Kiirasi, inyaraete iyes ŋituŋa a ŋakwapin a ŋuna nyiyenete iyes, ido epote neni kus ekerete ŋituŋa a ŋakwapin a ŋuna nyiyenete iyes, aŋuna a Ekapolon Akuj kus ŋina asegan a Isirael, anerae ikitopoloyo iŋes iyes.

Isa. 66:23

Ameun alolap ke epei tari lolap ŋoloce ka ameun anakoloŋit a Sabato ka apei tari ŋinace, epote ŋituŋa daadaŋ akilip neni kaŋ.

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Mika 4:2

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes; anerae Sion iŋes elomuniata ŋikisila, ido, Yerusalem iŋes elomunia akirot ke Ekapolon.”

Mika 4:3

Etubi Akuj ŋiburasinei a ŋakwapin, etubi iŋes ŋiburasinei a ŋakwapin a ŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Agai 2:7

Eiŋiiŋakini ayoŋ ŋakwapin daadaŋ, ikotere ebari a ŋakwapin a daadaŋ ebuni, ido elelebik ayoŋ akibuses Kai na.

Sakar 14:16

Epote nai ŋituŋa anakwapin a daadaŋ a ŋuna itijiete Yerusalem akitipeiyor a ŋolokaru Yerusalem akilip neni a Erwosit, Ekapolon ŋolo Etiron, ido kinumunuma ŋasuban ŋuna a ŋisakaitei.

Sakar 8:21

Etemarete ŋituŋa ŋulu ke etaun ke epei neni a ŋulu ke etaun a ŋoloce ebe, ‘Elosyo isua akilip Ekapolon ŋolo Etiron ka akilipun ŋarereŋisyo aneni keŋ; potu oloto ka isua!’

Ŋigal. 3:8

Apotu Ŋakigireta koloŋ todwara atemar elimori Akuj atemar iyookinosi ŋituŋa ŋulu nyerae Ŋiyudayan aŋuna ka anupit kec. Aŋun apotu Ŋakigireta tolimokis Ŋakiro ŋuna Ajokak neni ka Aburaam temasi, “Iterereŋi Akuj ŋakwapin daadaŋ aŋuna kon”.

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

Akis. 21:24

Elosete ŋituŋa a ŋakwapin a daadaŋ anakica keŋ ka eyaunete ŋirwosi ŋulu ka akwap ebari kec tooma keŋ.