Sakar 8:19 - Ebaibul

¹⁹ “Emaikina akiredanakin akiron ŋina iredanakinere aroneenen elap ŋolo a ŋiomwon, ŋolo a ŋikan, ŋolo a ŋikanikaarei ka ŋolo a ŋitomon, toruwor ŋasuban ŋuna ka alelyanu ka alakara aneni a ŋituŋa a Yudaya. Aŋun, emaikina iyes tominakis ŋuna a kire ka ekisil.”

Sakar 8:19 Iomraidhean Croise

2 Ŋirw. 25:1

Alokaru a ŋolo a ŋikanikaomwon elap ŋolo a ŋitomon ŋirwa ke elap ŋitomon ipukat Sedekia, abu erwosit a Babilon ŋolo anyaritae Nebukadinesar toloto ka ŋasigarya keŋ daadaŋ akirikaun Yerusalem. Apotu ikes torekinos kiŋa etaun, toduko ŋadoketa kisiryama kiŋa etaun.

2 Ŋirw. 25:25

Nai ani edoli elap ŋolo a ŋikanikaarei, abu Isimael lokoku a Nesania a ŋolo arae lokoku a Elisama a ŋolo anateker a erwosit, torukut ka ŋikilyok ŋitomon, toara Gedalia kaapei ka ŋikilyok ŋulu alo Yudaya ka ŋulu alo Babilon ŋulu arukito ka iŋes alo Misipa.

Esta 8:17

Alotooma ŋinakwap daadaŋ ka ŋolotaun daadaŋ neni aponi tolimokinae akirot a erwosit ka ekisil ŋolo abu iŋes kitutub, apotu Ŋiyudayan tolelyana ka tolakaros. Kiwuanakis ŋasuban ka kieŋut aloticisyo. Kibelekinos ŋituŋa ka akwap a ŋin ŋulu alalak toruwor Ŋiyudayan, anerae apotu ikes tokuryaketa aŋuna a Ŋiyudayan.

Esta 9:22

Totamunito ŋirwa ŋul erae ŋirwa ŋulu eeŋuniata Ŋiyudayan alomoe kec ka elap ŋol erae elap ŋolo aryamuniata ikes alelyan akilo akiyaloloŋ, akieŋun akilo akigworo. Amaikina ikes kituruwosi ŋirwa ŋul ŋulu ka alelyan ka ŋulu a ŋasuban, ŋirwa ŋulu einanakinere make ŋainakineta ŋuna a ŋamuja ka ŋulu einanakinere ŋainakineta neni a ŋikulyak.

Ŋikiru. 30:11

Idau iyoŋ akituruwor akiyaloloŋ kaŋ alelyanu ŋina kidoŋaet; idau iyoŋ akitalacar ayoŋ ŋilowi kaŋ ŋulukigworyet, ido ikiinak iyoŋ ayoŋ alelyanu,

Ŋikiru. 34:15

Ite Ekapolon ŋulu iyookino; ka epupi Ekapolon akigworo kec aŋuna ka akiŋarakino.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 51:11

Aŋun, eboŋunete ŋituŋa ŋulu elakakinit Ekapolon, epote Sion eosi, eyakaunotor ikes alelyanu ŋina nyedaun, eryamunete ikes alelyanu ka alakara, emamukaun aneni kec akiyaloloŋ ka akisuta.

Yer. 36:6

aŋun tolot iyoŋ elope; tosodi akoloŋit ŋina iredakinitere akiron tosyom ŋakiro ke Ekapolon alokitaabo a ŋolo igiri iyoŋ, ŋakiro ŋuna akalimonokini ayoŋ iyoŋ. Tosyom ikes alo Kai ka Akuj epupete ŋituŋa, emaikina iyoŋ tosyom ŋakiro ŋun topupete ŋituŋa a Yudaya daadaŋ ŋulu eponito alotaunio kec.

Yer. 39:2

Alokaru a ŋolo a ŋitomon ka epei ŋirwa ke elap ŋikanikaomwon elap ŋolo a ŋiomwon ipukat Sedekia, aponi topedoi arwatata a etaun.

Yer. 52:4

Tosodi alokaru a ŋolo a ŋikanikaomwon, elap ŋolo a ŋitomon, ŋirwa ke elap ŋitomon ipukat Sedekia, abu erwosit a Babilon ŋolo anyaritae Nebukadinesar toloto ka ŋasigarya keŋ daadaŋ akirem Yerusalem kirikaut iŋes. Apotu ikes torekinos kiŋa etaun, toduko ŋadoketa kisiryama kiŋa etaun.

Esek. 18:8

ani pa kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak ka keŋerit iŋes akitiya aronis, totubi aloikiiko a ŋolo iburatotor ŋituŋa ŋakiro ŋuna nyeikinitor epei a ŋul,

Esek. 24:1

Alokaru a ŋolo a ŋikanikaomwon, elap ŋolo a ŋitomon, ŋirwa ke elap ŋitomon, abu Ekapolon kirwor neni kaŋ tema,

Sakar 7:3

ka akiŋit ŋisacaradotin ka ŋikadwarak akiŋiset na, “Erubakinio mono isua ikigworo aŋuna ka Akai a ŋina emunaara a ŋina ka Akuj a? Ikirubakini mono isua ikiredanakini akiron elap ŋolo a ŋikan lopite ŋolo sek ikiredanakinia akiron ŋikaru ŋulu alalak ŋulu alunyar a?”

Sakar 7:5

“Kiŋit ŋituŋa ŋulu ka akwap kon ka ŋisacaradotin ebe, ‘Ani mono apaki ŋina iponiata iyes kiredakis akiron ka kigworo elap ŋolo a ŋikan ka ŋolo a ŋikanikaarei ŋikaru ŋatomonikanikaarei ŋulu alunyarosi, arae mono kire aŋuna kaŋ iredakinitotor iyes akiron a?

Sakar 8:16

Ŋakiro nu ikes emaikina iyes kitiyata: Itemokino ŋinituŋanan kirwor ŋuna a kire neni a ŋinice ka totubonokisi anakiyookino alo ikiikoe kus.

Sakar 8:18

Abu Ekapolon ŋolo Etiron tolimok Sakariya ŋakiro nu tema,

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.